Yirile 13:5 - Cebaara Bible 2010

⁵ Táree nyɔ́ɔ Yawe da fàli yele tóolɛɛbèle ma ní kàliga ní lè níì jo woro a di kaan yele ma, ti lè Kanaan ye, ní Hɛti ye, ní Amɔri ye, ní Hɛvi ye, ní Yebusi ye tári, dee di nyìn nɔ́nɔw ní sárigi na ni fóo lè, lǎli ni Yawe ga sáà yele lége di ni lè, yaa fɛ́tiiw naa kpéʔele yégi naa wonijanga ni.

Yirile 13:5 Iomraidhean Croise

Sélimɛ 26:3

Tɛ́ɛn tári naa ni mi làlaa kwɔ́ɔ. Mii a pye ní mɔ ní si wɔ́ɔ dùbaw taʔa mɔ na. Níì cán mɔ ní mɔ yodaʔayi má mii a tátɛɛyi naa myɛ kaan. Nyɔɔfaligee mii da kpéʔele mɔ tóow Abirahami ma lè, mii a gee bee foro.

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

1 Cányi kèlē 1:15

ní Hɛvi ye, ní Ariki ye, ní Sinii ye,

Yirile 12:24

Gee bee a kòro làlwa yele ní yele pìíbèle ma bàā syée yaà làla o làla kwɔ́ɔmɔ fun.

Yirile 13:10

Yaa làlwa kéeli naa kpéʔele li lǎli ni yɛɛlɛ o yɛɛlɛ.

Yirile 13:11

Lǎli ni Yawe ga sáà mɔ lége lè Kanaan ye tári ni n yɛlɛ ní kàligi ní wi kpéʔele mɔ ní mɔ tóolɛɛbèle ma lè, wi ga sáà di kaan mɔ ma,

Yirile 3:17

Mii si n jo: Mii a yele yirige Ezyipiti ni, beè yele nyɛ lè fɔ̀rɔgi ni bi kári ní yele ní Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye tári ma, táraa ma, dee di nyìn nɔ́nɔw, ní sárigi na ni fóo lè.›

Yirile 3:8

A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Yirile 33:1

A Yawe Mowizi pye: «Yiri nɛɛ naa maa syée, mɔ ní syɛ́ɛnbèle bele mɔ yirige Ezyipiti tári ni lè, yaa syée tári ma, dee nyɔ́ɔ mii da fàli ní kàliga ní lè Abirahami, ní Izaaki, ní Zyakɔbi ma níì jo mii a di kaan pe yòdaʔayi ma.

Yirile 34:11

Gee mii nyuu ni gbàngí mɔ ma lè gee níjanʔa, ki n yɛlɛ mi yákirii yaʔa gi na. Koro gi nyɛ mii a Amɔri ye, ní Kanaan ye, ní Hɛti ye, ní Perezi ye, ní Hɛvi ye, ní Yebusi ye nɛnɛ bi yirige yaà mɔ yɛ́ʔɛ ma.

Yirile 6:4

A mii wɔ́ɔ̀ mii joogaanni kpéʔele ní be ní níì jo mii a Kanaan tári kaan be ma, tári bee ni be pye lè wodɛ́ɛnbéle ní, beè be pye lè nibɔndɛ́ɛnbéle.

Yirile 6:8

Táree nyɔ́ɔ mii da fàli Abirahami, ní Izaaki, ní Zyakɔbi ma ní kàliga ní lè, níì jo mii a di kaan be ma, mii a sa yele lége di ni. Mii Yawe a di kaan yele ma di pye yele kɔ́rigɔ.› »

Zyeremii 11:5

Kánmi bee na mii a kàligi foro, gee mii da kpéʔele yele tóolɛɛbèle ma lè, níì jo: ‹Mii a tára kaan be ma, dee di nyìn nɔ́nɔ, ní sárigā na ni foo lè,› àmɛɛ yele nyɛ́nɛ nyɛ gi na níjanʔa lè.» A mii jo: «Amiina Yawe!»

Zyeremii 32:22

Mɔ n tári naa kaan be ma, dee kéele na mɔ da kàli be toolɛɛbèle ma níì jo mɔ a di kaan be ma lè, dee di nyìn nɔ́nɔ ní sárigā na ni fóo lè.

Ezekyɛli 20:6

Cángi bee na mii mii kɔ́gi yìrige níì kàli be ma níì jo mii a be yirige Ezyipiti tári ni bi sa lége táraa ni, dee mii da wéle n yaʔa be ma lè, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.

Levii ye sáriga-wòlori 20:24

Mii n gi joo yele ma níì yele pye: Yele ye a be tári taa. Mii a di kaan yele ma di pye yele wóro, táraa dii, dee di nyìn nɔ́nɔw ní sárigi na ni fóo lè. Mii wi nyɛ Yawe yele Kolocɔlɔw, wee wi yele wàli n láʔa syɛɛnfeleyi na lè.

Córolo 11:12

Mii lé wi syɛ́ɛnbèle naa myɛ fícɛnnɛ taa? Mii lé wi be see, á mɔ mii pye: ‹Pe láa mi taʔa mɔ ficibigi na àmɛɛ pyà gbóofɔlɔ pyà lée lè?› Táree kéele na mɔ kàli be toolɛɛbèle ma lè níì jo mɔ a di kaan be ma fwɔɔ bi taa mii í sa nan ní be ní tári bee na?

Córolo 13:27

Gee pe baa joo n tɛ̀ɛn Mowizi na lè, koro gi nyɛ gee naa. Pe n jo: «Táree má mɔ da wolo tun wolo í sa saanri wéle lè, wolo n sáà jée di ni. Kányɛʔɛ gii, táraa dii, dee ni nɔ́nɔw ní sárigi fóo lè, ti yasanraa di caa nyɛ dee naa.

Córolo 14:16

‹Táree kéele na Yawe da kàli níì jo woro a di kaan syɛ́ɛnbèle naa ma lè, wi fanʔa ga taa bi be lége di ni í, koro na wi be kpúmɔn n kpóo fìími tára ni.›

Córolo 14:30

Táree kéele na mii da kàli lè, níì jo mii a yele télege di ni lè, yele a tée jée di ni í, fwɔɔ Kalɛbi wi lè Yefune jáaw, ní Zyozuwe wi lè Nun jáaw.

Córolo 32:11

‹Nǎnbèle bee be yiri Ezyipiti ni lè, n séli yɛ̀ʔɛlɛ toko wóbèle na, ni syée poro yɛ́ʔɛ ma wóbèle kurugo, pe a tári nyaa í, dee kéele na mii kàli níì jo mii a di kaan Abirahami, ní Izaaki, ní Zyakɔbi ma lè. Níì cán pe ga tánʔa mii kólogi ni n foro í.

Làlwaw Kaanziin 12:29

«Lǎli ni Yawe mɔ Kolocɔlɔw ga syɛɛnfeleyi kwɔ́ɔ lè mɔ yɛ́ʔɛ ma, yee má mɔ syée bi sa yi nɛnɛ yirige yaà lè, lǎli ni mɔ ga sáà yi nɛnɛ n yirige yaà níì tɛ́ɛn yi tári ni lè,

Làlwaw Kaanziin 19:1

«Lǎli ni Yawe mɔ Kolocɔlɔw ga sáà syɛɛnfeleyi kwɔ́ɔ n yirige yaà lè, yoro yee tára Yawe mɔ Kolocɔlɔw a kaan mɔ ma lè, lǎli ni mɔ ga yi nɛnɛ n yirige yaà lè níì tɛ́ɛn yi kěyi, ní yi kpáayi ni,

Làlwaw Kaanziin 26:1

«Lǎli ni mɔ ga jée lè tári ni, dee Yawe mɔ Kolocɔlɔw a kaan mɔ ma lè kɔrigɔ, lǎli ni mɔ ga di syɔɔ n taa lè níì tɛ́ɛn di ni,

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Zyozuwe 24:11

A yele Zyuridɛnw jeli n sáà nan Zyeriko na. A Zyeriko ye kapɛɛnnɛ kpúmɔn ní yele ní n fàra Amɔri ye, ní Perezi ye, ní Kanaan ye, ní Hɛti ye, ní Giirigasi ye, ní Hɛvi ye,ní Yebusi ye na. A mii be le yele kɔ́yi ni.