Yirile 11:2 - Cebaara Bible 2010

² Ki joo syɛ́ɛnbèle ma pe wálifiio ní tɛɛ̀ yárira nyɛ́ɛri, nàɔn o nàɔn í tàa nyɛ́ɛri wi tɛ́ɛnnyɛnnaɔn ma, cɔlɔɔ o cɔlɔɔ í tàa nyɛ́ɛri wi tɛ́ɛnnyɛnjaa ma.»

Yirile 11:2 Iomraidhean Croise

Sélimɛ 24:53

A falipyew wálifiio yárira, ní tɛɛ̀ yárira wòlo n kaan Erebeka ma, n fàra buroyo na, ní wɔ́ɔ̀ lɔgbanra yáriraa kaan Erebeka senyɛnw ní wi nɔ́ɔw ma.

Sélimɛ 31:9

Kánmi bee na Kolocɔlɔɔ yele tóow yaweere syɔɔ wi ma n kaan mii ma.

Ŋúnuyi 105:37

Wi n wi syɛ́ɛnbèle yirige yaà ní wálifiio, ní tɛɛ̀ ní, syɔɔn faala da ni lɔ́lɔgi be yòdaʔayi ni í.

Ŋúnuyi 24:1

Davidi ŋúnugi. Tári ní di yáriri i nyɛ Yawe wóro, dulunyanw ní wi fúngi syɛ̀ɛnnɛ i nyɛ Yawe wòolo!

Yirile 3:21

Mii a gi yaʔa yele syɛɛnfelegi í kacànna taa Ezyipiti ye ma. Yele làrigárili ga nan, yele a tée kári ní kɔwaaya ní í.

Yirile 3:22

Cɔlɔɔ o cɔlɔɔ a wálifiio yáriraa, ní tɛɛ̀ yáriraa, ní yalere nyɛ́ɛri wi tɛ́ɛnnyɛnjaa ma, ní wee ma wi nyɛ lè wi kpáagi ni. Yele a ra toro nii yele nànbiigèle ní yele calipiigèle na. Kánmi bee na yele a Ezyipiti ye fuguri.»

Yirile 32:24

A mii si be pye: ‹Bele má tɛ́ɛw nyɛ lè, ki n yɛlɛ pe wi wòlo.› A be si wi wòlo n kaan mii ma, a mii wi wáa náagi ni, a wi yiri náapiigi naa.»

Yirile 35:22

A nǎnbèle i maa n wɔ́ɔ̀ fàra cébèle na. Bele myɛ fúnyo ni ki da pye bi kaan lè, a be i maa ní líiyi vèʔebēle, ní fínaagèle vèʔebēle, ní kabegèle vèʔebēle ní, n fàra kajingèle na. Kánmi bee na syɛ́ɛnbèle myɛ pan ní tɛɛ̀ yáriri ní n baa kaan Yawe ma sáriga-fíigeo.

Kàseegèle 13:22

Syɛɛncaɔn i kɔrigɔ yaari wi pìinyanbiiyi ma, syɛɛnpeew lɔ́rɔ si i kɔngi ni yaari syɛɛnsinw ma.

Agizye 2:8

«Wálifiiw i nyɛ mii wóo, a tɛ́ɛw wɔ́ɔ i nyɛ mii wóo.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 20:15

Gee gi mii dɛ́nɛ lè, koro ban mii yɛlɛ bi kpéʔele ní mii kɔ́lɔ yáriri ní ì? Nyàʔá na mɔ mii kacǎnni córo kapeele?›