Yirile 10:2 - Cebaara Bible 2010

² jàngó mɔ í gbǎn kɔ́ ba ra gi nyuu da tèé mɔ piibèle, ní mɔ piibèle pìibēle na pe gi cán gee mii kpéʔele Ezyipiti ye na lè, ní fɛ̀ɛ́bèle mii kpéʔele be tári ni lè. Gee bee a gi kaan yele í gi cán bi cán mii wi nyɛ Yawe.»

Yirile 10:2 Iomraidhean Croise

2 Samyɛli 7:22

«Koro na, Yawe Kolocɔlɔɔ, mɔ n tɔ̀nɔ n kpɔ́ʔɔ. Níì cán wàa o beè mɔ félege í. Kolocɔlɔwaa ní o yaà kapye mɔ ban í àmɛɛ wolo gi lóʔo lè wolo líiweegèle ni.

Ŋúnuyi 44:1

Ŋúnuŋùúbèle kùndigi wóʔo. Kore jáabèle wóʔo. Tamana ŋúnugo.

Ŋúnuyi 44:2

Ee Kolocɔlɔɔ! Kérigèle mɔ kpéʔele lè wolo tóolɛɛbèle làla ni, booma cányi ni, wolo n gele bee lóʔo wolo líiweegèle ni, wolo tóolɛɛbèle pe ge joo n tɛ̀ɛn wolo na.

Ŋúnuyi 58:11

Syɛɛnsinw a ba fundaanra taa àmɛɛ wi a ba kapeegèle gɔ̀lɔ́-wòloro nyaa lè, wi a ba wi tɔ́lɔyi jée syɛɛnpeebèle sìsyaan ni.

Ŋúnuyi 71:18

Ee Kolocɔlɔɔ, àlí mii ga baa lɛɛ, a mii ǹjoori fílige, mɔ a kɔ́ mii cée í, koro ga pye mii í da mɔ fangi kéele nyuu lǎli naa syɛ̀ɛnnɛ ma, mii í ba ra mɔ séew kéele nyuu bele myɛ ma pe a ba yìri lè kàdoʔo ma.

Ŋúnuyi 78:3

Gee wolo lóʔo lè ní wɔ́ɔ̀ gi cán, gee wolo tóolɛɛbèle joo n tɛ̀ɛn wolo na lè,

Yirile 13:14

Mɔ piiw ga kɔ́ baa mɔ yíbe nyɛ̀ʔɛna níì jo: ‹Nyàʔá gi nyɛ gee bee pyele kɔ́rɔ?› Mɔ a wi yari: ‹Yawe n wolo yirige púlori kpaʔa ni, Ezyipiti ni, ní wi séew kɔ́lɔ ní.

Yirile 14:18

Lǎli ni mii ga kpɔʔɔrɔ taa lè Faraɔnw ní wi kapɛɛnkpumɔn-wòtorobèle, ní wi syɔɔnfǎnbèle kéele na lè, Ezyipiti ye a gi cán bi cán mii wi nyɛ Yawe.»

Yirile 14:4

Mii a Faraɔnw fúngo gbàn. Wi a yiri taʔa be na da nɛnɛ. Mii si a kpɔʔɔrɔ taa Faraɔnw ní wi kapɛɛnkpumɔnbèle myɛ kéele na, koro ga pye Ezyipiti ye a gi cán bi cán mii wi nyɛ Yawe.» A Isirayɛli ye wɔ́ɔ̀ gi kpéʔele kánmi bee na.

Yirile 7:17

Yawe si n jo: Gee naa na mɔ a gi cán bi cán mii wi nyɛ Yawe. Wéle, kàgbeeli li nyɛ mii kɔ́gi ni lè, mii a li tɛ́ʔɛ bi Niili cábigi kpúmɔn, lǒgi a kàri sìsyaan.

Yirile 7:5

Lǎli ni mii ga mii kɔ́gi sánʔa Ezyipiti ye kánmi na lè, níì Isirayɛli ye yirige be níngi ni lè, lǎli bee ni Ezyipiti ye a gi cán bi cán mii wi nyɛ Yawe.»

Yirile 8:6

A Faraɔnw jo: «Nyɛ̀ʔɛna.» A Mowizi wi yari: «Ki a kpéʔele bi yɛlɛ ní mɔ syɛ́ɛnri ní, koro ga pye mɔ í gi cán Yawe wolo Kolocɔlɔw félege o nyɛ í.

Ezayi 38:19

Wee wi lè niweew, wee wi lè niweew, woro wi mɔ kpɔ̀ʔɔrɔ́ àmɛɛ mii nyɛ ni gi kpéʔele lè níjanʔa. Tofɔlɔ i mɔ funviiw kéele nyuu wi pìíbèle ma.

Ezekyɛli 20:26

A mii gi yaʔa be peyɛɛ nɔ́nʔɔ pe yakaanyi báriga ni, yi lè pe pìiselibèle myɛ pe wóo lè sáriga, náagi ni. Mii maa ni caa bi be lége wɔʔɔgi ni kánmi bee na koro ga pye pe gi cán bi cán mii wi nyɛ Yawe.›

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Zyowɛli 1:3

Ye gi joo ye tɛ̀ɛn yele pìíbèle na, yele pìíbèle si gi joo bi tɛ̀ɛn poro pìíbèle na, poro pìíbèle si gi joo bi tɛ̀ɛn yìrilee syɛ̀ɛnnɛ na be maa lè!

Efɛzi ye 6:4

Tofɔbèle, ki ga yɛlɛ yele í wɔ́ɔ kɔ́ yele pìíbèle fúnyo kaan yaa taanri í. Kàjáa yele ga ni be gbóo yaa be sàmí, yáā be tama Kàfɔw kèlē ni.

Làlwaw Kaanziin 4:9

«Ki n yɛlɛ mɔ í tɛ́nɛ miyɛɛ còganmi cán, máā mɔ fúngi kɔ̀rɔsíi gbanʔama mɔ siiw canya myɛ ni, koro ga pye kérigèle gele mɔ nyapiigèle nyaa lè, mɔ a kɔ́ fɛ̀ʔɛ ge na í, ke a kɔ́ yiri mɔ fúngi ni í. Ge tɛ̀ɛn mɔ piibèle, ní mɔ piinyanbiiyi na.