Yirile 10:7 - Cebaara Bible 2010

⁷ A Faraɔnw falipyebèlē wi pye: «Làlìí kánma nǎnw naa a pye wolo ma karinyanga? Ki n yɛlɛ mi syɛ́ɛnbèle bee yaʔa be kári be sa Yawe be Kolocɔlɔw kpɔ̀ʔɔrɔ. Mɔ ga sèʔé kɔ́ɔ̀ gi cán ncan Ezyipiti n kálagi n kwɔ́ɔ wii ì?»

Yirile 10:7 Iomraidhean Croise

Ŋúnuyi 107:34

níì tátaanri kàriga solomɔ tára tári bee tɛ́ɛnfɔɔlɔ péemɛ kéele na.

Yirile 12:33

A Ezyipiti ye syɛ́ɛnbèle wáriga n láa. Pe maa fúnyi wáriga bi be yaʔa pe yiri tári ni. Níì cán pe maa ni gi nyuu peyɛɛ ma níì jo: «Wolo myɛ a kùu wii.»

Yirile 23:33

Pe ga yɛlɛ be tɛ́ɛn mɔ tári ni í, jàngó pe a kɔ́ mɔ kàriga mɔ í da kapeegèle kpéʔele mii na í. Níì cán mɔ a kɔ́ ba ra be kolocɔlɔbèle kpɔ̀ʔɔrɔ́, gee bee si a pye mɔ na karinyanga.»

Yirile 7:5

Lǎli ni mii ga mii kɔ́gi sánʔa Ezyipiti ye kánmi na lè, níì Isirayɛli ye yirige be níngi ni lè, lǎli bee ni Ezyipiti ye a gi cán bi cán mii wi nyɛ Yawe.»

Yirile 8:19

Mii a wàlima kpéʔele mii syɛ́ɛnbèle ní mɔ wóbèle nínge ni. Fɛ̀ɛ́w bee a kpéʔele nyɛ̀ʔɛna.› »

Kàseegèle 29:6

Syɛɛnpeew kapeele i nyɛ wi na karinyaga, kàjáa syɛɛnsinw i ŋúu ní i fundaanra kpéʔele.

Syɛɛnjóow 7:26

Céwee wi lè karinyanga, woro wee fúngo gi lè cɔ̀ɔ, woro wee kɔ́yɔ yi nyɛ lè yapwɔɔrɔ, mii n wi kéeli nyaa a li soro n sɔ̀lɔ kùúw na. Syɔ́ɔnwee kéele li Kolocɔlɔɔ dɛ́nɛ lè, wi i syoo céw bee félege ma, wi si i kapeebyew có.

Ezayi 14:20

Mɔ ga tɔ́n ní be ní nyanga ni í, níì cán mɔ n mɔ tári kálagi, mɔ n mɔ syɛ́ɛnbèle kpóo, syɛɛnpeebèle syɛɛnfelege mɛ́ʔɛ a ní yeri nyáana í.

Ezayi 51:9

Yìri ŋúnɔmi na, yìri ŋúnɔmi na! Fǎngi le burogo, Yawe kɔ́gi! Yìri ŋúnɔmi na, àmɛɛ ki da pye lè booma cányi ni, yìrigèle gele syɛ̀ɛnnɛ lala ni be sɔ̀lɔ lè! Mɔ ban wi Arahabi kpúmɔn n cáan, níì Diragɔnw súu n fùru ì?

Zyeremii 48:4

Mowabi n tɔ́nʔɔnɔ! Wi pìipiigèle n ge yákpogèle yaʔa ke i lúro.

Zyeremii 51:8

Babilɔni n too làrinijanna ni, wi n tɔ́nʔɔnɔ! Yaa kɔ́nʔɔri wi kéeli na, ye céyaa-sìnmɛ láa wi yáami kéele na, dɔ̀ʔɔ́ wi a pɔʔɔ.

Sofonii 1:18

Pe wálifiiw yoo, pe tɛ́ɛw yoo, toro a gbǎn ba be syɔɔ Yawe fundanʔagbɔɔri canʔa na í. Wi yejaagi náa a tápow sórigo, ki a tɔ̀nɔ́ pye fyáakpɔɔrɔ àmɛɛ wi a tári syɛ̀ɛnnɛ myɛ kálagi kwɔ́ɔ lè.»

1 Korɛnti ye 7:35

Mii ga dee naa joo yele ma bi yele yérige wii í. Yele nyɔɔmi kéele na mii di joo, koro ga pye yele í da síngi, sáā báara Kàfɔw ma ní fungo nibin ní.

Zyozuwe 23:13

ye gi fílige ye cán Yawe yele Kolocɔlɔw a ní kòro bàā syɛɛnfeleyi bee nɛnɛ da yirigi yele yɛ́ʔɛ ma í. Kàjáa yi a pye yele na cɔ̀ɔ, ní karinyanga, ní sapile yele lɛ̀ʔɛgèle ni, bi pye wúuro yele nyapiigèle ni fwɔɔ bi taa yele í kwɔ́ɔ yiri tácǎnri naa ni, dee Yawe yele Kolocɔlɔw kaan yele ma lè.

1 Samyɛli 18:21

Sawuli si maa ni gi nyuu wiyɛɛ ma níì jo: «Mii a wi kaan wi ma wi cɔɔ̀, jàngó wi pye wi na karinyanga koro ga pye Filisitini ye kɔ́yi í wi kpóo.» A Sawuli níì gi joo Davidi ma tɔziin níì jo: «Mɔ a pye mii jáaw nàɔn níjanʔa.»

1 Samyɛli 5:11

A be tun a be sáà Filisitini ye fànʔafɔbèle myɛ yeri n kpóʔoro ní sáà jo: «Ye Isirayɛli Kolocɔlɔw kásu lúrugo ye tórigo, ki n yɛlɛ wi lúru kári wi tɛ́ɛgi ma, koro ga pye wi a kɔ́ wolo ní wolo syɛ́ɛnbèle kpóo í.» Níì cán kùu nyáʔamina maa pye kěgi myɛ ni. Kolocɔlɔɔ maa tɔ̀nɔ n kɔlɔ̀ taʔa gi na gbanʔama.