Syɛɛnjóow 7:3 - Cebaara Bible 2010

³ Fúngi wɔʔɔlɔ n pɔ́rɔ n sɔ̀lɔ kataanri na. Níì cán syɔɔn yɛ́ɛgi ga wírè tanʔa, wi fúngi a gbǎn pye fundaanra na.

Syɛɛnjóow 7:3 Iomraidhean Croise

Ŋúnuyi 119:67

Sáni fɔ̀rɔgi í too mii na lè, mii maa ni pùuní. Kàjáa tɔ́ɔliw ni, mii n mɔ syɛ́ɛnri kɔn.

Ŋúnuyi 119:71

Mii n wɔʔɔ, a koro pye mii ma kacànna, koro ga pye mɔ lalwaw kèlē í mii tama.

Syɛɛnjóow 2:2

Mii n gi joo kataanri kéele na níì jo: Ti i nyɛ nidolimɔ! Ní fundaanri kéele na níì jo: Nyàʔá di nyɔɔgi?

Syɛɛnjóow 7:4

Sícilibèle fúnyo i nyɛ kùugo kpaʔa ni, nilabalabèle fúnyo si i nyɛ fundaanri kpaʔa ni.

Danyɛli 10:19

Koro kàdoʔo ma a wi mii pye: «Mɔ a kɔ́ fyáa í, mɔ wee wi lè nànnidaanmaɔ, fûnnyingi í pye mɔ ma. Nìrimɛ le! Nìrimɛ le!» Lǎli ni wi da ni nyuu ní mii ní lè, a fànʔa níì jée mii ni, a mii jo: «Ni kàfɔlɔ, ki n yɛlɛ maa nyuu, níì cán mɔ n fànʔa le mii ni.»

Luki 6:21

Yele bele na kateegi nyɛ lè tɔ́ɔliw ni, yele i nyɛ dùba pìibēle, níì cán yele a kɔ́ ba tín! Yele bele ye nyaan lè tɔ́ɔliw ni, yele i nyɛ dùba pìibēle, níì cán yele a kɔ́ ba ra tɛ́ʔɛ!

Luki 6:25

Yele bele ye tín lè tɔ́ɔliw ni, wɔʔɔli a ba pye yele na, níì cán kateegi a kɔ́ ba yele jáa! Yele bele ye tɛ́ʔɛ lè tɔ́ɔliw ni, wɔʔɔli a ba pye yele na, níì cán kayaagi a kɔ́ ba pye yele ni, yele í da nyaan!

2 Korɛnti ye 4:17

Níì cán lǎli cɛɛri wɔʔɔlɔ i nyɛ wɔʔɔbile, li si i bàngwɔɔ nìjangbɔɔrɔ taari wolo na wonɛʔɛrɛ ní gbanʔama.