Yirile 10:5 - Cebaara Bible 2010

⁵ Wi a ba tásaligi yɛ́ʔɛ tɔ́n, syɔɔn a ní gbǎn ra tári nyaagi í. Yáriree di kòro beè lè, dee zěsolomi yaʔa yele ma lè, wi a dee bee lìi. Tíiri di fíin yele ma sìnbirigi ni lè wi a dee bee myɛ lìi.

Yirile 10:5 Iomraidhean Croise

Yirile 10:12

Lǎli bee ni a Yawe gi joo Mowizi ma níì wi pye: «Mɔ kɔ́gi sánʔa Ezyipiti tári ǹjoʔo ni mi pan ní kúdow ní wi ba jée Ezyipiti tári ni jàngó wi tári nyàā myɛ lìi, ní dee myɛ zěsolomi yaʔa lè.»

Yirile 10:15

A wi tásaligi yɛ́ʔɛ myɛ tɔ́n, a tári myɛ pye yébilimɛ. A wi tári nyàā myɛ lìi, ní wɔ́ɔ̀ tíiri yasanra myɛ lìi, gee bee n jo dee myɛ ti da kòro zěsolomi kàdoʔo ma lè. Nyàákannaa, ní waganna faala da níì kòro Ezyipiti tári ni kúdow kàdoʔo ma í.

Yirile 10:4

Mɔ ga pye mɔ ga fɔ̀lɔ n mii syɛ́ɛnbèle yaʔa a be kári í, nyɛ̀ʔɛna mii a kúdo yaʔa wi jée mɔ tásaligi ni.

Yirile 9:32

Kàjáa bilew, ní epotiriw da kálagi í, níì cán toro i leegi kàdoʔo ma.

Zyowɛli 1:4

Gee múndɔɔw yaʔa lè, kúdow n gi lìi. Gee kúdow yaʔa lè, kákerebèle n gi lìi. Gee kákerebèle yaʔa lè, kábàrari n gi lìi.

Zyowɛli 2:25

«Mii a ní yɛ́ɛgèle lúrugo kaan yele ma, gele mii kapɛɛnkpumɔn-nɛʔɛmi kálagi lè, poro bee mii da tórigo yele kurugo lè, pi lè kúdow, ní kákerebèle, ní kábàrari, ní múndɔɔw.

Zyowɛli 2:3

Naà i sórigolo kpéʔele ki yɛʔɛ̀ ma, naanyìnge si i nyɛ ki kàdoʔo ma, gee gi sórogi lè, tári maa pye ki yɛʔɛ̀ ma àmɛɛ Edɛn nángwɔɔ nyɛ lè, ki kàdoʔomaw si na, koro i nyɛ fìimɛ tɛɛ̀kalagiga, yafyɛn o syoo gi ma í!