Yirile 1:7 - Cebaara Bible 2010

⁷ A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Yirile 1:7 Iomraidhean Croise

Sélimɛ 1:20

A Kolocɔlɔɔ jo: «Sìi yárira saʔa n yɛlɛ taa nyaʔami da máari sólomi lɔ́ʔɔ ni, féjɛɛnri si wɔ́ɔ ra yìrigí da nyaari da máari tári ǹjoʔo ni nyɛ̀ʔɛni láara ni.»

Sélimɛ 1:28

A Kolocɔlɔɔ dùbaw taʔa be na níì be pye: «Ki n yɛlɛ yaa sii yaa nɛʔɛgi ye tári nyìn, yáā di kàragí. Ye tɛ́ɛn fábèle nyúngo na, ní féjɛɛnri nyúngo na di nyaari lè ǹjogi ni, n fàra yaweeri myɛ na di fulolo lè tári na.»

Sélimɛ 12:2

Mii a mɔ kpéʔele syɛɛnfele-nɛʔɛgɛ, si dùba taʔa mɔ na, si wɔ́ɔ mɔ mɛ́ɛgi kpɔ́ʔɔ. Mɔ ni syɛɛnsanbèle a ra dùbaw taagi.

Sélimɛ 13:16

Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Sélimɛ 15:5

A wi Abirami kɔ́ri n yiri kàfugi na, ní baa wi pye: «Ki n yɛlɛ mi nyɛ̀ʔɛni sámaga mi wéle mí ŋɔripiigèle córo kapye mɔ fánʔa i nyɛ ge na bi gbǎn ge córo. A wi níì wi pye: Kánmi bee na si mɔ piibèle a ba nɛʔɛ.»

Sélimɛ 17:16

Mii a dùbaw taʔa wi na si wɔ́ɔ nànbile kaan mɔ ma wi bárigaw ni. Mii a dùbaw taʔa wi na, wi a ba pye syɛɛnfeleyaa nɔ́ɔ. Syɛɛnfeleyaa fànʔafɔɔlɔ a yiri wi ni.»

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Sélimɛ 26:22

A Izaaki yìri yaà beè n ní sáà kɔ̀lɔ́waa nikwɔɔ túgu. Wàa ga níì kàsii caa wi ma kɔ̀lɔ́w bee kéele na í. A wi kɔ̀lɔ́w bee mɛ́ʔɛ le ni wi yiri Erehobɔti, ncan wi maa jo: «Yawe n wolo télege tɛɛkpɔʔɔ ni koro ga pye wolo í tɛ́ɛn bi fuguri tári ni.»

Sélimɛ 26:4

Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔripiigéle nyɛ lè, si tátɛɛyi naa myɛ kaan mɔ yodaʔayi ma. Mɔ yodaʔayi báriga ni mii a dùbaw taʔa tári syɛɛnfeleye myɛ na.

Sélimɛ 28:14

Mɔ yodaʔayi a ba pye córomɔ fun àmɛɛ támiigi nyɛ lè. Mɔ a ba cariga bi fala canʔajeemɛ, ní canʔafolomɔ, ní solomɔkulo, ní wòrogulo kàbanyi na. Tári narigbaaya myɛ a ba dùbaw taa mɔ ní mɔ yodaʔayi báriga ni.

Sélimɛ 35:11

A Kolocɔlɔɔ níì wi pye: «Mii wi nyɛ Kolocɔlɔɔ, wee wi lè Séew Myɛ Kàfɔlɔ. Ki n yɛlɛ kàa í da fàrá mɔ na mɔ í pye syɛɛnnɛʔɛmɛ. Syɛɛnfelegaa, ní syɛɛnfeleye saʔa a yiri mɔ ni. Fànʔafɔɔlɔ a yiri mɔ sémɛɛnni ni.

Sélimɛ 46:3

A Kolocɔlɔɔ wi pye: «Mii wi nyɛ Kolocɔlɔɔ, wi lè mɔ tóow Kolocɔlɔɔ. Mɔ a kɔ́ fyáa Ezyipiti gàríw na í. Níì cán mii a sa mɔ kpéʔele yaà beè mɔ í pye syɛɛnfele-nɛʔɛgɛ.

Sélimɛ 47:27

A Isirayɛli ye tɛ́ɛn Ezyipiti tári ni, Gosyɛn tɛ́nɛmi ni. A be bi fálimi taa, níì see saʔa n pye syɛɛnnɛʔɛmɛ.

Sélimɛ 48:16

ní nyɛ̀ʔɛni tunduɔn wi mii syɔɔ kapeeyi myɛ ma lè, ki n yɛlɛ wi dùbaw taʔa nànbiigèle naa na, mii mɛ́ɛgi, ní mii tóolɛɛgi Abirahami mɛ́ɛgi, ní mii tóow Izaaki mɛ́ɛgi sáā yiri be na pe see bi nɛʔɛ tári ni.

Sélimɛ 48:4

níì gi joo mii ma níì jo: ‹Wéle, mii a tɔ̀nɔ́ pìinɛʔɛrɛ kaan mɔ ma bi mɔ kpéʔele syɛɛnnɛʔɛmɛ. Mɔ a pye syɛɛnfele-nɛʔɛgɛ, si wɔ́ɔ tári naa kaan mɔ yodaʔayi ma naa mɔ kadoʔo ma di pye be worò làla o làla kwɔ́ɔmɔ fun.›

Sélimɛ 9:1

A Kolocɔlɔɔ dùbaw taʔa Nowe ní wi jáabèle na níì be pye: «Ki n yɛlɛ ye see ye nɛʔɛ ye tári nyìn.

Nehemii 9:23

Mɔ n be jáabèle nɛʔɛ a be pye àmɛɛ nyɛ̀ʔɛni ŋɔripiigéle nyɛ lè, níì be lége tári ni, dee kéele mɔ da joo be toolɛɛbèle ma lè níì jo pe jée di ni pe di syɔɔ taa.

Ŋúnuyi 105:24

Kàfɔw n baa wi syɛ́ɛnbèle kàriga a be nɛʔɛ gbanʔama, wi n be fǎngi pye a gi nɛʔɛ n sɔ̀lɔ be kàsiitun-nyɛ́nbèle wóʔo na.

Ŋúnuyi 107:38

Wi n dùba kpéʔele be ma, a be i nɛʔɛgi gbanʔama, wi a be yaweeri yaʔa di cɛ́rɛ í.

Yirile 1:12

Kàjáa kánmee na be da ni kàa taari be wɔʔɔli na lè, a kàa wɔ́ɔ i fàrá be nɛʔɛni na ni syée nya. A Isirayɛli ye kéeli tɔ̀nɔ n be bɛɛn.

Yirile 12:37

A Isirayɛli ye yiri Aramisɛsi ni ni syée Sukɔti ma tɔlɔyɔ na. Nǎnbèle nyɔ́ɔ n pye sirakamayɛ toko ní kpɔrigɔ félege. Pìíbèle ga córo yaà í.

Yirile 5:5

A Faraɔnw jo: «Tɔ́ɔliw ni syɛ́ɛnmi pi baa nɛʔɛ bee tári ni, yele si be fáliw yérige.»

Ezekyɛli 16:7

Mii n mɔ yìrige a mɔ tɔnɔ àmɛɛ yáriri nyɛ di fíin séyi ni lè. Mɔ n yìri n lɛɛ. Mɔ n tɔnɔ, níì nyɔɔ n foro, a mɔ doogi nyìn, a mɔ síiri yiri. Kàjáa mɔ maa pye níbori, wowaaɔ ní fée.

Kapyegèle 13:17

Wolo Isirayɛli ye Kolocɔlɔw maa wolo tóolɛɛbèle nyɛ́nɛ n wòlo, níì be yaʔa a be i nɛʔɛgi gbanʔama lǎli ni pe da pye lè nibɔnbéle Ezyipiti tári ni, koro kàdoʔo ma a wi be kɔ́ri n yirige yaà ní wi kɔ́gi fànʔa ní,

Làlwaw Kaanziin 10:22

Lǎli ni mɔ tóolɛɛbèle tìgi n kári Ezyipiti ma lè, pe maa pye syɛ̀ɛnnɛ togoye taanri ní kpɔrigɔ, tɔ́ɔliw ni, Yawe mɔ Kolocɔlɔw n mɔ kpéʔele syɛɛnnɛʔɛmɛ àmɛɛ nyɛ̀ʔɛni ŋɔripiigéle nyɛ lè.

Làlwaw Kaanziin 26:5

Mɔ a syɛ́ɛnri naa joo Yawe mɔ Kolocɔlɔw yɛ́ʔɛ ma si jo: ‹Mii tóolɛɛgi maa pye Arami ye ninyaariga. Wi n tìgi n kári Ezyipiti ma n sáà tɛ́ɛn yaà, wi syɛ́ɛnbèle si i nyɛ cɛɛri, a wi syɛ́ɛnbèle baa pye yaà beè syɛɛnfelegaa, gee gi nɛʔɛ lè á gi séew ní gi fǎngi wɔ́ɔ̀ kpɔ́ʔɔ.