Syɛɛnjóow 3:3 - Cebaara Bible 2010

³ Kpóoli làla i yaà, a pɔʔɔli làla i yaà. Jabagili làla i yaà, a faanni làla i yaà.

Syɛɛnjóow 3:3 Iomraidhean Croise

Sélimɛ 9:6

Wàa ga wi syɛɛnnyɛnnɛ sìsyaan wo, syɔɔnwaa wi a wɔ́ɔ wee bee fɔ́lɔ wóo wo. Níì cán Kolocɔlɔɔ n syɔɔn kpéʔele woro niwirio.

Ezayi 44:26

Mii i fànʔa kaangi mii falipyew syɛ́ɛnrɛ ma, ní wɔ́ɔ i syɛ́ɛnri forogi, dee mii tundunbèle da ni nyuu ni tèé lè. Mii i gi nyuu Zyerusalɛmi kéeli na níì jo: ‹Syɛ́ɛnbèle a ní tɛ́ɛn gi ni,› ni gi nyuu Zyuda yòdaʔayi kèye kéele na níì jo: ‹Yi a ní faan. Mii a ní yi gurubɛɛri yìrige.›

Ezayi 6:10

Ki n yɛlɛ mi syɛ́ɛnbèle naa fúnyo gbàn, pe líiweegèle pɛɛn, mí be nyapiigèle tɔ́n, jàngó pe a kɔ́ ra nyaagi pe nyapiigèle ni í, pe a kɔ́ ra lúro pe líiweegèle ni í, pe a kɔ́ ra kérigèle cángi be fúnyi ni í, pe a kɔ́ kàri si pɔʔɔ í.»

Zyeremii 1:10

Wéle, mii n mɔ télege níjanʔa, syɛɛnfeleyi nyúngo na, ní fǎnyi kánma na, koro ga pye mɔ í da kíle da kɔ́nɔgi, si wɔ́ɔ ra kpúmɔn da cáan, koro ga pye mɔ í da di kúu, si wɔ́ɔ ra di kálagi da kwóo, koro ga pye mɔ í da faanri, si wɔ́ɔ ra cɔ́rɔ.»

Zyeremii 31:28

Amɛɛ mii da yɛʔɛ̀ wáa be ma n be kíle n kɔ́nɔgi, n be kpúmɔn n cáan, n be kálagi, n be kpóo, n kapeʔe taʔa be na lè, kánmi bee na mii a yɛʔɛ̀ wáa be ma bi be faan, bi be cɔ́rɔ,» Yawe wi jo nya.

Zyeremii 33:6

Wéle, mii a gi yaʔa gi cólogo foro, mii a gi pɔʔɔ, mii a yɛɛ̀nyinge, ní ŋɔ́ndaala saʔa kaan gi ma.

Zyeremii 45:4

Mɔ a wi pye, ‹Yawe wi syɛ́ɛnri naa joo níì jo: Wéle, ncan gee mii faan lè, mii a gi kálagi, gee mii cɔ́rɔ lè, mii a gi kɔ́n. Gee bee n jo tári naa myɛw.

Ezekyɛli 13:14

Mii a tǒw kpúmɔn cáan, wee yele pɔ̀li ní poofiiw ní lè, mii a wi ŋɔrigɔ cáan tári na, wi kàpɔɔnbèle a yiri kàfugi na. Pe a too, yele a kùu pe níngi ni, yele a gi cán bi cán mii wi nyɛ Yawe.

Agizye 1:2

«Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: ‹Syɛ́ɛnbèle naa i gi nyuu níì jo: Lǎli ga kɔ́ɔ̀ nan í, lee ni Yawe kpáagi yɛlɛ bi ní lúru faan lè í.› »

Agizye 1:4

«Lǎli naa ni lé yele yɛlɛ bi tɛ́ɛn yele kpáayi ni, yee yele sámaga n fère lè, á kpáagi naa si i nyɛ gurubɛʔɛ?»

Zakarii 1:12

Lǎli bee ni, a Yawe nyɛ̀ʔɛni tunduɔn syɛ́ɛnri láa n gi joo níì jo: «Ee Yawe, mɔ wi lè Nyɛ̀ʔɛni Sùlasiibéle Kafɔlɔ, làla jòorí mɔ a pye nyinimɛ fun Zyerusalɛmi, ní Zyuda kěyi kéele na, yoro yee kurugo mɔ fúngi tanʔa lè gbanʔama nlaa yaà yɛ̀ʔɛlɛ togoye taanri ní kpɔrigɔ fúngo ni?»

Làlwaw Kaanziin 32:39

Koro na tɔ́ɔliw ni ye wéle, mii wi nyɛ Kolocɔlɔɔ, mii nibin pée, kolocɔlɔwaa nikwɔɔ ní o beè n fàra mii na í. Mii wi kpóoli kpéʔele, ní wɔ́ɔ i sìíw kaangi. Mii wi kpàlili kpéʔele, ní wɔ́ɔ i pɔʔɔli kpéʔele. Syɔɔn faala a gbǎn yarigaa yirige mii kɔ́gi ni í.

1 Samyɛli 2:25

Syɔɔn ga kapeele pye wi syɛɛnnyɛnnɛ na, Kolocɔlɔɔ wi a wee bee kútii ceri. Syɔɔn si ga kapeele pye Yawe na, wìí wi a kùsulugi kpéʔele wi kéeli na?» Kàjáa pe ga be tóow jóomɔ lóʔo í. Níì cán Yawe maa ni caa bi be kpóo wii.

1 Samyɛli 2:6

Yawe i syɔɔn kúu ní wɔ́ɔ i sìíw kaangi syɔɔn ma. Wi i syɔɔn légi kúbèle tɛɛkòrogo ni ní wɔ́ɔ i syɔɔn yirigi gi ni.