Yirile 13:3 - Cebaara Bible 2010

³ A Mowizi gi joo Isirayɛli syɛ́ɛnmi ma níì bi pye: «Yaa sɔ̀ngí yaa taagi cángi naa na, gee ni yele yiri lè gee níjanʔa Ezyipiti ni, púlori kpaʔa ni. Níì cán Yawe kɔ́gi séekpɔɔɔ wi yele yirige di ni. Yele ga ni cángi naa sɔ̀ngudaara kpéʔele, ki ga yɛlɛ yele í levé búru lìi í.

Yirile 13:3 Iomraidhean Croise

Sélimɛ 15:16

Mɔ yodaʔayi a kòro yaà bi taa ba nan pe yìrigēle sicɛrɛ wóli na si náa lúru pan nɛɛ naa. Níì cán Amɔri syɛ́ɛnbèle sìnzinmɛ ga kɔ́ɔ̀ foro n nan mii í be nɛnɛ í.»

1 Fànʔafɔbèle 8:42

níì cán pe a ra mɔ mɛ́ɛkpɔɔgi kéele lúro si wɔ́ɔ ra mɔ séew kɔ́lɔ ní mɔ kɔ́gi sánʔana kéele lúro, wee bee fɔ́lɔ ga pan n baa nyɛ́ɛri kpáagi naa ni,

1 Cányi kèlē 16:12

Ye sɔ̀ngi ye taa bìngaari kèlē na wi kpéʔele lè, ní wi kakpolo-kpèleyi, ní wi nyɔ́ɔgi kútiicerio na.

Nehemii 1:10

Pe i nyɛ mɔ falipyebèlē, ní mɔ syɛɛnfelege, gee mɔ syɔɔ n yaʔa lè ní mɔ fangbɔɔgi, ní mɔ séekpɔɔw kɔ́lɔ báriga ní.

Nehemii 9:10

Mɔ n fɛ̀ɛbēle ní kakpoloyo kpéʔele Faraɔnw ní wi syɛɛnkpolobèle myɛ, ní wi tári syɛ̀ɛnnɛ myɛ kánma na, níì cán mɔ maa gi cán nyùnwaagee felege ní pe da wolo tóolɛɛbèle cò lè, a mɔ mɛ́ɛkpɔʔɔ taa, gee gi nyɛ mɔ na lè, àlí n baa nan níjanʔa na.

Ŋúnuyi 105:5

Ye sɔ̀ngi ye taa bìngaari kèlē na wi kpéʔele lè, ní wi kakpolo-kpèleyi, ní wi nyɔ́ɔgi kútiicerio na,

Ŋúnuyi 114:1

Lǎli ni Isirayɛli yiri Ezyipiti ni lè, lǎli ni Zyakɔbi yòdaʔagi yiri syɛɛnfeleraa joofɔɔlɔ syɛɛnfelege nínge ni lè,

Ŋúnuyi 136:11

Níì Isirayɛli ye yirige be níngi ni, níì cán wi funjǎngi a tée kwɔ́ɔ í!

Ŋúnuyi 136:12

Wi séew kɔ́lɔ, ní wi kɔ́gi sánʔana báriga ni, níì cán wi funjǎngi a tée kwɔ́ɔ í!

Ŋúnuyi 89:14

Mɔ má séew nyɛ kɔ́gi ni. Mɔ kɔ́gi i nyɛ ní fànʔa ní, mɔ kaliigi i nyɛ wozánʔaga ní ǹjoʔo ma.

Yirile 12:15

«Ki n yɛlɛ yele í levé fun búruw lìi canya kɔrɔsiin fúngo ni. Cânzeligi bee tiimaa na, yele a levéw myɛ yirige yele kpáayi ni. Bi séli cányi bee kɔrɔsiin cânzelige na bi sa nan kɔrɔsiin wógi na, syɔ́ɔnwee wi ga levé búru lìi lè cányi bee kàa ni, wee bee a kwɔ́ɔ yirige Isirayɛli ye níngi ni.

Yirile 12:17

Ki n yɛlɛ yaa levé fun búruw fɛ́tii kpéʔele, níì cán cángi bee tiimaa na mii a yele syɛ́ɛnbèle kabiya yirige Ezyipiti tári ni. Gee bee na yele ní yele yòdaʔayi n yɛlɛ bi cángi bee yaʔa gi kòro bàā syée bàngwɔɔ làlwa kéele yele yìrigèle myɛ syɛ̀ɛnnɛ ma.

Yirile 12:19

Levé ga yɛlɛ wi nyaa yele kpáayi ni canya kɔrɔsiin fúngo ni í. Syɔ́ɔnwee faala wi ga levé búru lìi lè, a wi i nyɛ nibɔɔn tári ni yoo, kànaɔn yoo, wee bee a kwɔ́ɔ yirige Isirayɛli syɛ́ɛnmi ni.

Yirile 12:2

«Yégee gi nyɛ lè gee, koro gi yɛlɛ gi córo yele ma yɛ́ɛli sélimɛ, koro ki a pye yɛ́ɛli yéye yezelige yele ma.

Yirile 12:41

Yɛ́ɛgèle saala siin ní toko ní kpɔrigɔ kwɔ́ɔlɔ kadoʔo ma, cángi bee tiimaa na Yawe Isirayɛli syɛ́ɛnmi kabiya yirige Ezyipiti tári ni.

Yirile 12:42

Cángi bee yébilige a kòro sìnŋunɔmɔ wóʔo Yawe kpɔ̀ʔɔrɔli kéele na, níì cán koro ni wi be yirige Ezyipiti tári ni. Ki n kòro Isirayɛli ye myɛ yìrigèle syɛ̀ɛnnɛ ma sìnŋunɔmɔ yébilige Yawe kpɔ̀ʔɔrɔli kéele na.

Yirile 12:8

Pe a káari bee fwɔ́ɔ si di pínɛ ní levé fun búru ní, n fàra nángwɔɔw wazororo na bi káa yébili-níjangi ni.

Yirile 13:14

Mɔ piiw ga kɔ́ baa mɔ yíbe nyɛ̀ʔɛna níì jo: ‹Nyàʔá gi nyɛ gee bee pyele kɔ́rɔ?› Mɔ a wi yari: ‹Yawe n wolo yirige púlori kpaʔa ni, Ezyipiti ni, ní wi séew kɔ́lɔ ní.

Yirile 13:9

Gee bee a pye mɔ ma fɛ̀ɛ mɔ kɔ́gi na, ní sɔ̀ngudaara yáriga mɔ nyapiigèle lariga ni, koro ga pye Yawe làlwaw í pye mɔ nyɔ́ɔgi na. Níì cán Yawe n mɔ yirige Ezyipiti ni ní wi séekpɔɔw kɔ́lɔ ní.

Yirile 20:2

«Mii wi nyɛ Yawe mɔ Kolocɔlɔw, wee wi mɔ yirige lè Ezyipiti tári ni, púlori kpaʔa ni.

Yirile 20:8

Sɔ̀ngi mi taa cândɛnɛgi na mi gi yaʔa kɔlɔ̀ na.

Yirile 23:15

Mɔ a ra levé fun búruw séri kpéʔele. Levé Fun búruw mɔ a ra líi canya kɔrɔsiin fúngo ni, làridɛ̀ɛ́nni ni, Abiibi yégi ni bi yɛlɛ ní gi ní àmɛɛ mii gi joo n gbàn mɔ ma lè. Níì cán yégi bee ni mɔ yiri Ezyipiti ni. Syɔɔn a kɔ́ pan ba yére ní kɔwaayi ní mii yɛ́ʔɛ ma í.

Yirile 3:20

Mii si a mii kɔ́gi sánʔa bi Ezyipiti kpúmɔn ní kakpoloyi féleye myɛ ní, yee mii a kpéʔele lè Ezyipiti ni. Koro kàdoʔo ma wi a náa yele yaʔa yele í da syée.

Yirile 34:18

Ki n yɛlɛ maa levé fun búruw séri kpéʔele canya kɔrɔsiin fúngo ni, wi làridɛ̀ɛ́nni ni, li lè Abiibi yégi ni. Mɔ a ra levé fun búruw líi, bi yɛlɛ ní gi ní àmɛɛ mii gi joo n gbàn mɔ ma lè. Níì cán Abiibi yégi ni mɔ yiri Ezyipiti ni.

Yirile 6:1

A Yawe gi joo Mowizi ma níì wi pye: «Gee mii a kpéʔele Faraɔnw na lè, mɔ a gi nyaa tɔ́ɔliw ni. Séekpɔɔɔ kɔ́lɔ a ba wi kaan wi be yaʔa be kári, àlí séew bee báriga ni wi a ba be nɛnɛ yirige woro tári ni.»

Yirile 6:6

Koro na ki n yɛlɛ mi gi joo Isirayɛli ye ma, mí be pye: ‹Mii wi nyɛ Yawe, mii a yele syɔɔ faligbanw ma, woro wee Ezyipiti ye taʔa yele na lè. Mii a yele yirige púlori fáli ni woro wee be taʔa yele na lè. Mii a yele syɔɔ mii kɔ́gi fànʔa báriga ni ní kútiiw kakpologéle báriga ni.

Yirile 6:7

Mii a yele láa yele í pye mii syɛ́ɛnbèle, mii si pye yele Kolocɔlɔw. Yele a gi cán bi cán mii wi nyɛ Yawe yele Kolocɔlɔw, wee wi yele yirigi lè Ezyipiti ye faligbanw ni.

Yirile 7:4

Faraɔnw a sèʔé fɔ̀lɔ bi lóʔo yele ma í. Mii si a mii kɔ́gi taʔa Ezyipiti na, bi mii syɛ́ɛnbèle kabiya yirige yaà, be lè Isirayɛli ye. Mii a gee bee kpéʔele ní kútiikpoloyo ní.

Zyeremii 34:13

«Yawe wi lè Isirayɛli ye Kolocɔlɔw, wi n jo: ‹Mii n joogaanna kpéʔele ní yele tóolɛɛbèle ní, cángee na mii be yirige Ezyipiti tári ni lè, púlori kpaʔa ni, níì be pye:

Danyɛli 9:15

Tɔ́ɔliw ni doò, Kàfɔw, wolo Kolocɔlɔw, mɔ wee wi mɔ syɛ́ɛnbèle yirige lè Ezyipiti tári ni ní mɔ séew kɔ́lɔ ní, níì mɛ́ʔɛ taa fwɔɔ n baa nan níjanʔa na, wolo n kapeele pye, wolo wo kakologi kpéʔele.

Matye 10:12

Yele ga jée kpáagee ni lè, ye dùba kpéʔele be ma yɛɛ̀nyingi kéele na.

Luki 22:19

A wi búruw láa níì bariga kaan Kolocɔlɔɔ ma níì wi kabagi n lɛɛ be na níì jo: «Wee naa wi nyɛ mii céri, [dee mii a kaan lè yele kéeli na. Yaa gee naa kpéʔele koro ga pye yele í da sɔ̀ngí da taagi mii na.»

1 Korɛnti ye 11:24

níì bariga kaan Kolocɔlɔɔ ma níì wi kabagi níì jo: «Wee naa wi nyɛ mii céri, dee mii a kaan lè yele kéeli na. Yaa gee naa kpéʔele yáā sɔ̀ngí yaa taagi mii na.»

1 Korɛnti ye 5:8

Koro na gi yɛlɛ wolo í sériw kpéʔele ní levé fun búruw ní wi lè sínni ní kányɛɛgi, ki ga yɛlɛ wolo í wi kpéʔele ní levélɛɛw ní í wi lè funbeegi ní kakolobyeri.

Efɛzi ye 1:19

yele si wɔ́ɔ gi cán àmɛɛ wi fǎngi tɔ̀nɔ n nɛʔɛ n sɔ̀lɔ lè ki dǎnw myɛ na, gee gi nyɛ wi ma lè wolo dɛ̀ɛmɛni kéele na, wolo bele wo tága lè.

Làlwaw Kaanziin 13:10

Kàjáa mɔ n yɛlɛ bi wi kpóo. Mɔ kɔ́gi gi yɛlɛ bi séli nan wi na wi kpóoli kéele na, syɛɛnsanbèle myɛ kɔ́yɔ si náa nan wi na.

Làlwaw Kaanziin 13:11

Mɔ a wi wábagi ní kàdɛnɛri ní bi taa wi ba kùu, níì cán wi maa ni kanmaa caa bi mɔ léeli Yawe mɔ Kolocɔlɔw na, woro wee wi mɔ yirige lè Ezyipiti tári ni, púlori kpaʔa ni.

Làlwaw Kaanziin 13:5

Ye tan Yawe yele Kolocɔlɔw na, yáā fɛ̀ɛgí wi na, yé wi kajoodɛɛngèle myɛ cò, yáā lúro wi ma, woro yele a ra kpɔ̀ʔɔrɔ́, si yeyɛɛ bwɔɔ wi na.

Làlwaw Kaanziin 13:6

Pe a kanyaajoow bee wàlá kanyaaw bee kpóo, níì cán wi n céemɛ syɛ́ɛnrɛ joo Yawe yele Kolocɔlɔw kánma na, woro wee wi yele yirige Ezyipiti tári ni lè, n yele yirige púlori kpaʔa ni. Kólogee Yawe mɔ Kolocɔlɔw caa mɔ í da táanri lè, wi maa ni caa bi mɔ pùuni bi yirige gee bee ni. Kánmi bee na mɔ a kapeegi bee kwɔ́ɔ yirige yele níngi ni.

Làlwaw Kaanziin 15:15

Sɔ̀ngi mi taa gi na mi cán mɔ maa pye puloo Ezyipiti tári ni, a Yawe mɔ Kolocɔlɔw mɔ yirige di ni, koro na mii tundunri naa nyuu mɔ ma níjanʔa.

Làlwaw Kaanziin 16:1

«Abiibi yégi kéele sámaga mi cò maa Sɔ̀lɔ-mí-yaʔali séri kpéʔele Yawe mɔ Kolocɔlɔw ma. Níì cán Abiibi yégi ni Yawe mɔ Kolocɔlɔw mɔ yirige Ezyipiti ni, yébiligi ni.

Làlwaw Kaanziin 16:12

Sɔ̀ngi mi taa gi na mi cán mɔ maa pye puloo Ezyipiti ni, mí làlwa kérigèle bee sámaga mi cò, máā ge kpéʔele.

Làlwaw Kaanziin 16:3

Sériw làla ni, mɔ a kɔ́ levé búru pínɛ bi káa ní sárigaw yaweele ní í. Kàjáa canya kɔrɔsiin fúngo ni mɔ a ra levé fùn búruw líi, wi lè wɔʔɔgɔ búruw. Níì cán funvuugo na mɔ yiri Ezyipiti tári ni. Kánmi bee na mɔ a ra sɔ̀ngí da taagi mɔ siiw canya myɛ ni, mɔ canyirigi na Ezyipiti tári ni.

Làlwaw Kaanziin 24:18

Sɔ̀ngi mi taa gi na mi cán mɔ maa pye puloo Ezyipiti ni, á Yawe mɔ Kolocɔlɔw mɔ yirige yaà. Koro na mii tundunri naa nyuu ni gbàngí mɔ ma níì jo mɔ í da di kpéʔele.

Làlwaw Kaanziin 24:22

Da sɔ̀ngí maa taagi gi na mi cán mɔ maa pye puloo Ezyipiti tári ni. Koro na mii tundunri naa nyuu ni gbàngí mɔ ma níì jo mɔ í da di kpéʔele.

Làlwaw Kaanziin 26:8

A Yawe wolo yirige Ezyipiti ni ní sée kɔ́lɔ, ní kɔ̂zánʔaga ní, n fàra fyáakpɔɔrɔ, ní fɛ̀ɛbēle, ní kakpoloyo na.

Làlwaw Kaanziin 4:34

A kolocɔlɔwaa caa kɔ́ɔ̀ gi pye lé n wéle bi pan ba syɛɛnfelegaa láa bi yirige kàa ni bi yaʔa wiyɛɛ ma kagbangēle, ní fɛ̀ɛbēle, ní kakpoloyo, ní kapɛɛnnɛ, ní sée kɔ́lɔ, ní kɔ̂zánʔaga, ní fyáakpɔɔrɔ kele báriga ni n yɛlɛ ní gee myɛ ní Yawe yele Kolocɔlɔw kpéʔele yele kéeli na lè Ezyipiti ni yele nyɛ́nɛ na?

Làlwaw Kaanziin 5:15

Sɔ̀ngi mi taa gi na mi cán mɔ maa pye puloo Ezyipiti tári ni, á Yawe mɔ Kolocɔlɔw mɔ yirige yaà ní sée kɔ́lɔ ní, ní kɔ̂zánʔaga ní, koro na Yawe mɔ Kolocɔlɔw gi joo n gbàn mɔ ma níì jo mɔ í cândɛnɛgi yaʔa.

Làlwaw Kaanziin 5:6

‹Mii wi nyɛ Yawe mɔ Kolocɔlɔw, wee wi mɔ yirige lè Ezyipiti tári ni, púlori kpaʔa ni.

Làlwaw Kaanziin 6:12

maa miyɛɛ kɔ̀rɔsíi, mɔ a kɔ́ fɛ̀ʔɛ Yawe na í, woro wee wi mɔ yirige lè Ezyipiti tári ni, púlori kpaʔa ni.

Làlwaw Kaanziin 6:21

Mɔ a mɔ jáaw pye: ‹Wolo maa pye pulobèlē Faraɔnw ma Ezyipiti ni, á Yawe wolo yirige Ezyipiti ni ní fannɛʔɛgɛ kɔ́lɔ ní.

Làlwaw Kaanziin 7:8

Kàjáa a yele kéeli Yawe dɛ́nɛ wii, wi si wɔ́ɔ i caa bi kàligi foro, gee wi da kpéʔele yele tóolɛɛyi ma lè, koro na Yawe yele yirige ní fànnɛʔɛgɛ kɔ́lɔ ní, n yele yirige púlori kpaʔa ni n yaʔa yeyɛɛ ma. Wi n yele syɔɔ n yirige Faraɔnw kɔ́lɔ ni, Ezyipiti fànʔafɔw.

Làlwaw Kaanziin 8:14

da miyɛɛ kɔ̀rɔsíi jàngó kpɔɔmɔ a kɔ́ jée mɔ fúngi ni mɔ í fɛ̀ʔɛ Yawe mɔ Kolocɔlɔw na í, woro wee wi mɔ yirige Ezyipiti tári ni lè, púlori kpaʔa ni.

Làlwaw Kaanziin 9:12

A Yawe mii pye: ‹Yìri nɛɛ naa mi wári mi tìgi yaà. Níì cán mɔ syɛ́ɛnbèle mɔ yirige Ezyipiti ni lè, pe n peyɛɛ gálagi. Kólogee mii tɛ̀ɛn be na lè pe n gi yaʔa kelekele. Pe n tɛɛ̀ gbàla n yasungo sámaga peyɛɛ ma.›

Zyozuwe 24:17

Níì cán Yawe wi nyɛ wolo Kolocɔlɔw, woro wi wolo ní wolo tóolɛɛbèle yirige Ezyipiti tári ni, púlori kpaʔa ni. Woro wi kakpolo-kpèleyi bee kpéʔele wolo nyɛ́nɛ na. Woro wi wolo kpáaw wéle tánʔani làla myɛ ni wolo kpéʔele lè, ní syɛɛnfeleyee myɛ nínge ni wolo foro lè.

Jàbɔbèle 2:12

Yawe wi lè be toolɛɛbèle Kolocɔlɔɔ, woro wee wi be yirige Ezyipiti tári ni lè, pe n woro yaʔa níì taʔa kolocɔlɔbèle pèle nikwɔɔlɔ na, pe lè syɛɛnfeleyi kolocɔlɔbèle pèle, yoro yee yi be màʔa lè, a be i kpùmɔnɔ́ poro taana. Pe n Yawe fúngi tanʔa gbanʔama.

Jàbɔbèle 6:8

A wi baa be pye: «Yawe Isirayɛli ye Kolocɔlɔw n jo: ‹Mii n yele yirige Ezyipiti ni, mii n yele yirige púlori kpaʔa ni.