Yirile 11:4 - Cebaara Bible 2010

⁴ A Mowizi jo: «Gee Yawe joo lè, koro gi nyɛ gee naa, wi n jo: ‹Nyǐngi ga tíla lǎli ni lè, mii a jée Ezyipiti fúngi ni.

Yirile 11:4 Iomraidhean Croise

2 Samyɛli 5:24

Mɔ ga tánʔama lóʔo muriye tíiri ǹjoʔo ni, yìri kelekele lǎli bee ni, níì cán mii Yawe wi yiri bi kíni mɔ yɛ́ɛgi na bi Filisitini ye kapɛɛnkpumɔnbèle jáa.»

Zyɔbi 34:20

Cɛɛri na, pe n kùu. Nyǐnlɛɛgi na, syɛɛnfelegi n fúugo si kùu. Pe i fànnɛʔɛgɛfɔlɔ láari yaà sìnvɔrɔ ni.

Ŋúnuyi 60:10

Mowabi i nyɛ lǒgi yalege, gee ni mii wíri lè. Mii n mii taʔalagi wáa Edɔmi na, mii i fàndaara yákpolo wáa Filisitini ye tári kánma na!»

Ŋúnuyi 81:5

Níì cán làlwawaa wii, wee wi sɛ́bɛ n kaan Isirayɛli ye ma lè, Zyakɔbi Kolocɔlɔw kajoolaa lii.

Yirile 12:12

Yébiligi bee ni mii a Ezyipiti tári nyaari bi foro si nànbiiseligèle myɛ kpóo Ezyipiti tári ni bi séli syɛ́ɛnbèle wòʔolo na fwɔɔ bi sa nan yaweeri wòʔolo na. Mii a tɔ̀nɔ́ kútiiw kèlē cáan Ezyipiti kolocɔlɔbèle myɛ na. Mii wi nyɛ Yawe.

Yirile 12:23

Lǎli ni Yawe a ba sɔ̀lɔ́ màʔa bi Ezyipiti ye kpúmɔn kpóo lè, wi ga baa sìsyaanw nyaa kpaaweeli ǹjoʔo ma tɛɛpariga na, ní kɔ̀riteliyi siin na, wi a sɔ̀lɔ kpaaweeli bee na. Wi a fɔ̀lɔ gàlagipyew í jée yele kpáayi ni bi yele kpúmɔn kpóo í.

Yirile 12:29

Lǎli ni nyǐngi baa tíla lè, a Yawe nànbiiseligèle myɛ kpóo Ezyipiti tári ni, Faraɔnw wi tɛ́ɛn wi fàngoli na lè, n séli woro nànbiiselili na fwɔɔ n sáà nan púlowee wi nyɛ lè wi kàsow ni woro nànbiiselili na. Ní wɔ́ɔ̀ yaweeri pìiselibéle myɛ kpóo.

Ezayi 42:13

Yawe i yirigi àmɛɛ nànnirio nyɛ lè, wi i wi fàngbɔɔgi tèé àmɛɛ kapɛɛnkpumɔn-nàɔn nyɛ lè. Wi i yákpoli wáa, wi i yákpogbɔɔlɔ wáa, wi i fànʔa taagi wi nigoobèle na.

Amɔsi 4:10

«Mii n káfalagi yáama cáan yele na àmɛɛ ki da pye Ezyipiti ni lè. Mii n ŋɔsée tɛ́ʔɛ n yele nìgɔcaribèle kpóo, níì yele syɔ́ɔnyi yaʔa a be yi cò n kári. Mii n yele kapɛɛnkpumɔnbèle fɔ́nʔɔnɔ núngo yaʔa ki i yìrigí ni jǐn yele fínaagèle ni. Koro ní ki myɛ ní yele ga sèʔê lúru n pan mii ma í,» Yawe wi jo nya.

Amɔsi 5:17

Lǎli ni mii ga ni forogi mɔ níngi ni lè pe a ra nyaan bàā peele mɔ ɛrɛzɛn séyi myɛ ni,» Yawe wi jo nya.

Misye 2:13

Wee wi wéegi kúunri lè wi i lúru ni syée be yɛ́ɛgi na. Pe i wéegi kúunri ni sɔ̀lɔ́ ni yirigi gi ni. Pe fànʔafɔw i syée be yɛ́ɛgi na, Yawe si i nyɛ pe nyúngi na.

Matye 25:6

A nyǐngi ga lɛɛ, a be yákpolo lóʔo a li jo: ‹Cefɔnw fɔ́lɔ wéle wee, ye yiri ye sa wi fàra!›