Yirile 11:5 - Cebaara Bible 2010

⁵ Nànbiiseligèle myɛ a kùu Ezyipiti tári ni. Faraɔnw wi lè wodɛ́ɛɔn ní wi fàngoli na bi séli woro nànbiiselili na bi sa nan falipyecewee na wi tire tírege na lè, woro nànbiiselili na. Yaweeri pìiselibéle a wɔ́ɔ kùu.

Yirile 11:5 Iomraidhean Croise

Ŋúnuyi 105:36

Wi n pìiselibèle myɛ kpóo be tári ni, poro bele be pye lè pe bárigaw myɛ yaselire.

Ŋúnuyi 135:8

Wi n Ezyipiti pìiselibèle kpóo, n syɛ́ɛnbèle pìiselibéle pínɛ yaweeri pìiselibéle ni.

Ŋúnuyi 136:10

Woro wee wi Ezyipiti ye pìiselibèle kpóo lè, níì cán wi funjǎngi a tée kwɔ́ɔ í!

Ŋúnuyi 78:51

Wi n Ezyipiti ye pìiselibèle myɛ kpóo pe lè pe bárigaw yaselige, pe nyɛ lè Kami fànikpaayi fúngo woolo.

Yirile 12:12

Yébiligi bee ni mii a Ezyipiti tári nyaari bi foro si nànbiiseligèle myɛ kpóo Ezyipiti tári ni bi séli syɛ́ɛnbèle wòʔolo na fwɔɔ bi sa nan yaweeri wòʔolo na. Mii a tɔ̀nɔ́ kútiiw kèlē cáan Ezyipiti kolocɔlɔbèle myɛ na. Mii wi nyɛ Yawe.

Yirile 12:29

Lǎli ni nyǐngi baa tíla lè, a Yawe nànbiiseligèle myɛ kpóo Ezyipiti tári ni, Faraɔnw wi tɛ́ɛn wi fàngoli na lè, n séli woro nànbiiselili na fwɔɔ n sáà nan púlowee wi nyɛ lè wi kàsow ni woro nànbiiselili na. Ní wɔ́ɔ̀ yaweeri pìiselibéle myɛ kpóo.

Yirile 13:15

Amɛɛ si Faraɔnw da cée lè ní fungbanga ní, wi ga fɔ̀lɔ bi wolo yaʔa wolo í kári í, a Yawe si nànbiiseligèle myɛ kpóo Ezyipiti tári ni n séli syɛ́ɛnbèle nànbiiseligéle na n sáà nan yaweeri wòʔolo na. Koro na mii yaweeri nànbiiseligéle myɛ kpéʔele sáriga Yawe ma, ní si i mii tiimaa nànbiiseligèle nyùnzyɔɔrɔ kpéʔele.›

Yirile 4:23

Mii n gi joo mɔ ma níì mɔ pye: Mii jáaw yaʔa wi kári wi sa báara mii ma. Mɔ si ga fɔ̀lɔ n wi yaʔa a wi kári í, gee bee na mii a mɔ nanbiiselili kpóo.› »

Ezayi 47:2

Tírebingèle siin láa maa míimi tire. Mɔ nyundɔn-fàniw múgu, mɔ búrogi táàma kùru, mi mɔ céegèle múgu mi yaʔa mí cábiyi jeli!

Kayaagi Nyɛnigɛ 5:13

Nìgɔcaribéle n tírebinni láa, nànbiigéle n kpírige kàjere túgoro láara ni.

Matye 24:41

càbala siin a pye da tire tírekpɔʔɔ na, pe a wàa nibin láa si wàa yaʔa.

Heburubèle 11:28

Tágali báriga ni wi da Isirayɛli ye pye be Sɔ̀lɔ-mí-yaʔali séri kpéʔele, bé sìsyaanw nyari nyari kpaaweegèle na, koro ga pye nyɛ̀ʔɛni tunduɔn ga pan woro wee wi a pìiselibèle kpóo lè, wi poro wóbèle yaʔa.

Jàbɔbèle 16:21

A Filisitini ye wi cò, níì nyapiigèle jabagi wi na, níì kári ní wi ní Gaza ma n sáà wi pwɔɔ ní kanyɛɛnrɛ nyɔ̀ʔɔmɔ ní, wi si i tire tírege na yaà kàsow ni.