Yirile 1:11 - Cebaara Bible 2010

¹¹ Lǎli bee ni a be fala n pɔ́rɔtɔɔ-fáli kùndigibéle nyɛ́nɛ n wòlo n télege be nyúngi na, jàngó bele bee í pɔrɔtɔɔri fáli gbàn be na gbanʔama. Kánmi bee na be kèye siin faan Faraɔnw ma a yi pye wi lɔ́ri tɛɛkɔnyɔ. Kěyi bee yi nyɛ Pitɔmi, ní Aramisɛsi.

Yirile 1:11 Iomraidhean Croise

Sélimɛ 15:13

A Yawe si gi joo Abirami ma níì wi pye: «Ki n yɛlɛ mi gi cán mɔ yodaʔayi a kɔ́ sa pye nibɔɔnnɔ táraa ni, dee di lè ti o nyɛ pe worò í si pye yaà beè pulobèlē. Bele bee a ra be wɔʔɔ yɛ̀ʔɛlɛ saala siin fúngo ni.

Sélimɛ 47:11

A Zyozɛfu sáà wi tóow ní wi yɛʔɛfɔbèle télege Ezyipiti tári tɛɛcànga ni, a gi pye be woʔò, Aramisɛsi tɛ́nɛmi ni. Wi maa gi kpéʔele n yɛlɛ ní gi ní àmɛɛ Faraɔnw da gi joo n gbàn lè.

1 Fànʔafɔbèle 9:19

ní kěyee myɛ yi pye lè Salomɔn kɔlɔ̀ yáriri tɛɛkɔnyɔ keye n fàra kapɛɛnkpumɔn-wòtorobèle tɛɛ̀tɛʔɛyɛ keye, ní wi syɔ́ɔnyi tɛɛkòroyo kèye na, n náà fàra yariga o yariga na Salomɔn da ni caa bi faan lè Zyerusalɛmi ni, ní Liban, ní tári myɛ ni, dee wi da ni kàragí lè.

2 Cányi kèlē 16:4

A Bɛn-Hadadi lóʔo fànʔafɔw Aza ma, níì wi sùlasiibèle kàfɔɔlɔ tórigo Isirayɛli kěyi kánma na. A be sáà Iyɔn, ní Dan, ní Abɛli-Mayimi kálagi n fàra kɔlɔ̀ yáriri tɛɛkɔnyɔ keye myɛ na yi pye lè Nɛfitalii tári ni.

2 Cányi kèlē 8:4

A wi Tadimɔri faan fìími tára ni, ní kɔlɔ̀ yáriri tɛɛkɔnyɔ keye myɛ ní wi faan Hamati ni lè.

Ŋúnuyi 105:13

Pe maa ni nyaari ni sɔ̀lɔ́ ni máari syɛɛnfeleyi nínge ni bi wɔ́ɔ yìri fàngaa ma bi kári syɛɛnfelegaa ma.

Ŋúnuyi 129:1

Njogi lúgufɔɔlɔ ŋúnugo. Pe n mii wɔʔɔ tɔlɔyɔ saʔa nlaa yaà mii pìími làla ni. Isirayɛli n yɛlɛ bàā koro nyuu si jo:

Ŋúnuyi 129:2

«Pe n mii wɔʔɔ tɔlɔyɔ saʔa nlaa yaà mii pìími làla ni,» kàjáa pe ga fànʔa taa mii na í.

Ŋúnuyi 68:13

Kapɛɛnkpumɔnbèle fànʔafɔɔlɔ i fé ni fé, céwee wi kòro naa ni kpáagi kɔ̀rɔsíi lè, woro i yáriri lee, dee be koli lè.

Ŋúnuyi 81:6

Kajoolee wi sɛ́bɛ n kaan Zyozɛfu kpáagi wòolo ma lè, lǎli ni wi too Ezyipiti tári na lè, a mii i yákpolo lúro, lee li lè mii ga li cán í, a li jo:

Yirile 1:14

Pe maa tɔ̀nɔ n be yɛ́ɛyi wáriga ní faligbanw ní, wi lè póori fáli, ní jùfaakpumɔnri, ní séyi fáli féleye myɛ. Gee bee n jo pe maa tɔ̀nɔ n pɔrɔtɔɔri fáli gbàn be na n baa sɔ̀lɔ.

Yirile 2:11

A Mowizi ga baa lɛɛ, cangaa a wi kári sa wi senyɛnbèle wéle, ní sáà pe faligbanw nyaa, níì wéle n Ezyipiti ye wówaa nyaa wi i Heburuwaa kpúmɔn, wi lè woro senyɛnwaa.

Yirile 3:7

A Yawe jo: «Mii syɛ́ɛnbèle bele be nyɛ lè Ezyipiti ni, fɔ̀rɔgee gi nyɛ be na lè, mii n gee bee nyaa, ní àmɛɛ be sùpiigèle wáa be wɔʔɔfɔbèle kɔ́yɔ ni lè, mii n gee bee lóʔo. Níì cán mii n tɔ̀nɔ n be wɔʔɔyi kèlē cán.

Yirile 5:10

A pɔrɔtɔɔri fáli kùndigibéle, ní syɛ́ɛnbèle kɔ̀rɔsiifɔɔlɔ yiri n kári n sáà gi joo syɛ́ɛnbèle ma níì be pye: «Faraɔnw n jo: ‹Mii a ní da nyàásige kaangi yele ma í.

Yirile 5:15

Isirayɛli wóbèle bele be pye lè kùndigibèle, a poro kári n sáà be funbɛɛnw joo n tɛ̀ɛn Faraɔnw na, níì jo: «Nyàʔá na mɔ mɔ falipyebèle kpéʔele kánmi bee na?

Yirile 5:8

Jùfaawee nyɔ́ɔ pe da ni kpúmɔn ni taagi lè, yele a be kɔ́ri pe sèʔé ra wee bee nyɔ́ɔ kpúmɔn da taagi. Yele a kɔ́ yafyɛn fɔ̀n wi ni í. Níì cán sàlagafɔɔlɔ be nyɛ, koro na be kɔ́ɔ̀ fɔ̀lɔ ni gi nyuu níì jo: ‹Ye boo kári wo sa sáriga wòlo wolo Kolocɔlɔw ma.›

Kàseegèle 27:4

Fundanʔagbɔɔri i nyɛ nyinimɛ fun, fundanʔari i nyɛ lòcoologo gee gi kabi ni fóo lè, wìí si wi a gbǎn yére nyabɛɛnni sige?

Córolo 20:15

Wolo tóolɛɛbèle maa tìgi Ezyipiti ma. A wolo sáà tɛ́ɛn Ezyipiti ni n mɔn yaà. A Ezyipiti ye si kɔ́ baa wolo cò kanbeemɛ ni, wolo ní wolo tóolɛɛbèle.

Làlwaw Kaanziin 26:6

A Ezyipiti ye si ba ni wolo wɔʔɔ, ní i kapeeyi kpéʔele wolo na níì wolo kɔ́ri n cáan faligbanyi na.