Yirile 15:2 - Cebaara Bible 2010

² Yawe wi nyɛ mii fǎngi ní mii ŋúnuyi yáriga, woro wi baa pye mii syɔɔli, woro wi nyɛ mii Kolocɔlɔw, mii i caa bàā wi kpɔ̀ʔɔrɔ́. Wi i nyɛ mii tóow Kolocɔlɔɔ, mii a ra wi kpɔ́ʔɔgi.

Yirile 15:2 Iomraidhean Croise

Sélimɛ 17:7

Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

Sélimɛ 49:18

Ee Yawe, syɔɔli mɔ kaangi lè, loro li nyɛ mii sɔ̀ngumi tɛɛtaʔaga.

2 Samyɛli 22:3

Mii Kolocɔlɔw, wi nyɛ mii fálaweegi, beè mii làrá lè. Ní mii tunmɔzige-yárigi, ní fǎngee gi mii syoo lè. N mii yaʔa kàfyaali na, woro wi nyɛ mii kpaataʔa-tɔ́nɔgi. Ee mii Syɔɔfɔw, mɔ i mii syoo tanʔari ma.

2 Samyɛli 22:47

Yawe i nyɛ sìi na. Wee wi nyɛ lè mii Fálagi, ki n yɛlɛ waa bariga kaangi wi ma. Kolocɔlɔɔ wi nyɛ lè mii syɔɔli Fálaga, woro wi yɛlɛ waa wi kpɔ́ʔɔgi.

2 Samyɛli 22:51

Yawe i nyɛ syɔɔlɔ kpaataʔa-tɔ́nɔgɔ wi fànʔafɔw ma. Wi i funjànga kèlē kpéʔele wi wonyɛnɛ-wòlow ma, Davidi ní wi yòdaʔagi má wi koro kpéʔele làla o làla.»

2 Samyɛli 7:24

Mɔ n mɔ syɛ́ɛnbèle Isirayɛli ye báriga jàngó be pye mɔ syɛɛnnɛ làla o làla, á mɔ Yawe baa pye be Kolocɔlɔw.

2 Samyɛli 7:5

«Da syée mi sa mii falipyew Davidi pye: ‹Mii Yawe n jo: Mɔ lé wi a kpaʔa faan mii ma mii í tɛ́ɛn gi ni?

1 Fànʔafɔbèle 8:13

Mii si n kpaʔa faan mɔ ma, ki pye tɛɛgaa, gee ni mɔ a tɛ́ɛn bi kòro lè làla o làla.»

1 Fànʔafɔbèle 8:27

Kàjáa a Kolocɔlɔɔ a zǐn ba tɛ́ɛn lé tári na kányɛʔɛ na? Wéle, nyɛ̀ʔɛni ní li kpɔ́ʔɔganmi myɛ ní, li n cɛ́rɛ mɔ ni, n náa kɔ́ɔ̀ yére kpáagi naa na mii faan lè.

1 Cányi kèlē 16:14

Woro wi nyɛ Yawe, wi lè wolo Kolocɔlɔw, wi i wi kútiiw cɛnɛ tári tɛ́ɛyɛ myɛ ni.

Ŋúnuyi 109:1

Ŋúnuŋùúbèle kùndigi wóʔo. Davidi ŋúnugi. Ee Kolocɔlɔɔ, mɔ wee mii sòoló lè, mɔ a kɔ́ kòro pyèrio í!

Ŋúnuyi 118:14

Yawe wi nyɛ mii bárigaw, ní mii ŋúnugi, woro wi baa pye mii syɔɔli.

Ŋúnuyi 118:21

Mii a ra bariga kaangi mɔ ma, níì cán mɔ n lóʔo mii ma, níì cán mɔ wi baa pye mii syɔɔli.

Ŋúnuyi 118:28

Mɔ wi nyɛ mii Kolocɔlɔw, mii a ra bariga kaangi mɔ ma. Mii Kolocɔlɔw! Mii a ra mɔ kpɔ́ʔɔgi.

Ŋúnuyi 132:5

Fwɔɔ bi taa mii í tɛɛkòrogo taa bi kaan Yawe ma, mii í kpaʔa taa bi kaan Zyakɔbi Séekpɔɔw Fɔ́lɔ ma.»

Ŋúnuyi 140:7

Mii n gi joo Yawe ma níì jo: «Mɔ wi nyɛ mii Kolocɔlɔw!» Yawe, líiyi cáan mi mii nyɛ́ɛrigboloyi lóʔo!

Ŋúnuyi 145:1

Kpɔ̀ʔɔrɔli ŋúnugo. Davidi wógi. Mii a ra mɔ kpɔ́ʔɔgi, mii Kolocɔlɔw, mɔ wi lè Fànʔafɔw! Mii a ra mɔ mɛ́ɛgi kpɔ̀ʔɔrɔ́ làla o làla kwɔ́ɔmɔ fun.

Ŋúnuyi 18:46

Táraa nikwɔɔ wòolo fanʔa i kwóo ni syée, pe i cɛ̀lɛ́ ni yirigi be tɛɛniriyi ni.

Ŋúnuyi 22:10

Mɔ si wi mii yirige mii nɔ́ɔw láʔa ni, mɔ wi mii sɔ̀ngumi taʔa mii nɔ́ɔw yíregéle na.

Ŋúnuyi 22:3

Ee mii Kolocɔlɔɔ, mii i yákpoli wáa cángi làla ni, mɔ o lúro mii ma í. Yébiligi ni mii wɔ́ɔ o mii nyɔ́ɔgi tɔ́ngi í.

Ŋúnuyi 27:1

Davidi ŋúnugi. Yawe wi nyɛ mii gbɛ̀ɛ́nmi, ní mii syɔɔli, wìí na mii a ní da fɛ̀ɛgí? Yawe wi nyɛ mii sìíw tɛɛlàraga, wìí na mii a ní fyáa?

Ŋúnuyi 28:8

Yawe wi nyɛ wi syɛ́ɛnbèle fànʔa, wi mesiiw syɔɔlɔ kenirige.

Ŋúnuyi 30:1

Ŋúnugo. Ŋúnugi naa n pye kpɔ̀ʔɔrɔli kpaʔa kàlifaala kéele na. Davidi ŋúnugi.

Ŋúnuyi 34:3

Mii i fundaanra kpéʔele Yawe kéeli na! Ki n yɛlɛ màámi fɔ̀ɔlɔ í gi lóʔo, sáā fundaanra kpéʔele!

Ŋúnuyi 48:14

Ye gi tǒw kɔ̀rɔsíi, ye gi kpaakpoloyi sámaga ye wéle, koro ga pye yele í kɔ́ ba ra gee bee nyuu yele kàdoʔo ma wóbèle ma.

Ŋúnuyi 59:17

Mii si na, mii a ra mɔ séekpɔɔw kéele ŋúu ŋúnugo. Nyǐngi nyɔ́ɔ na, mii a ra mɔ funjǎngi kéele ŋúu yákpogbɔɔlɔ ni, níì cán mɔ wi nyɛ mii Kènirigi, ní mii tɛɛlaragi, wɔʔɔli canʔa na.

Ŋúnuyi 68:20

Kàfɔw n yɛlɛ waa wi kpɔ̀ʔɔrɔ́ canʔa o canʔa! Wi i wolo túgori lée. Kolocɔlɔw bee wi nyɛ wolo syɔɔli. Ŋɔ́ndaala

Ŋúnuyi 99:5

Yaa Yawe wolo Kolocɔlɔw kpɔ́ʔɔgi. Yáā tíri yaa tuun wi yɛʔɛ̀ ma wi tɔdaʔali taana! Wi n nyɔɔ!

Ŋúnuyi 99:9

Yaa Yawe wolo Kolocɔlɔw kpɔ́ʔɔgi, yáā kpùmɔnɔ́ wi nyanbe-nyunjǎngi yɛ́ʔɛ ma, níì cán Yawe wolo Kolocɔlɔw n nyɔɔ.

Yirile 14:13

A Mowizi gi joo syɛ́ɛnbèle ma níì be pye: «Yele a kɔ́ ra fɛ̀ɛgí í. Ki n yɛlɛ ye yére sági, yele a gi nyaa kánmee na Yawe a yele syɔɔ lè níjanʔa. Níì cán Ezyipiti ye yele nyaagi lè bele níjanʔa, yele a ní be nyaa nyáana í.

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Yirile 4:22

Lǎli bee ni mɔ a gi joo Faraɔnw ma si wi pye Yawe n jo: ‹Isirayɛli i nyɛ mii jáa, mii jáaseliw wii.

Yirile 40:34

Lǎli bee ni a fàfaangi tìgi n baa Syɛ́ɛnmi Tɛɛfaraga fànikpaʔa tɔ́n. A Yawe nìjangbɔɔri kpɔ̀ʔɔrɔli fànikpaʔa nyìn.

Yirile 6:7

Mii a yele láa yele í pye mii syɛ́ɛnbèle, mii si pye yele Kolocɔlɔw. Yele a gi cán bi cán mii wi nyɛ Yawe yele Kolocɔlɔw, wee wi yele yirigi lè Ezyipiti ye faligbanw ni.

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 25:1

Yawe, mɔ wi nyɛ mii Kolocɔlɔw. Mɔ mii a ra kpɔ̀ʔɔrɔ́, mɔ mɛ́ɛgi mii a ra sòoló. Níì cán mɔ n bìngaara kele kpéʔele, gele mɔ da kɔ̀rirɔ n tímana yaà lè làridɔɔnnɔ ni, ge lè wodelegèle, ní kányɛɛgi wòʔolo.

Ezayi 45:17

Ki si ga yére Isirayɛli na, Yawe wi syɔɔli kaan wi ma, bàngwɔɔ syɔɔlɔ. Fɛ̀ɛrɛ a tée yele taa í, yele nyúnyi a tée jùngu nyáana í.

Ezayi 49:6

Wi n jo: «Bi mɔ kpéʔele mii falipyeo, bi ní Zyakɔbi syɛɛnfeleyi yìrige, bi ní lúru pan ní Isirayɛli wogorobèle ní, koro a sèʔé gi yɛlɛ í. Kàjáa mii a mɔ télege mɔ í pye tári syɛɛnfeleye gbɛɛnmɛ. Koro ga pye syɔɔli mii kaangi lè, li nan fwɔɔ tári láʔala na.»

Ezayi 66:1

Yawe n jo: «Nyɛ̀ʔɛni li nyɛ mii fàngoli, tári si i nyɛ mii tɔdaʔagi. Kpaagìí si yele a gbǎn faan mii ma, ba tɛɛgìí ki a pye mii tɛɛ̀ŋɔndaagi?

Zyeremii 3:23

Kányɛʔɛ na, kàfulogi gi yìrigí dǎndamayi ní nyanbeleyi ma lè, ki i nyɛ jànvaa. Kányɛʔɛ na Yawe wolo Kolocɔlɔw má Isirayɛli syɔɔli nyɛ.

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Zyeremii 32:38

Pe a pye mii syɛ́ɛnbèle, mii si pye be Kolocɔlɔw.

Habakuki 3:13

Mɔ n yiri bi mɔ syɛ́ɛnbèle syɔɔ, bi mɔ wonyɛnɛ-wòlow syɔɔ. Mɔ i syɛɛnpeew kpaʔa ǹjoʔomaw jee, mɔ i gi kálagi fwɔɔ ni nangi nɔ́tɛ̄ɛnni na. Ŋɔ́ndaala

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Luki 1:77

sáā syɔɔli kéele nyuu wi syɛ́ɛnbèle ma koro ga pye be li cán, pe kapeegèle kùsulugo syɔɔlɔ báriga ni.

Luki 2:30

Níì cán mii tiimaa nyapiigèle n mɔ syɔɔli nyaa,

Zyan 4:22

Gee yele kpɔ̀ʔɔrɔ́ lè yele ga gi cán í. Gee si wolo kpɔ̀ʔɔrɔ́ lè wolo n gi cán, níì cán Zyefubèle má syɔɔli yìri.

Zyan 5:23

koro ga pye syɛ́ɛnbèle myɛ í da Jaafɔw kpɔ̀ʔɔrɔ́, àmɛɛ be Tofɔw kpɔ̀ʔɔrɔ́ lè. Syɔ́ɔnwee ga pye lè wi o Jaafɔw kpɔ̀ʔɔrɔ́ í, wee bee wɔ́ɔ o Tofɔw kpɔ̀ʔɔrɔ́ í, woro wee wi Jaafɔw tun lè.

Kapyegèle 4:12

Syɔɔli a tée taa wàa nikwɔɔ ni woro kàdoʔo ma í. Níì cán Kolocɔlɔɔ ga níì mɛ́ɛgaa nikwɔɔ kaan syɛ́ɛnbèle ma dulunyanbo gee na wo yɛlɛ bi syɔɔ lè í.»

2 Korɛnti ye 5:19

Níì cán Kolocɔlɔɔ maa pye Kirisi ni, ní i dulunyanw syɛ̀ɛnnɛ bɛ̀ɛgí ní wiyɛɛ ní, wi da ní ni be kapeegèle córo be kurugo í, wi si n bɛ̀ɛ́li bee tundunro kaan wolo ma.

Efɛzi ye 2:22

Woro ni Kolocɔlɔɔ wɔ́ɔ i yele pínɛ ni faanri jàngó yele í pye Kolocɔlɔɔ tɛɛkòrogo Pìicǎnni báriga ni.

Làlwaw Kaanziin 10:21

Woro wi nyɛ mɔ nijanri, mɔ Kolocɔlɔw wii. Woro wi kakpolo-kpèleyi bee, ní fyáara kérigèle bee kpéʔele mɔ ma a mɔ nyapiigèle nyaa.

Filipikaʔa ye 2:11

pe myɛ si yére gi ni bi jo Zyezu Kirisi wi nyɛ Kàfɔw, gee bee a nìjangbɔɔri taʔa Tofɔw Kolocɔlɔɔ na.

Filipikaʔa ye 4:13

Mii fánʔa i nyɛ kérigèle myɛ na bàā ge kpéʔele Kirisi bárigaw ni, woro wee wi fǎngi kaangi mii ma lè.

Kɔlɔsi ye 2:9

Níì cán kánmee na Kolocɔlɔɔ nyɛ lè, kánmi bee myɛ i nyɛ Kirisi céri ni n foro.

Tɛ̀ɛnnɛ 15:3

Mowizi wi lè Kolocɔlɔɔ falipyew, a be i wi ŋúnugi ŋúu n fàra Bàpili wóʔo na, níì jo: «Kàfɔw Kolocɔlɔɔ, mɔ wi lè Séew Myɛ Kàfɔlɔ, mɔ kapyegèle n kpólo ní i nyɛ bìngaara woʔolo ní! Mɔ kóloyi n sín ní i nyɛ kányɛʔɛ, mɔ wi lè syɛɛnfeleyi myɛ Fànʔafɔlɔ!

Tɛ̀ɛnnɛ 19:1

Kérigèle bee nyaana kadoʔo ma a mii syɛɛnnɛʔɛmɛ yákpowáara lóʔo nyɛ̀ʔɛni ni, a bi pínɛ n gi joo níì jo: «Aleluya! Syɔɔli, ní nìjangbɔɔri, ní séew i nyɛ wolo Kolocɔlɔw ma,

Jàbɔbèle 5:21

Kisyɔn lòcoologi n be pɛ́ɛ n fala, booma locoologi ki lè Kisyɔn lòcoologi. Ni fungo, da táanri ní fànʔa ní.