Syɛɛnjóow 9:3 - Cebaara Bible 2010

³ Kapeegaa wéle gee yee myɛ nínge ni yi kpéʔele tári na lè, koro gi nyɛ ncan kanijanna i pe myɛ taagi. A gi wɔ́ɔ i nyɛ ncan syɔɔn ye fúnyi n nyìn kapeeyi na, á nidolimi si i nyɛ be fúnyi ni pe wéemi làla ni. Koro kàdoʔo ma pe n kári kúbèle tɛ́ʔɛ ma.

Syɛɛnjóow 9:3 Iomraidhean Croise

Zyeremii 17:9

Syɔɔn fúngi n kolo n sɔ̀lɔ yáriri myɛ na, sámagajànma o gi na í, wìí wi a gbǎn gi cán?

Syɛɛnjóow 8:11

Kútiiw wi yɛlɛ wi kúun peemɛ kapyele na lè, wi o forogi terire í, koro gi syɔɔn ye fúnyi kaan a yi nyìn kapeeyi kpéʔelele sɔngurɔ na.

Syɛɛnjóow 1:17

Mii n gi tama mii fúngi ni bi sícilimi cán si wɔ́ɔ labalami ní cúromi cán. A mii gi cán gee bee wɔ́ɔ i nyɛ bi taʔa káfalaga na da nɛnɛ.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

2 Pyɛri 2:16

a jòfani syɛɛngbanra joo wi ma wi kakolobyeri bee kéele na, yaweegee ki lè ki o nyuu í, koro ki da joo ní kanyaajoow ní syɔɔn jooganma na n wi yérige wi cúromi kapyele na.

Kapyegèle 26:24

N Pɔli yaʔa syɛ́ɛnri bee joolo na wiyɛɛ kéeli na, a Fɛsitusi yákpoli wáa níì jo: «Pɔli, mɔ n cúro! Amɛɛ mɔ sɛ́bɛw tama n caanri lè, gee bee n cúromɔ wáa mɔ na.»

Kapyegèle 12:23

Lǎli bee wonijanna ni a Kàfɔw tundunwaa baa wi kpúmɔn, àmɛɛ gi nyɛ lè wi ga Kolocɔlɔɔ kpɔ́ʔɔ í. A fyɛɛnrɛ fala n jée wi ni n wi káa n kpóo.

Luki 15:17

Amɛɛ sícilimɛ kɔ́ɔ̀ jée wi ni lè, a wi jo: ‹Falipyebèlē saʔa si zǐn i nyɛ mii tóow ma ni líi ni fɔ̀rɔgí a tàa i kòró, mii si tɔ̀nɔ́ ba kùu lé nya kateegi kɔ́yɔ ni?

Luki 6:11

A be fúnyi tɔ̀nɔ n tanʔa be na gbanʔama fwɔɔ n baa sɔ̀lɔ. A be fala ni nyuu ní peyɛɛ ní Zyezu kéeli na jàngó bi gi cán gee poro yɛlɛ bi kpéʔele lè wi na.

Syɛɛnjóow 12:7

sáni támiigi í lúru jée tári ni, beè ki da pye lè, pǐli si lúru kári li kaanfɔw Kolocɔlɔɔ ma.

Syɛɛnjóow 9:2

Ki myɛ i nangi pe myɛ na kanijanma na: Kanijanna li syɛɛnsinw ní syɛɛnpeew taagi, wee wi nyɔɔ lè ní i nyɛ fɔɔnrɔ fun, ní wee wi nɔ́nʔɔ lè yoo, wee wi sáriga wóo lè, ní wee wi lè wi o sáriga wóo í yoo. Syɛɛncanw ní kapeebyew i nyɛ kanijanma na. Wee wi kɛ̀ɛ́ lè, ní wee wi fɛ̀ɛgí kàligi na lè, pe i nyɛ kanijanma na.

Syɛɛnjóow 7:25

A mii mii fúngi myɛ yaʔa sɛʔɛweleli, ní kérigèle caala na, ni caa bi gi cán gee gi nyɛ lè sícilimi, ní gee gi nyɛ lè kérigèle nyúngo bi gi cán péemi i nyɛ labalama, nidolimi si i nyɛ cúromɔ.

Kàseegèle 14:32

Syɛɛnpeew i tuun kapeegi kéele na wi kpéʔele lè, syɛɛnsinw si i tɛɛlarala taagi àlí wi kùúw làla ni.

Ŋúnuyi 51:5

Níì cán mii n mii kolomi kèlē cán, mii kapeeli si i nyɛ mii yɛ́ʔɛ ma làla o làla.

Zyɔbi 15:16

syɔɔn wi pee lè nya níì kálagi, woro wógi gi tóro, syɔɔn wi sìnzinmi gbo àmɛɛ lɔ̀ʔɔ nyɛ lè.

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

Kapyegèle 26:11

Mii maa ni be wɔʔɔ tɔlɔyɔ saʔa Zyefubèle sérikpaaya myɛ ni, ní i be ŋàʔaná paa Zyezu mɛ́ɛgi kálagi. Mii maa tɔ̀nɔ n be para gbanʔama, àlí mii maa sa ni be caa ni wɔʔɔ kèleeliyi ni.

Sélimɛ 6:5

A Yawe baa gi nyaa syɔɔn péemi n tɔ̀nɔ n kpɔ́ʔɔ tári na n baa sɔ̀lɔ, á wi fúngi sɔ̀ngurɔ myɛ kòro kapeebyeri na canʔa o canʔa.

Syɛɛnjóow 2:14

Síciliw i nyaagi wiyɛɛ yɛ́ʔɛ ma, nilabalaw si i tala ni syée yébilimi ni, kàjáa mii si n gi cán kanijanna li pe myɛ siinw taagi.

Syɛɛnjóow 7:2

Bi kári kùugo kpaʔa ma, koro n pɔ́rɔ n sɔ̀lɔ lìigbɔɔlɔ kpaʔa gàrí na, níì cán koro gi nyɛ syɔɔn ye myɛ kwɔ́ɔganmi, wee wi nyɛ lè sìi na, wi i yákirii taagi gi ni.

Syɛɛnjóow 9:4

Níì cán wee wi pwɔɔ niweebèle myɛ na lè, sɔ̀ngumɔ tɛɛtaʔaga i nyɛ wi ma. Alí pɔnweeo n caà pɔ́rɔ n sɔ̀lɔ càaraguugo na.

Zyeremii 16:12

‹Yele si na, yele n ní baa kapeʔe pye n sɔ̀lɔ yele tóolɛɛbèle na. Wéle, yele myɛ nibin nibin n yeyɛɛ daʔa yele péemi zɔ̀ngbaɔn na, yele ga lóʔo mii ma í.

Zyeremii 17:10

«Mii Yawe, mii i kasɔ̀ngugèle ní fúngi kèlē sɛʔɛ ni cángi, jàngó bàā syɛ́ɛnbèle myɛ nibin nibin sàrá da yɛlɛgi ní be kóloyi ní, bàā yɛlɛgi ní be kapyegèle yasanra ní.»

Zyɔbi 9:22

Níì cán koro myɛ i nyɛ mii ma nibin. Koro na mii gi joo níì jo: ‹Wi i kajoolo fun syɔ́ɔnw kálagi ni láari yaà àmɛɛ gi wɔ́ɔ̄ kpéʔele syɛɛnpeew na lè.›

Zyɔbi 21:26

Pe n pínɛ ni sìnɛ́ támiigi ni, fyɛ́ɛnri si i be tɔ́ngi.

Ŋúnuyi 64:7

Pe i sìnzinmi kafɔngèlē sélegi, ní i gi nyuu níì jo: «Wolo katimanani n tɔ̀nɔ n foro!» Pe myɛ nibin nibin fúnyo kasɔngugēle n tɔ̀nɔ n cùru.

Syɛɛnjóow 9:11

Mii n wɔ́ɔ níì gi nyaa tári na bele be fé lè gbanʔama, kàfyaali fàndaara o nyɛ bele bee wóro í, kapɛɛnni fàndaara o wɔ́ɔ̄ nyɛ nànniribèle wóro í, sícilibèle ban pe be yaliiri taagi kelekele í, cánnɛʔɛni fɔ̀ɔlɔ ban be lɔ́ri taagi í, kacànna taala o nyɛ kacánbèle wólo í, níì cán làrijǎngèle ní làribeegèle i nangi pe myɛ na.