Yirile 1:12 - Cebaara Bible 2010

¹² Kàjáa kánmee na be da ni kàa taari be wɔʔɔli na lè, a kàa wɔ́ɔ i fàrá be nɛʔɛni na ni syée nya. A Isirayɛli ye kéeli tɔ̀nɔ n be bɛɛn.

Yirile 1:12 Iomraidhean Croise

Sélimɛ 46:3

A Kolocɔlɔɔ wi pye: «Mii wi nyɛ Kolocɔlɔɔ, wi lè mɔ tóow Kolocɔlɔɔ. Mɔ a kɔ́ fyáa Ezyipiti gàríw na í. Níì cán mii a sa mɔ kpéʔele yaà beè mɔ í pye syɛɛnfele-nɛʔɛgɛ.

Nehemii 9:23

Mɔ n be jáabèle nɛʔɛ a be pye àmɛɛ nyɛ̀ʔɛni ŋɔripiigéle nyɛ lè, níì be lége tári ni, dee kéele mɔ da joo be toolɛɛbèle ma lè níì jo pe jée di ni pe di syɔɔ taa.

Zyɔbi 5:2

Kányɛʔɛ na fundanʔagbɔɔri i nidoligo kúu, nyabɛɛnni si i kanaa-sìnjáɔn kúu.

Ŋúnuyi 105:24

Kàfɔw n baa wi syɛ́ɛnbèle kàriga a be nɛʔɛ gbanʔama, wi n be fǎngi pye a gi nɛʔɛ n sɔ̀lɔ be kàsiitun-nyɛ́nbèle wóʔo na.

Ŋúnuyi 107:38

Wi n dùba kpéʔele be ma, a be i nɛʔɛgi gbanʔama, wi a be yaweeri yaʔa di cɛ́rɛ í.

Yirile 1:20

A Kolocɔlɔɔ kacànna pye fícaricobèle na. A Isirayɛli syɛ́ɛnmi tɔ̀nɔ́ i nɛʔɛgi ni syée, a be fǎngi tɔ̀nɔ n baa kpɔ́ʔɔ gbanʔama.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Yirile 1:9

A wee bee gi joo wi syɛ́ɛnbèle ma níì jo: «Ye wéle, Isirayɛli syɛ́ɛnbèle n nɛʔɛ n sɔ̀lɔ wolo na, a be fǎngi wɔ́ɔ̀ kpɔ́ʔɔ n sɔ̀lɔ wolo wógi na.

Kàseegèle 21:30

Sícilimɛ yoo, cánna yoo, lálii yoo, gee bee kàa faala o córo Yawe yɛ́ʔɛ ma í.

Kàseegèle 27:4

Fundanʔagbɔɔri i nyɛ nyinimɛ fun, fundanʔari i nyɛ lòcoologo gee gi kabi ni fóo lè, wìí si wi a gbǎn yére nyabɛɛnni sige?

Córolo 22:3

A Mowabi tɔ̀nɔ n fyáa gbanʔama syɛɛnnɛnʔɛmi bee na. Isirayɛli kéeli maa tɔ̀nɔ n pye zɔ̀nviikɔnirɔ Mowabi na.

Zyan 12:19

Lǎli bee ni a Farisibèle i gi nyuu ní peyɛɛ ní níì jo: «Yele n gi cán gee wolo kpéʔele lè, ki i nyɛ gbanzan, ye wéle, àmɛɛ dulunyanw syɛ̀ɛnnɛ myɛ syée wi kurugo lè.»

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

Làlwaw Kaanziin 26:5

Mɔ a syɛ́ɛnri naa joo Yawe mɔ Kolocɔlɔw yɛ́ʔɛ ma si jo: ‹Mii tóolɛɛgi maa pye Arami ye ninyaariga. Wi n tìgi n kári Ezyipiti ma n sáà tɛ́ɛn yaà, wi syɛ́ɛnbèle si i nyɛ cɛɛri, a wi syɛ́ɛnbèle baa pye yaà beè syɛɛnfelegaa, gee gi nɛʔɛ lè á gi séew ní gi fǎngi wɔ́ɔ̀ kpɔ́ʔɔ.