Yirile 10:3 - Cebaara Bible 2010

³ A Mowizi ní Aarɔn kári Faraɔnw ma n sáà wi pye: «Yawe wi lè Heburubèle Kolocɔlɔɔ, wi n jo: ‹Làlìí ni mɔ a láʔa nya mɔ céemi na? Mii syɛ́ɛnbèle yaʔa be kári be sa mii kpɔ̀ʔɔrɔ.

Yirile 10:3 Iomraidhean Croise

1 Fànʔafɔbèle 18:21

A Elii sɛ̀ʔɛrɛ syɛ́ɛnbèle myɛ ma níì jo: «Làlìí ni yele a láʔa nya fíige-màʔaw na kàbanyi siin na? Kapye Yawe wi nyɛ Kolocɔlɔw wodeleo, ki n yɛlɛ ye taʔa woro na, ki si ga pye Baali wii, ye taʔa woro na.» Syɛ́ɛnbèle ga yafyɛn joo wi ma í.

1 Fànʔafɔbèle 21:29

«A mɔ gi nyaa lé kánmee na Akabi wiyɛɛ jɛ́rɛ mii yɛ́ʔɛ ma lè? Amɛɛ si wi wiyɛɛ jɛ́rɛ mii yɛ́ʔɛ ma lè mii a wɔʔɔgi yeri cáan wi na wi sìíw làla ni í, kàjáa wi jáaw sìi làla ni ki a ba pye.»

2 Fànʔafɔbèle 22:19

Gee mii joo lè tɛ́ɛgi naa, ní gi syɛ́ɛnbèle kéele na, níì jo pe a pye yakalagira, ní yafaʔara àmɛɛ mɔ gee bee lóʔo lè, a gi mɔ círi mɔ fúngi ni, a mɔ miyɛɛ jɛ́rɛ níì mɔ búroyi sulugu, ní i nyɛni mii yɛ́ʔɛ ma, mii n wɔ́ɔ̀ gi lóʔo. Yawe wi jo nya.

2 Cányi kèlē 33:12

N wi yaʔa fɔ̀rɔgi ni, a wi Yawe wi Kolocɔlɔw nyɛ́ɛri gbanʔama, níì tɔ̀nɔ n wiyɛɛ jɛ́rɛ wi toolɛɛbèle Kolocɔlɔɔ yɛ́ʔɛ ma.

2 Cányi kèlē 33:19

Wi nyɛ́ɛrigi, ní kánmee na gi lóʔo wi ma lè, ní wi kapeeli, ní wi kolomi, ní tɛ́ɛyee ni wi sáriga-wòlo-tɛ́ɛyɛ sámaga lè, níì Asyera tiikóriyo yérige n fàra ǹdedanyi na sáni wi wiyɛɛ jɛ́rɛ lè, gee bee n sɛ́bɛ Hozayi sɛ́bɛw ni.

2 Cányi kèlē 34:27

Amɛɛ mɔ wi syɛ́ɛnri lóʔo dee di joo tɛ́ɛgi naa, ní gi syɛ́ɛnbèle kánma na lè, á di mɔ círi mɔ fúngi ni, a mɔ miyɛɛ jɛ́rɛ Kolocɔlɔɔ yɛ́ʔɛ ma. Amɛɛ si mɔ miyɛɛ jɛ́rɛ mii yɛ́ʔɛ ma lè, níì mɔ búroyi sulugu, níì nyɛni mii yɛ́ʔɛ ma, mii n wɔ́ɔ̀ gi lóʔo. Yawe wi jo nya.

2 Cányi kèlē 7:14

mii syɛ́ɛnbèle bele na mii mɛ́ɛgi yeri lè, pe ga peyɛɛ jɛ́rɛ, níì mii nyɛ́ɛri, ní i mii caa nyaama, pe ga kàdoʔo wáa be kobeeyi ma, bi mii yaʔa nyɛ̀ʔɛni na mii a lóʔo be ma, si be kùsulugi syɔɔ, si be tári yɛ́ʔɛ nyíngi.

Zyɔbi 42:6

Koro na mii n kolomɔ kaan niyɛɛ ma, níì kàdoʔo wáa mii kapeegèle ma, níì tɛ́ɛn támiigi, ní cɔ́ɔngi ni.»

Yirile 10:4

Mɔ ga pye mɔ ga fɔ̀lɔ n mii syɛ́ɛnbèle yaʔa a be kári í, nyɛ̀ʔɛna mii a kúdo yaʔa wi jée mɔ tásaligi ni.

Yirile 16:28

Lǎli bee ni a Yawe gi joo Mowizi ma níì wi pye: «Làlìí ni yele a láʔa nya mii tundunri, ní mii làlwabèle céele na?

Yirile 4:23

Mii n gi joo mɔ ma níì mɔ pye: Mii jáaw yaʔa wi kári wi sa báara mii ma. Mɔ si ga fɔ̀lɔ n wi yaʔa a wi kári í, gee bee na mii a mɔ nanbiiselili kpóo.› »

Yirile 5:1

Gee bee kàdoʔo ma, a Mowizi ní Aarɔn kári Faraɔnw ma n sáà wi pye: «Yawe wi lè Isirayɛli ye Kolocɔlɔw, wi n gi joo níì jo: ‹Mii syɛ́ɛnbèle yaʔa be kári be sa fɛ́tii kpéʔele mii ma fìími tára ni.› »

Yirile 9:17

Mɔ si sèʔé i miyɛɛ gbɔ́ʔɔgi mii syɛ́ɛnbèle na níì cée, mɔ ga fɔ̀lɔ n be yaʔa be kári í.

Kàseegèle 1:22

«Yele nidoliyi, làla jòorí yele caa bi kwɔ́ɔ nidolimi ni? Làlìí ni nɛ̀ɛnyɛnɛgi fɔ̀ɔlɔ a láʔa nɛ̀ɛnyɛnɛgi na, nilabalabèle si láʔa cánni faʔala na?

Kàseegèle 1:24

Amɛɛ mii yeri lè, yele si ga fɔ̀lɔ í, àmɛɛ mii mii kɔ́gi sánʔa lè, syɔɔn faala si ga gi córo í,

Kàseegèle 18:12

Sáni kálagili í pye lè, syɔɔn fúngi má kpɔ́ɔmi gáà yìri, nìjanri si i maa nɛ̀ɛjɛrɛgi kurugo.

Ezayi 1:5

Sán pe a ní yele kpúmɔn, àmɛɛ yele ní i kàa fàrá yele céemi kèlē na lè? Nyǔngi wobogo i yáa, a fúngi myɛ i nyɛ wɔʔɔgɔ na.

Ezayi 2:11

Syɔɔn nɛ̀ɛgbɔʔɔgi wélege nyúngo a ba jùngu, syɛ́ɛnbèle nɛ̀ɛnyɛnɛgɛ si faʔa. Yawe nibin pe a ba ra kpɔ́ʔɔgi cángi bee.

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 13:18

Ki joo fànʔafɔw ní fànʔafɔjew ma mí be pye: «Ye tɛ́ɛn tári na, níì cán yele kùndigi-tɔ́ngi n too, ki lè yele fèreri fànʔa nyùndɔngɔ.»

Zyeremii 50:29

Ye sedeyi fɔ̀ɔlɔ yeri Babilɔni kánmi na, poro bele myɛ be sedeyi ŋɔɔn lè! Ye tɛ́ɛn ye wi màʔa, wàa faala ga yɛlɛ bi syɔɔ í, ye wi sàra bi yɛlɛ ní wi kapyegèle ní, gee myɛ wi kpéʔele lè ye koro kpéʔele wi na! Níì cán wi n wiyɛɛ gbéʔele nɛ̀ɛgbɔʔɔgɔfɔlɔ Yawe kánmi na, Isirayɛli Wojanw kánma na.

Ezekyɛli 5:6

a wi si céemɛ le wiyɛɛ ni mii làlwaw kajoogéle ní mii làlwaw kèlē kánma na ní peemɛ ní n sɔ̀lɔ tári syɛɛnfeleye na, ní tátɛɛyi na yi wi màʔa lè, níì cán pe n mii làlwaw kajoogéle yaʔa, pe o táanri ni yɛlɛgi ní mii làlwaw kèlē ní í.

Danyɛli 5:22

Mɔ Bɛlisyasari wi lè wi jáaw, mɔ ga fɔ̀lɔ n miyɛɛ jɛ́rɛ mɔ fúngi ni í, àlí bi gi taa mɔ n kérigèle bee myɛ cán,

Córolo 14:27

«Syɛ́ɛnmi naa bi pee lè nya, poro bee bi kòro ni mii sànʔá lè, làla jòorí mii a bi yaʔa bi kòro bàā mii sànʔá ? Mii n Isirayɛli ye sànʔari syɛ́ɛnrɛ lóʔo, dee na be mii sànʔá lè.

Wɔrɔmi ye 2:4

Wàlá àmɛɛ Kolocɔlɔɔ fúngi tɔ̀nɔ n nyɔɔ lè gbanʔama, á wi nyínimi ní wi kpàracogi wɔ́ɔ̀ nɛʔɛ lè, a koro jo lé mɔ o gee bee córo wii í láà? Mɔ ga gi cán ncan wi funjǎngi a gbǎn mɔ kàriga mɔ í kàdoʔo wáa mɔ kapeegèle ma ì?

Heburubèle 12:25

Ki n yɛlɛ yaa kɔ̀rɔsíi koro ga pye wee wi nyuu yele ma lè, yele a kɔ́ wi cée í. Níì cán wee wi da ni syɛ́ɛnbèle sàmí lè tári na, bele pe da wi syɛ́ɛnri cée lè, kapye bele bee ga syɔɔ wɔʔɔli ma í, wee wi nyɛ lè nyɛ̀ʔɛni ni, ní i wolo sàmí lè, wolo ga kàdoʔo wáa wee bee ma, mɛ̀ɛ́ wolo a gbǎn syɔɔ bi sɛ́ɛ?

Zyaki 4:10

Ki n yɛlɛ ye yeyɛɛ jɛ́rɛ Kàfɔw yɛ́ʔɛ ma, koro ga pye wi a yele kpólo.

1 Pyɛri 5:6

Gee bee na gi yɛlɛ yaa màama kpéʔele Kolocɔlɔɔ séekpɔɔw kɔ́lɔ láara ni, koro ga pye wi yele kpólo wi nyɛnɛ lǎli ni.