Yirile 13:2 - Cebaara Bible 2010

² «Nànbiiseligèle myɛ yaʔa mii ma kɔlɔ̀ na, n syɛ́ɛnbèle nànbiiseligéle pínɛ yaweeri wòʔolo ni, ke lè Isirayɛli ye ma. Ke i nyɛ mii wòʔolo.»

Yirile 13:2 Iomraidhean Croise

Nehemii 10:36

Si wɔ́ɔ ra syée yɛɛlɛ o yɛɛlɛ Yawe kpáagi ma ní wolo yaliiseliri myɛ, ní wolo tíiri yasanzelire myɛ ní.

Nehemii 10:37

Bàā syée wolo Kolocɔlɔw kpaʔa ma ní wolo nànbiiseligèle, ní wolo yawee-kpólogèle, ní wolo yaweeyiligèle pìiselibéle ní, bi yɛlɛ ní gi ní àmɛɛ gi sɛ́bɛ làlwaw sɛ́bɛ ni lè bi sa ra kaangi sáriga-wòlobèle ma, poro bele be báara wolo Kolocɔlɔw kpaʔa ni lè.

Yirile 13:1

A Yawe gi joo Mowizi ma níì wi pye:

Yirile 22:28

Mɔ a kɔ́ mɔn ní mɔ yalenyɛngi, ní mɔ sinlogi yakanʔa ní í. Mɔ nanbiiselili kaan mii ma.

Yirile 23:19

Ki n yɛlɛ maa maa ní mɔ ségi yaliifɔnrɔ yaliiselire ní mii kpáagi ma, mii wee wi lè Yawe mɔ Kolocɔlɔw. Mɔ a kɔ́ kapiige sɔʔɔ ki nɔɔ̀ yíremɛ ní í.

Yirile 4:22

Lǎli bee ni mɔ a gi joo Faraɔnw ma si wi pye Yawe n jo: ‹Isirayɛli i nyɛ mii jáa, mii jáaseliw wii.

Ezekyɛli 16:20

‹Mɔ nanbiigèle, ní mɔ calipiigèle mɔ da see mii ma lè, mɔ n gele bee cò n wòlo yi ma sáriga, jàngó ge pye yi ma lìile. Mɔ nanjaari ga nɛʔɛ n yɛlɛ nya ì?

Ezekyɛli 16:21

Mɔ n mii pìíbèle kɔnɔgi, níì be kaan a pe be le náagi ní, yi kpɔ̀ʔɔrɔli kéele na.

Levii ye sáriga-wòlori 27:26

« ‹Yaweeri pìiselibéle be lè bɔ̀ɔlɔ, pe i nyɛ Yawe wòolo n kwɔ́ɔ, syɔɔn faala a náa kɔ́ jo woro a wi wolaa yaʔa Yawe ma yacanga í, nɔ̀ɔ yoo, byà yoo, sikaà yoo, níì cán Yawe wòʔolo gɛɛ.

Córolo 18:15

Cere yalee piiselio pe a kaan Yawe ma lè, syɔɔn yoo, yaweʔe yoo, wi a pye mɔ wóo. Koro ní ki myɛ ní, ki n yɛlɛ mɔ í da syɔɔn piiseliw nyùnzyɔɔrɔ kpéʔele, mí wɔ́ɔ maa yawee-nɔ́nʔɔgèle pìiselibéle nyunzyɔɔrɔ kpéʔele.

Córolo 3:12

«Wéle, mii n Levii ye cò n yirige Isirayɛli ye níngi ni, a be pye nànbiiseligèle sìndɛʔɛ ni, ke lè Isirayɛli ye nànbiilɛɛgèle Levii ye a pye mii wòolo.

Córolo 3:13

Níì cán nànbiiseligèle myɛ i nyɛ mii wòʔolo. Cángee na mii Ezyipiti tári nànbiiseligéle myɛ kpóo lè, mii maa Isirayɛli nànbiiseligèle myɛ yaʔa kɔlɔ̀ na niyɛɛ ma cángi bee, syɛ́ɛnbèle ní yaweeri wòʔolo, ke a pye mii wòʔolo. Mii wi nyɛ Yawe.»

Luki 2:23

àmɛɛ ki da sɛ́bɛ lè Kàfɔw làlwa ni níì jo: «Nànbiiseligèle myɛ n yɛlɛ paa ge córo Kàfɔw wòʔolo.»

Làlwaw Kaanziin 15:19

«Mɔ yaweekpologèle ní mɔ yaweeyiligèle pìiselibéle be lè bɔ̌bèle, mɔ a poro myɛ yaʔa kɔlɔ̀ na Yawe mɔ Kolocɔlɔw ma. Mɔ a kɔ́ báara ní mɔ nɔɔ piiselio ní í. Mɔ a kɔ́ mɔ bawaa pìiselio síire cɛnɛ í.

Heburubèle 12:23

Yele n nùuni fundaanra syɛɛnkpoʔolomɔ na, ní booma wozelizeebèle Egilizi na, poro bele mɛ́ɛyɛ yi sɛ́bɛ lè nyɛ̀ʔɛni ni. Yele n nùuni Kolocɔlɔɔ na wi lè syɛ́ɛnbèle myɛ kútiijooo, ní syɛɛnsinbèle pìigēle na, bele be nyɔɔ n foro lè.