Yirile 11:8 - Cebaara Bible 2010

⁸ Lǎli bee ni mɔ falipyebèle myɛ a pan ba tìgi bi too cíbele mii yɛ́ʔɛ ma si mii pye: ‹Yiri maa syée, mɔ ní mɔ syɛ́ɛnbèle myɛ ní be taʔa mɔ na lè.› Koro kàdoʔo ma mii a yiri.» A Mowizi núngo Faraɔnw taana ní fundanʔara ní gbanʔama.

Yirile 11:8 Iomraidhean Croise

1 Fànʔafɔbèle 20:10

A Bɛn-Hadadi tun be sa Akabi pye: «Syɛ́ɛnbèle myɛ be nyɛ mii kurugo lè, Samarii támiigi ga gbàn n caà bele bee kadaʔala nyìn, wɔʔɔgee gi pee lè ki n yɛlɛ kolocɔlɔbèle í koro taʔa mii na bi ní kàa fàra gi na.»

2 Fànʔafɔbèle 3:9

A Isirayɛli fànʔafɔw, ní Zyuda fànʔafɔw, ní Edɔmi fànʔafɔw kári. A be tánʔa canya kɔrɔsiin fúngo ni kogologo ni, kàjáa lɔ̀ʔɔ ga níì taa kapɛɛnkpumɔnbèle, ní yaweeyi ma yi pye be kurugo lè í.

Nehemii 5:6

Lǎli ni mii be yákpowáari ní syɛ́ɛnri bee lóʔo lè, a mii fúngi tanʔa gbanʔama.

Ŋúnuyi 6:1

Ŋúnuŋùúbèle kùndigi wóʔo, gee be ŋúu mɛ́ɛngèle kɔrɔtaanri kɔ̀rí ni lè. Davidi ŋúnugi.

Yirile 10:29

A Mowizi jo: «Amɛɛ mɔ gi joo lè, ànbée gi nyɛ, mii a ní mɔ yɛ́ɛgi nyaa í.»

Ezayi 49:23

Fànʔafɔɔlɔ a pye mɔ gbóofɔɔlɔ, pe pìíbèle be lè càbala, poro a ra mɔ gbóo. Pe a ba ra tíri da tuun bàā yɛ́ɛyi cíbele tári na mɔ yɛ́ʔɛ ma, sáā mɔ tɔ́lɔyi cíbige laala, mɔ a gi cán bi cán mii wi nyɛ Yawe, bele pe be sɔ̀ngumi taʔa mii na lè, fɛ̀ɛrɛ a be taa í.»

Ezayi 49:26

Mii a mɔ wɔʔɔfɔbèle yaʔa paa be tiimaa céri káa. Pe a ra peyɛɛ sìsyaanw gbo mɔ a jo dùvɛɛnfɔɔn wii bàā be yɛ́ɛyi wóo. Sìi yáriri myɛ a gi cán mii Yawe wi nyɛ mɔ Syɔɔfɔw, ní mɔ Nyunzyɔɔw, ní i nyɛ Zyakɔbi Séew Myɛ Kàfɔlɔ.»

Ezekyɛli 3:14

A Pǐli mii láa n yìrige, níì kári ní mii ní. A mii i syée, á mii fúngi tanʔa níì tɔ̀nɔ n yìri gbanʔama, Yawe kɔ́gi si maa ni báara mii na ní séekpɔɔɔ ní.

Danyɛli 3:19

Lǎli bee ni a Nebukadinezari tɔ̀nɔ n nyìn fundanʔagbɔɔri na, a wi yɛ́ɛgi fàli Syadiraki, ní Mesyaki, ní Abɛdi-Nego ye yɛ́ʔɛ ma. A wi níì gi joo n gbàn níì jo, be fúruw wáriga ki tɛɛyɛ kɔrɔsiin bi sɔ̀lɔ wi wárigaganzelimi na.

Córolo 12:3

Bi gi taa Mowizi maa pye nànwaa, wee wi màama kpéʔele n sɔ̀lɔ tári syɛ̀ɛnnɛ myɛ na lè.

Mariki 3:5

A wi i be wéle ni máari ní fundanʔara ní, a gi i wi yáa wi fúngi ni àmɛɛ wi gi nyaa a be zɔ̌nbèle gbàn lè, ní náà nǎnw pye: «Mɔ kɔ́gi sánʔa.» A wi gi sánʔa, a kɔ́gi fala n pɔʔɔ.

Làlwaw Kaanziin 29:24

Pe a ra gi nyuu si jo: ‹Gee bee n pye níì cán joogaanni Yawe be tofɔlɛɛyi Kolocɔlɔɔ kpéʔele be ma lè, lǎli ni wi be yirige Ezyipiti tári ni lè, pe n lee bee yaʔa,

Làlwaw Kaanziin 32:24

Kateegi a be fǎngi kwɔ́ɔ. Nyínmi, ní káfalagi yáama a be bárigaw kwɔ́ɔ. Mii a be kaan yacoyi gànʔana ma, ní yafulolori sɔ́ɔnrɔ ma.

Heburubèle 11:27

Tágali báriga ni wi da yiri Ezyipiti ni, wi ga fyáa fànʔafɔw fundanʔara na í. Níì cán wi maa ni kpàracogo kpéʔele, mɔ a jo wi i Kolocɔlɔɔ nyaagi, woro wee wi lè syɔɔn o wi nyaagi í.

Tɛ̀ɛnnɛ 3:9

Wéle, bele be nyɛ lè Sutanaw sérikpaʔa woolo ní si i finɛ, ní i peyɛɛ yiri Zyefubéle, bi gi taa pe o nyɛ Zyefubéle í, mii a be kɔ́ri koro ga pye pe ba kpùmɔnɔ mɔ taana bàā mɔ kpɔ̀ʔɔrɔ́, jàngó pe gi cán bi cán mii n tàmaga le ní mɔ ní.

Jàbɔbèle 4:10

A Baraki Zabulɔn ní Nɛfitalii ye yeri n kpóʔoro Kedɛsyi ma, a nànbēle selebingéle kagunɔ lúgu n kári ní wi ní, a Debora wɔ́ɔ̀ lúgu n kári ní wi ní.

Jàbɔbèle 8:5

A wi sáà Sukɔti syɛ́ɛnbèle pye: «Mii i yele nyɛ́ɛri, ye búrukuruyo kaan syɛ́ɛnbèle ma be nyɛ ní mii ní lè, níì cán pe n fɔ̀rɔ. Madyan ye fànʔafɔbèle kurugo mii nyɛ ni nɛnɛ, pe lè Zeba ní Salimuna.»