Yirile 14:2 - Cebaara Bible 2010

² «Ki joo Isirayɛli ye ma mí be pye be kolo pe sa be fànikpaayi kóri Pi-Hahirɔti yɛ́ʔɛ ma Migidɔli ní sólomi lɔ̀ʔɔ nínge ni, Baali-Sefɔn zǐnmi na. Tɛ́ɛgi bee ni yele a fànikpaayi kóri sólomi lɔ̀ʔɔ taana.

Yirile 14:2 Iomraidhean Croise

Zyeremii 44:1

Syɛ́ɛnri di nan Zyeremii na lè Zyuda ye myɛ kéeli na be pye wodɛ́ɛnbéle ní Ezyipiti tári ni lè, be pye lè Migidɔli, ní Takipanɛsi, ní Nɔfi ni, ní Paturɔsi tári ni lè, ti n jo:

Zyeremii 46:14

«Ye gi jáari Ezyipiti ni, ye gi yaʔa gi lóʔo Migidɔli ni, ye gi yaʔa gi lóʔo Nɔfi, ní Takipanɛsi ni! Ye gi joo yé jo: ‹Ba miyɛɛ dɛ̀ɛn, miyɛɛ zámaga, níì cán ŋɔséew i káa ni mɔ máari!›

Yirile 14:9

A Ezyipiti ye yiri n taʔa be na ní Faraɔnw syɔ́ɔnyɔ, ní wi kapɛɛnkpumɔn-wòtorobèle myɛ ní, n fàra wi syɔɔnfǎnbèle ní wi sùlasiibèle na n sáà be nɛnɛ n cò Pi-Hahirɔti taana, Baali-Sefɔn zǐnmi na, beè pe da be fànikpaayi kóri lè sólomi lɔ̀ʔɔ taana.

Ezekyɛli 29:10

Koro na, wéle, mii a keele tɛ́ʔɛ mɔ ní mɔ cábiyi na, mii a Ezyipiti tári pye tɛɛ̀kalagiga, ti a kálagi bi pye gurubɛɛrɛ bi séli Migidɔli na bi sa nan Syɛni na, Etyopii láʔagoloyi na.

Yirile 14:1

A Yawe gi joo Mowizi ma níì jo:

Yirile 14:3

Faraɔnw a gi joo Isirayɛli ye kéeli na si jo: ‹Pe n pùuni tári ni. Fìími tára n be lìi.›

Zyozuwe 24:6

Mii n yele tóolɛɛbèle yirige Ezyipiti ni, a yele i syée n sáà nan Sólomi Lɔ̀ʔɔ na. A Ezyipiti ye yiri n taʔa yele tóolɛɛbèle na ni nɛnɛ ní kapɛɛnkpumɔn-wòtorobéle ní n fàra syɔɔnyɔ fɔ̀ɔlɔ na fwɔɔ n sáà nan Nyɛ́nɛri solomɔ lɔ́ʔɔ na.