Yirile 10:9 - Cebaara Bible 2010

⁹ A Mowizi wi yari: «Wolo a kári ní wolo nìgɔcaribèle, ní wolo wolɛɛbèle, ní wolo nànbiigèle, ní wolo calipiigèle ní n fàra wolo yaweeyiligèle, ní wolo yaweekpologèle na. Níì cán ki a sa pye wolo ma Yawe fɛ́tii.»

Yirile 10:9 Iomraidhean Croise

Sélimɛ 50:8

A Zyozɛfu kpáagi wòolo myɛ kári, n fàra wi yɛʔɛfɔbèle ní wi tóow kpaʔa wòolo na. Be pìíbèle, ní be yaweeyiligèle, ní be yaweekpologèle yagana pe da yaʔa yaà Gosyɛn tɛ́nɛmi ni.

Yirile 10:10

A Faraɔnw be pye: «Ki n yɛlɛ Yawe í pye ní yele ní. Níì cán mii a yele ní yele pìíbèle yaʔa yaa syée. Ye gi cán kapeʔe yele caa!

Yirile 10:26

Wolo yaweeri a kári ní wolo ní, fèrige nibin a kòro naa wolo kàdoʔo ma í. Níì cán toro tàa wolo a sa cò bi Yawe wolo Kolocɔlɔw kpɔ̀ʔɔrɔ. Dee si wolo yɛlɛ bi sa wòlo lè sáriga Yawe wolo Kolocɔlɔw ma, wolo a gbǎn pye sìnnan ni yaà si dee bee cán í.»

Yirile 12:32

Yé wɔ́ɔ yaa syée ní yele yaweeyiligèle, ní yele yaweekpologèle ní, bi yɛlɛ ní gi ní àmɛɛ yele gi joo lè. Yé wɔ́ɔ ye dùba kpéʔele mii ma.»

Yirile 12:37

A Isirayɛli ye yiri Aramisɛsi ni ni syée Sukɔti ma tɔlɔyɔ na. Nǎnbèle nyɔ́ɔ n pye sirakamayɛ toko ní kpɔrigɔ félege. Pìíbèle ga córo yaà í.

Yirile 12:38

Syɛɛnfeleye saʔa syɛɛnnɛʔɛmɛ maa yiri n pínɛ n kári ní be ní. Pe maa wɔ́ɔ̀ kári ní yaweenɛʔɛrɛ ní, gee bee n jo yaweeyiligēle, ní yaweekpologèlē.

Yirile 13:6

Yele a ra levé fun búruw líi canya kɔrɔsiin fúngo ni. Canya kɔrɔsiin wógi si pye fɛ́tii Yawe kpɔ̀ʔɔrɔli kéele na.

Yirile 3:18

Pe a sa lóʔo mɔ ma. Mɔ ní Isirayɛli wolɛɛbèle si a pínɛ kári Ezyipiti fànʔafɔw ma bi sa wi pye: ‹Yawe wi lè Heburubèle Kolocɔlɔɔ, woro wi baa wiyɛɛ dɛ̀ɛn wolo na. Tɔ́ɔliw ni ki n yɛlɛ mi fɔ̀lɔ gi na mi wolo yaʔa wolo í canya taanri tánʔana kpéʔele bi kári fìími tára ni, koro ga pye bi sa sáriga wòlo Yawe wolo Kolocɔlɔw ma.›

Yirile 5:1

Gee bee kàdoʔo ma, a Mowizi ní Aarɔn kári Faraɔnw ma n sáà wi pye: «Yawe wi lè Isirayɛli ye Kolocɔlɔw, wi n gi joo níì jo: ‹Mii syɛ́ɛnbèle yaʔa be kári be sa fɛ́tii kpéʔele mii ma fìími tára ni.› »

Yirile 5:3

A be jo: «Heburubèle Kolocɔlɔɔ wi baa wiyɛɛ dɛ̀ɛn wolo na. Ki yaʔa wolo í canya taanri tánʔana kpéʔele bi kári fìími tára ma bi sa sáriga wòlo Yawe wolo Kolocɔlɔw ma, koro ga pye wi a kɔ́ káfalagi yáama wàlá bi ŋɔséew tɛ́ʔɛ bi wolo kpúmɔn í.»

Kàseegèle 3:9

Da Yawe kpɔ̀ʔɔrɔ́ ní mɔ kɔ́lɔ yáriri ní, ní mɔ yataari myɛ yaselire ní.

Syɛɛnjóow 12:1

Da sɔ̀ngí maa taagi mɔ Faanfɔw na mɔ cárimi canya ni, sáni canbeeyi í da maa lè, yɛ́ɛgèle si nan, gele ni mɔ a ra gi nyuu lè si jo: «Mii yanidaanmaga ní o nyɛ ge ni í,»

Córolo 29:12

« ‹Yɛ́ɛli yeye kɔrɔsiin wóʔo canya kɛɛ ní kagunɔ wógi na, yele a kpóʔorojànna kpéʔele, yele a kɔ́ canʔa o canʔa fáliwaa faala kpéʔele í. Yele a canya kɔrɔsiin fɛ́tii kpéʔele Yawe ma.

Efɛzi ye 6:4

Tofɔbèle, ki ga yɛlɛ yele í wɔ́ɔ kɔ́ yele pìíbèle fúnyo kaan yaa taanri í. Kàjáa yele ga ni be gbóo yaa be sàmí, yáā be tama Kàfɔw kèlē ni.

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»