Yirile 10:1 - Cebaara Bible 2010

¹ A Yawe gi joo Mowizi ma níì wi pye: «Da syée Faraɔnw ma, níì cán mii wi wi fúngi, ní wi falipyebèle fúnyo gbàn, koro ga pye bi mii fɛ̀ɛ́bèle kpéʔele pe níngi ni,

Yirile 10:1 Iomraidhean Croise

Ŋúnuyi 7:11

Kolocɔlɔɔ wi nyɛ mii tunmɔzige-yárigi, woro wee wi fûnzinyi fɔ̀ɔlɔ syoo lè.

Yirile 10:20

Kàjáa Yawe maa Faraɔnw fúngo gbàn, wi ga Isirayɛli ye yaʔa be kári í.

Yirile 3:20

Mii si a mii kɔ́gi sánʔa bi Ezyipiti kpúmɔn ní kakpoloyi féleye myɛ ní, yee mii a kpéʔele lè Ezyipiti ni. Koro kàdoʔo ma wi a náa yele yaʔa yele í da syée.

Yirile 4:21

A Yawe gi joo Mowizi ma níì wi pye: «Mɔ ga lúru ni syée ní sáà nan Ezyipiti na, kakpoloyee myɛ fànʔa mii kaan mɔ ma lè, ki n yɛlɛ mi yi kpéʔele Faraɔnw yɛ́ʔɛ ma. Mii si a wi fúngi gbàn. Wi a fɔ̀lɔ́ syɛ́ɛnbèle yaʔa be kári í.

Yirile 7:4

Faraɔnw a sèʔé fɔ̀lɔ bi lóʔo yele ma í. Mii si a mii kɔ́gi taʔa Ezyipiti na, bi mii syɛ́ɛnbèle kabiya yirige yaà, be lè Isirayɛli ye. Mii a gee bee kpéʔele ní kútiikpoloyo ní.

Yirile 9:12

A Yawe Faraɔnw fúngo gbàn, wi ga lóʔo Mowizi ní Aarɔn ma í, n yɛlɛ ní gi ní àmɛɛ Yawe da gi joo Mowizi ma lè.

Yirile 9:16

Kàjáa mii n mɔ yaʔa beè koro ga pye bi mii séew tɛ̀ɛn mɔ na, mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.

Yirile 9:27

A Faraɔn tun a be sáà Mowizi ní Aarɔn yeri, ní baa be pye: «Kátali naa na, mii n kapeele pye. Yawe wi sín, á mii ní mii tári syɛ̀ɛnnɛ kolo.

Zyan 12:40

«Wi n be kpéʔele fúunbéle, ní wɔ́ɔ̀ be fúnyi tɔ́n be na, koro ga pye pe a kɔ́ ra nyaagi nyapiigèle ni í, pe a wɔ́ɔ kɔ́ yarigaa cán be fúnyi ni í, si kɔ́ kàri woro si be syɔɔ í.»

Wɔrɔmi ye 9:17

Níì cán Kolocɔlɔɔ n gi joo Faraɔn ma woro syɛɛnsɛbɛri ni níì jo: «Gee naa tiimaa kéele na mii mɔ télege fǎngi na, koro ga pye mii í mɔ kéeli pye sábabu bi mii séekpɔɔw tɛ̀ɛn, mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.»

Wɔrɔmi ye 9:18

Gee bee na wee na wi ga ni caa bi nyinimɛ taa lè, wi n bi taa wi na, wi ga wɔ́ɔ ni caa bi wee zɔ̀n gbàn lè, wi n wi gbàn.

Zyozuwe 11:20

Níì cán Yawe má be fúnyi gbànna da yìri jàngó paa kapɛɛnni kpúmɔn ní Isirayɛli ye ní, koro ga pye pe be kálagi kwɔ́ɔ péw. Nyinimɛ a kɔ́ taa be na í, fwɔɔ pe be myɛ kálagi bi kwɔ́ɔ bi yɛlɛ ní syɛ́ɛnri ní Yawe da joo n gbàn Mowizi ma lè.

1 Samyɛli 4:8

Kapeele i wolo na. Wìí syɔ́ɔn wi a wolo yirige fànnɛʔɛgɛ kolocɔlɔw bee kɔ́lɔ ni? Kolocɔlɔw bee wi Ezyipiti ye kpúmɔn ní wɔʔɔyi féleye myɛ ní fìími tára ni.