Yirile 13:9 - Cebaara Bible 2010

⁹ Gee bee a pye mɔ ma fɛ̀ɛ mɔ kɔ́gi na, ní sɔ̀ngudaara yáriga mɔ nyapiigèle lariga ni, koro ga pye Yawe làlwaw í pye mɔ nyɔ́ɔgi na. Níì cán Yawe n mɔ yirige Ezyipiti ni ní wi séekpɔɔw kɔ́lɔ ní.

Yirile 13:9 Iomraidhean Croise

Nehemii 1:10

Pe i nyɛ mɔ falipyebèlē, ní mɔ syɛɛnfelege, gee mɔ syɔɔ n yaʔa lè ní mɔ fangbɔɔgi, ní mɔ séekpɔɔw kɔ́lɔ báriga ní.

Ŋúnuyi 136:11

Níì Isirayɛli ye yirige be níngi ni, níì cán wi funjǎngi a tée kwɔ́ɔ í!

Ŋúnuyi 136:12

Wi séew kɔ́lɔ, ní wi kɔ́gi sánʔana báriga ni, níì cán wi funjǎngi a tée kwɔ́ɔ í!

Ŋúnuyi 89:13

Mɔ wi solomɔkulo kàbangi faan, ní wɔ́ɔ̀ wòrogulo kàbangi faan. Tabɔɔri ní Hɛrimɔn nyanbeleyi i fundaanra kpéʔele mɔ mɛ́ɛgi na.

Yirile 12:14

Cángi bee a kòro yele ma sɔ̀ngudaara canʔa. Yele a gi yaʔa Yawe ma fɛ́tii. Gee bee a kòro yele yirigèle myɛ syɛ̀ɛnnɛ ma bàngwɔɔ làlwa.

Yirile 12:41

Yɛ́ɛgèle saala siin ní toko ní kpɔrigɔ kwɔ́ɔlɔ kadoʔo ma, cángi bee tiimaa na Yawe Isirayɛli syɛ́ɛnmi kabiya yirige Ezyipiti tári ni.

Yirile 13:14

Mɔ piiw ga kɔ́ baa mɔ yíbe nyɛ̀ʔɛna níì jo: ‹Nyàʔá gi nyɛ gee bee pyele kɔ́rɔ?› Mɔ a wi yari: ‹Yawe n wolo yirige púlori kpaʔa ni, Ezyipiti ni, ní wi séew kɔ́lɔ ní.

Yirile 13:16

Gee bee a pye fɛ̀ɛ mɔ kɔ́gi na, ní sápabēle mɔ nyapiigèle lariga ni. Níì cán Yawe n wolo yirige Ezyipiti ni, ní wi séew kɔ́lɔ ní.»

Yirile 13:3

A Mowizi gi joo Isirayɛli syɛ́ɛnmi ma níì bi pye: «Yaa sɔ̀ngí yaa taagi cángi naa na, gee ni yele yiri lè gee níjanʔa Ezyipiti ni, púlori kpaʔa ni. Níì cán Yawe kɔ́gi séekpɔɔɔ wi yele yirige di ni. Yele ga ni cángi naa sɔ̀ngudaara kpéʔele, ki ga yɛlɛ yele í levé búru lìi í.

Yirile 3:20

Mii si a mii kɔ́gi sánʔa bi Ezyipiti kpúmɔn ní kakpoloyi féleye myɛ ní, yee mii a kpéʔele lè Ezyipiti ni. Koro kàdoʔo ma wi a náa yele yaʔa yele í da syée.

Yirile 7:4

Faraɔnw a sèʔé fɔ̀lɔ bi lóʔo yele ma í. Mii si a mii kɔ́gi taʔa Ezyipiti na, bi mii syɛ́ɛnbèle kabiya yirige yaà, be lè Isirayɛli ye. Mii a gee bee kpéʔele ní kútiikpoloyo ní.

Kàseegèle 1:9

Níì cán koro i nyɛ kpɔʔɔrɔ nyùndɔnnɔ mɔ nyúngi kéele na, ní kɔ́nɔtiriye mɔ yátiigi kéele na.

Kàseegèle 3:21

Ni pyà, sícilimi ní kérigèle sɛʔɛlɛ sámaga mi cò, ke a kɔ́ fɔ̀n mɔ yɛ́ʔɛ ma í.

Kàseegèle 7:23

fwɔɔ bi taa ŋaagaa í wi yɛ̀ɛ́li súu fùru, ní àmɛɛ féjɛɛnnɛ nyɛ lee li cò parà na lè, wi si a gi cán bi cán woro sìíw a kòro gi ni wii í.

Ŋúnudaangi 8:6

Mii kéeli taʔa mɔ zɔnw na àmɛɛ be fɛ̀ɛ taari lè. Amɛɛ fɛ̀ɛ nyɛ lè mɔ kɔ́gi na. Níì cán tàmagi fànʔa n nɛʔɛ àmɛɛ kùúw nyɛ lè, yejaagi n gbàn àmɛɛ kúbèle tɛɛkòrogo nyɛ lè. Ki naanyǐngi i nyɛ àmɛɛ naagbanga wóʔo nyɛ lè. Ki i tuun àmɛɛ nyɛ̀ʔɛzalila nyɛ lè.

Ezayi 27:1

Cángi bee na Yawe ŋɔséew wi gbàn lè níì tɔnɔ níì nìri, wi a woro tɛ́ʔɛ bi Levyatanw kpúmɔn, wàbigi gi fé lè, Levyatanw, wi lè námara wàbigi. Wi a yaweekpɔɔgi kpóo, ki nyɛ lè sólomi lɔ̀ʔɔ ni.

Ezayi 40:10

Kàfɔw Yawe wi maa wee ní séekpɔɔw ní, wi kɔ́gi i yáriri myɛ kùrú ni kaangi wi ma. Wi sàraw i nyɛ wi ma, wi yakaanri n kíni wi yɛ́ɛgi na.

Ezayi 44:5

Wàa a gi joo si jo: ‹Mii i nyɛ Yawe wóo.› Wàa nikwɔɔ sáā Zyakɔbi mɛ́ɛgi yiri wiyɛɛ na. Wàa nikwɔɔ si wɔ́ɔ gi sɛ́bɛ wi kɔ́gi na si jo: ‹Yawe wóo mii nyɛ,› sáā wiyɛɛ gbɔ́ʔɔgi ní Isirayɛli mɛ́ɛgi ní.»

Ezayi 49:16

Koro na wéle, Siyɔn, mii n mɔ sɛ́bɛ mii kadaagèle ni. Mɔ gúnyi kéele a tée yiri yaà mii yɛ́ʔɛ ma í.

Ezayi 51:9

Yìri ŋúnɔmi na, yìri ŋúnɔmi na! Fǎngi le burogo, Yawe kɔ́gi! Yìri ŋúnɔmi na, àmɛɛ ki da pye lè booma cányi ni, yìrigèle gele syɛ̀ɛnnɛ lala ni be sɔ̀lɔ lè! Mɔ ban wi Arahabi kpúmɔn n cáan, níì Diragɔnw súu n fùru ì?

Ezayi 59:21

Yawe n jo: «Mii si na, joogaanni mii a kpéʔele ní be ní lè, loro li nyɛ lee naa: Mii Pǐli li nyɛ mɔ na lè, ní mii syɛ́ɛnri mii le mɔ nyɔ́ɔgi ni lè, ti a láʔa mɔ nyɔ́ɔgi na í, wàlá mɔ piibèle, ní poro pìíbèle nyɔ́ɔyɔ na í, bi séli tɔ́ɔliw naa na bàā syée yaà làla o làla,» Yawe wi jo nya.

Zyeremii 22:24

Yawe n jo: «Mii woweew mɛ́ʔɛ na, Konya wi lè Yehoyakimi jáaw, Zyuda fànʔafɔw, àlí wi ga maa pye vèʔeo mii kàliige kɔ́gi na, mii a dée wi kíle wòlo.

Danyɛli 9:15

Tɔ́ɔliw ni doò, Kàfɔw, wolo Kolocɔlɔw, mɔ wee wi mɔ syɛ́ɛnbèle yirige lè Ezyipiti tári ni ní mɔ séew kɔ́lɔ ní, níì mɛ́ʔɛ taa fwɔɔ n baa nan níjanʔa na, wolo n kapeele pye, wolo wo kakologi kpéʔele.

Zyowɛli 2:11

Yawe i yákpolo wáa wi kapɛɛnkpumɔnbèle yɛ́ʔɛ ma. Níì cán wi kapɛɛnkpumɔnbèle kabiga n kpɔ́ʔɔ cama, a wi syɛ́ɛnri forofɔlɔ sée kpɔ́ʔɔ. Níì cán Yawe cángi i nyɛ cângbɔʔɔ, fyáakpɔɔrɔ canʔa tɔ̀nɔ́ gii, wìí wi a gbǎn gi sígi yérige?

Córolo 15:39

Nyámari bee a pye yele ma, yele a ra di wéle sáā sɔ̀ngí da taagi Yawe làlwaw kajoogéle myɛ na bàā ge kpéʔele, koro ga pye yele a kɔ́ yeyɛɛ daʔa yele fúnyi kanidaangéle ní yele wélebeeli na í, toro di yele légi kanɔnʔɔri ni lè.

Matye 23:5

Pe i be kérigèle myɛ kpéʔele, jàngó syɛ́ɛnbèle í da poro nyaagi. Koro na pe be sápabèle sámagi wogbolobèlē ní, ní i nyámari yirigi wodɔnɔrɔ ní pe búroyi na.

Wɔrɔmi ye 10:8

Nyàʔá si sínni syɛ́ɛnrɛ níì joo? Ti n jo: «Syɛ́ɛnri bee n nùuni mɔ na, ti i nyɛ mɔ nyɔ́ɔgi ni, ní mɔ fúngi ni.» Syɛ́ɛnri bee di nyɛ tágali syɛ́ɛnrɛ dee wolo nyuu lè.

Làlwaw Kaanziin 30:14

Níì cán syɛ́ɛnri i nyɛ mɔ taana, ti i nyɛ mɔ nyɔ́ɔgi ni, ní mɔ zɔnw na, jàngó mɔ í ra táanri di na.

Làlwaw Kaanziin 5:15

Sɔ̀ngi mi taa gi na mi cán mɔ maa pye puloo Ezyipiti tári ni, á Yawe mɔ Kolocɔlɔw mɔ yirige yaà ní sée kɔ́lɔ ní, ní kɔ̂zánʔaga ní, koro na Yawe mɔ Kolocɔlɔw gi joo n gbàn mɔ ma níì jo mɔ í cândɛnɛgi yaʔa.

Làlwaw Kaanziin 6:21

Mɔ a mɔ jáaw pye: ‹Wolo maa pye pulobèlē Faraɔnw ma Ezyipiti ni, á Yawe wolo yirige Ezyipiti ni ní fannɛʔɛgɛ kɔ́lɔ ní.

Làlwaw Kaanziin 6:6

Syɛ́ɛnri naa mii nyuu mɔ ma lè níjanʔa, ti n yɛlɛ bi kòro mɔ zɔnw na.

Làlwaw Kaanziin 6:8

Mɔ a di pwɔɔ mɔ kɔ́gi na di pye fɛ̀ɛ, di pye sápabēle mɔ nyapiigèle lariga ni.

Tɛ̀ɛnnɛ 18:8

Gee bee na ki wɔʔɔyi a ba too gi na canʔa nibin fúngo ni, yoro yi nyɛ kùúw, ní kùu káyaagi, ní kateekpɔɔgi, náagi a ba gi sórigo kálagi. Níì cán Kàfɔw Kolocɔlɔɔ fǎngi n nɛʔɛ, woro wee wi a gi kútiiw joo ceri lè.»

Jàbɔbèle 2:12

Yawe wi lè be toolɛɛbèle Kolocɔlɔɔ, woro wee wi be yirige Ezyipiti tári ni lè, pe n woro yaʔa níì taʔa kolocɔlɔbèle pèle nikwɔɔlɔ na, pe lè syɛɛnfeleyi kolocɔlɔbèle pèle, yoro yee yi be màʔa lè, a be i kpùmɔnɔ́ poro taana. Pe n Yawe fúngi tanʔa gbanʔama.