Yirile 16:3 - Cebaara Bible 2010

³ Isirayɛli ye maa gi joo be ma níì jo: «Yawe ga maa wolo kpóo yaà Ezyipiti tári ni lǎli ni wolo da pye yaà lè káari kòdɔlɔyɔ taana wodɛ́ɛnbéle ní, ní wɔ́ɔ i yaliiri taagi ni líi ni tíngi lè páan, koro ki a dée pɔ́rɔ wolo ma, fwɔɔ a yele wolo kɔ́ri n pan fìimɛ tári naa ma bi ba syɛɛnnɛʔɛmi naa myɛ kpóo nɛɛ kateegi kɔ́yɔ ni.»

Yirile 16:3 Iomraidhean Croise

Zyɔbi 3:1

Koro kàdoʔo ma, a Zyɔbi nyɔ́ɔgi múgu n wi canzeegi dánga.

Zyɔbi 3:10

Níì cán láagi gi mii fícɛnni taa lè, ki da láagi bee tɔ́n í, jàngó bi wɔʔɔgi naa làriga mii na í.

Zyɔbi 3:20

Nyàʔá na wi gbɛ̀ɛnmi kaangi wee má wi wɔʔɔ lè, n wɔ́ɔ ni sìi kaangi funnyɛniyi fɔ̀ɔlɔ ma,

Ŋúnuyi 107:5

Pe maa ni káagi kateegi ní lògbaagi kɔ́yɔ ni. A be fúnyi fànʔa kwɔ́ɔ.

Ŋúnuyi 78:19

Pe n syɛɛnpeere joo n wáa Kolocɔlɔɔ na níì jo: «A Kolocɔlɔɔ a gbǎn yaliire tɛ́ʔɛ lé syɛ́ɛnbèle taana fìími tára ni?

Ŋúnuyi 78:25

Pe myɛ nibin nibin n nyɛ̀ʔɛni tundunbéle liile lìi, wi n yaliiri kaan be ma fwɔɔ a be tín.

Yirile 14:11

A be Mowizi yari: «Nyanya lé yi da fɔ̀n Ezyipiti ni, á mɔ wolo kɔ́ri n pan fìimɛ tári naa ma wolo í ba kùu? Nyàʔá mɔ pye gee wolo na àmɛɛ mɔ wolo kɔ́ri n yirige Ezyipiti ni lè?

Yirile 17:3

A lògbaalaagi tɔ̀nɔ n wári syɛ́ɛnbèle na yaà, a be i Mowizi sànʔá. Ní kɔ́ɔ̀ wi yari: «Nyàʔá na mɔ wolo kɔ́ri n yirige Ezyipiti ni bi ba wolo, ní wolo pìíbèle, ní wolo yaweeri kpóo lògbaalaagi kɔ́yɔ ni?»

Yirile 2:23

A làlaa saʔa ga kwɔ́ɔ gee bee kàdoʔo ma, a Ezyipiti fànʔafɔw kùu. N Isirayɛli ye yaʔa pe pulogbanri ni, a pe i cɛ́ɛn, ní i yákpogèle wáa gbanʔama. A be pulogbanri sùpiiwáara lúgu fwɔɔ n sáà nan Kolocɔlɔɔ na.

Yirile 5:21

A be gi joo be ma níì jo: «Ki n yɛlɛ Yawe í yele wéle si kútiiw ceri. Níì cán yele n wolo kéeli kaan a li Faraɔnw ní wi syɛɛnkpolobèle bɛɛn. Yele n ŋɔsée le be kɔ́yi ni jàngó be wolo kpóo.»

Zyeremii 2:6

Pe si ga wɔ́ɔ̀ gi joo í, níì jo: ‹Sán Yawe nyɛ woro wee wi wolo yirige Ezyipiti tári ni lè, níì kíni wolo yɛ́ɛgi na fìími tára ni, lɔ̀ʔɔ fun tára, ní gòrógoroweeye tára ni, waama ní kùu yébilimɛ tára ni, táraa ni, dee di lè syɔɔn faala da ni sɔ̀lɔ́ yaà í, ní beè lè syɔɔn faala da pye í?›

Zyeremii 42:14

yele ga gi joo níì jo: ‹Eʔe, wolo a kári Ezyipiti tári ma, beè lè wolo a ní kapɛɛnnɛ nyaa í, beè lè wolo a ní tòmaʔa wiimɛ lóʔo í, beè lè wolo a ní fɔ̀n lìile ní í, nɛɛ bee wolo a kári sa tɛ́ɛn,›

Zyeremii 44:17

Kàjáa wolo i caa bàā gi kpéʔele bi yɛlɛ ní gee myɛ ní gi yiri wolo nyɔ́ɔyi ni lè, koro gi nyɛ bàā nùndaanni yáriga sórogi nyɛ̀ʔɛni fànʔafɔjaa ma, sáā sáriga-yólogow wóo wi ma àmɛɛ wolo da ni gi kpéʔele lè, wolo ní wolo tóobèle, ní wolo fànʔafɔbèle, ní wolo syɛɛnkpolobèle ní, Zyuda kěyi, ní Zyerusalɛmi kàlari-kóloyi ni. Lǎli bee ni wolo maa ni líi ni tíngi páan! Wolo maa pye fundaanra na, wolo da wɔʔɔgɔ cán í.

Kayaagi Nyɛnigɛ 4:9

Ŋɔséew wogboobéle n pɔ́rɔ n sɔ̀lɔ kateegi wogboobéle na, pe fǎngi i kwóo, pe n waʔa gbanʔama séyi yaliire fɔnnɔ báriga ni.

Córolo 11:15

Sáni mɔ í mii cò kánmi naa na lè, mɔ ga jo bi nyɔɔ mii na ján mi mii kpóo, koro ga pye mii a kɔ́ ba mii wɔʔɔgi nyaa í.»

Córolo 11:20

Kàjáa yebogo fúngo ni, fwɔɔ ti ba ra yirigi yele fínaagèle ni. Ti a tɔ̀nɔ́ ba yele bɛɛn gbanʔama. Níì cán Yawe wi nyɛ yele níngi ni lè, yele n wi cée, ní i nyaan wi yɛʔɛ̀ ma níì jo: Nyàʔá gi caà wolo taa á wolo yiri Ezyipiti ni?› »

Córolo 14:2

A Isirayɛli ye myɛ i Mowizi ní Aarɔn sànʔá. A syɛ́ɛnmi myɛ gi joo be ma níì jo: «Wolo ga maa kùu Ezyipiti tári ni, wàlá n kùu fìimɛ tári naa ni koro a dée pɔ́rɔ.

Córolo 14:3

Nyàʔá na Yawe pan ní wolo ní tári naa ma ŋɔséew í ba wolo kpóo cáan? Pe a wolo cébèle, ní wolo pìipiigèle koli di ni. Wo ga lúru n kári Ezyipiti ma, gee bee ban ki a pɔ́rɔ ì ?»

Córolo 16:13

Táree di nyìn nɔ́nɔw ní sárigi na ni fóo lè, mɔ n wolo yirige dee bee ni bi ba kpóo fìími tára ni, a gee bee cɛ́rɛ lé mɔ ni a mɔ ní i caa bi tɛ́ɛn wolo nyúngi na?

Córolo 21:5

A be i fúlo Kolocɔlɔɔ, ní Mowizi na níì jo: «Nyàʔá na yele wolo yirige Ezyipiti ni, jàngó wolo í ba kùu nɛɛ naa fìími tára ni? Níì cán yaliire o naa í, lɔ̀ʔɔ o naa í, á foomɔ yaliiri naa si kɔ́ɔ̀ wolo sàri.»

Kapyegèle 26:29

A Pɔli wi yari: «Kolocɔlɔɔ í koro kpéʔele, ki ga pye cɛɛri na àmɛɛ mɔ jo lè yoo, a gi náà mɔn yoo, mii o caa gi pye mɔ nibin í, fwɔɔ yele bele myɛ ye mii syɛ́ɛnri lóʔo lè níjanʔa, mii i caa yele í pye àmɛɛ mii nyɛ lè, mii si ga jo wobwɔɔbéle ní í.»

1 Korɛnti ye 4:8

Gee myɛ yele caa lè, ki i nyɛ yele ma n kwɔ́ɔ, yele n lɔ́ri taa n kwɔ́ɔ, yele i nyɛ fànʔafɔɔlɔ níì wolo yaʔa! Ki a dée pɔ́rɔ yele í pye fànʔafɔɔlɔ kányɛʔɛ ni, koro ga pye wolo í wɔ́ɔ pye fànʔafɔɔlɔ ní yele ní.

2 Korɛnti ye 11:1

Ee! Yele ga fɔ̀lɔ ye mii gbanzan syɛ́ɛnri kpàraco cɛɛri! Kàjáa mii n gi cán yele i mii kpàracó!

Làlwaw Kaanziin 28:67

Fyáari kèlē báriga ni ke a pye mɔ fúngi ni lè, ní kérigèle gele mɔ a ra nyaagi ní mɔ nyapiigèle ní lè, ki ga pye nyǐngi nyɔ́ɔ na mɔ a ra gi nyuu si jo: ‹Ki ga maa caà pye cângwɔɔgi nyɔɔ!› Ki ga pye cângwɔɔgi nyɔ́ɔ na, mɔ a ra gi nyuu si jo: ‹Ki ga maa caà pye nyǐngi nyɔ́ɔ!›

Làlwaw Kaanziin 8:3

Wi n mɔ tìrige táàma, wi n kateegi yaʔa a gi mɔ jáa, níì mánɛw kaan mɔ ma lìile wee wi lè mɔ da wi cán í, mɔ tóolɛɛbèle da wɔ́ɔ̀ wi cán í. Jàngó bi gi tɛ̀ɛn mɔ na mɔ í gi cán yaliiri yagana lìile báriga ni ban syɔɔn sìi taagi í, fwɔɔ syɛ́ɛnree myɛ di yirigi Yawe nyɔ́ɔgi ni lè, toro bárigaw ni syɔɔn sìi taagi.

Zyozuwe 7:7

A Zyozuwe jo: «Ee, Kàfɔw Yawe, nyàʔá na mɔ syɛ́ɛnbèle naa kɔ́ri a be Zyuridɛnw jeli jàngó bi ba wolo le Amɔri ye kɔ́yi ni bi wolo kálagi? Ki mǎà dée caa pɔ́rɔ wolo í kòro yaà Zyuridɛn jeligɔgee na.