Syɛɛnjóow 3:2 - Cebaara Bible 2010

² Làlaa i nyɛ seeli wólo, làlaa si i nyɛ kùúw wólo. Làlaa i nyɛ bi yariga cɔ́rɔ, làlaa si i nyɛ bi yacɔ́rɔgi kɔ́n.

Syɛɛnjóow 3:2 Iomraidhean Croise

Sélimɛ 17:21

Gee si gi mii joogaanni kéele kwɔ́ɔ lè, Izaaki ní mii a li sogi, woro wee Sara a see mɔ ma lè yɛɛláa níbeena nyɔʔɔmɔ na.»

Sélimɛ 47:29

Lǎli ni Isirayɛli sìíw canya nan bi kwɔ́ɔ lè, a wi wi jáaw Zyozɛfu yeri ní baa wi pye: «Kapye mii kéeli n kpɔ́ʔɔ mɔ ma, mɔ kɔ́gi le mii céekpɔɔli láara ni, mí kacànna ní kasinnɛ kpéʔele mii ma, mɔ a kɔ́ mii tɔ́n Ezyipiti ni í.

1 Fànʔafɔbèle 13:2

A wi yákpoli wáa sáriga-wòlo-yafaangi kánma na n yɛlɛ ní Yawe syɛ́ɛnri ní, níì jo: «Sáriga-wòlo-yafanʔa! Sáriga-wòlo-yafanʔa! Yawe wi syɛ́ɛnri naa joo níì jo: ‹Wéle pe a nànbile see Davidi kpáagi ni, li mɛ́ɛgi a pye Zyozyasi. Sáriga-wòlo-tɛ́ɛyi sáriga-wòlobēle be nùndaanni yárira sórogi mɔ na lè, wi a ba bele bee wòlo sáriga mɔ na. Pe a syɛ̀ɛnnɛ kaceleye sórigo mɔ na.› »

2 Fànʔafɔbèle 4:16

A Elize wi pye: «Yɛɛláa níbeena nyɔʔɔmɔ na mɔ a pyà cò kɔ́yi ni.» A wi jo: «Eʔê! Ni kàfɔlɔ, mɔ wi lè Kolocɔlɔɔ syɔ́ɔn, mɔ a kɔ́ mɔ falipyecew fáana í.»

Zyɔbi 14:14

Syɔɔn ga kùu, wi a ní gbǎn yìri lé bi pye sìi na? Mii a dée kòro sigeli na mii fáliw canya myɛ ni, fwɔɔ bi taa pe mii kàriga kavɔn.

Zyɔbi 14:5

Amɛɛ mɔ wi siiw canya nyɔ́ɔ tímana n kwɔ́ɔ lè, ní wi yéyi nyɔ́ɔ kánma, ní àmɛɛ mɔ tɛɛ̀laʔali kúun n kwɔ́ɔ, lee li lè wi a gbǎn li kána í,

Zyɔbi 7:1

«Bi syɔɔn yaʔa naa tári na, sùlasiifali na ban wi nyɛ ì? Wi cányi o nyɛ àmɛɛ sàra-na-falipyeo wóyo nyɛ lè ì?

Ŋúnuyi 113:9

Wi i cenaa-sìnzeeo télegi kpaʔa ni bi wi pye àmɛɛ pìibēle nɔ́ɔ nyɛ lè wi lè fundaanra na. Aleluya!

Ŋúnuyi 52:5

Kapeegi ki mɔ dɛ́nɛ n sɔ̀lɔ kacǎngi na, jànvaaw wi mɔ dɛ́nɛ n sɔ̀lɔ syɛɛnsinri joolo na. Ŋɔ́ndaala

Kàseegèle 24:27

Mɔ kafugi fáli kéele cɔɔnri, wi sámaga mi nyɔɔ mɔ ségi ni, koro kàdoʔo ma mí náa mi mɔ kpáagi faan.

Ezayi 28:24

Syɔ́ɔnwee wi fála lè bi lùguro lùgu, fálali yagana lé wi kòro ni kpéʔele? Wi tári lé wi yabala ni di kàboloyi jee ni tímana yagana?

Ezayi 38:1

Cányi bee ni a Ezekyasi yaaguumi too wi na. Kanyaajoow Ezayi, wi lè Amɔsi jáaw, a woro pan wi ma n baa wi pye: «Yawe n jo: ‹Ki n yɛlɛ mɔ í mɔ kpáagi kèlē cɔɔnri lǎli naa ni. Níì cán mɔ a tɔ̀nɔ́ kùu, mɔ a ní kòro sìi na í.› »

Ezayi 38:5

«Da syée mi sa gi joo Ezekyasi ma mí wi pye: ‹Yawe wi lè mɔ tóolɛɛgi Davidi Kolocɔlɔw, wi n jo: Mii n mɔ nyɛ́ɛrigi lóʔo, mii n mɔ nyatinmi nyaa. Mii a yɛ̀ʔɛlɛ kɛɛ ní kagunɔ taʔa mɔ cányi na.

Ezayi 54:1

«Mɔ cenaa-sìnzeeo, mɔ wee wi lè mɔ ga pìibēle see í, da fundaanra yákpolo wáa, da fundaanra yákpolo wáa, maa muguri, mɔ wee wi lè wi ga pyà see dulunyanw ni í. Níì cán céwee be yaʔa lè, woro pìíbèle a ba nɛʔɛ bi sɔ̀lɔ wee wòolo na, wee má nàɔn nyɛ lè,» Yawe wi jo nya.

Zyeremii 1:10

Wéle, mii n mɔ télege níjanʔa, syɛɛnfeleyi nyúngo na, ní fǎnyi kánma na, koro ga pye mɔ í da kíle da kɔ́nɔgi, si wɔ́ɔ ra kpúmɔn da cáan, koro ga pye mɔ í da di kúu, si wɔ́ɔ ra di kálagi da kwóo, koro ga pye mɔ í da faanri, si wɔ́ɔ ra cɔ́rɔ.»

Zyeremii 45:4

Mɔ a wi pye, ‹Yawe wi syɛ́ɛnri naa joo níì jo: Wéle, ncan gee mii faan lè, mii a gi kálagi, gee mii cɔ́rɔ lè, mii a gi kɔ́n. Gee bee n jo tári naa myɛw.

Matye 13:41

Syɔɔn-pya a ba wi tundunbèle tórigo koro ga pye yariga o yariga gi syɔɔn pùuní lè be sa gee bee ní kakolobyebèle myɛ kpóʔoro bi yirige woro fǎngi ni,

Matye 15:13

A wi be yari: «Tiige o tiige gi nyɛ lè mii Tóow ga gi cɔ́rɔ í, wi lè nyɛ̀ʔɛni na, pe a gi kɔ́n wáa.

Luki 1:13

A nyɛ̀ʔɛni tunduɔn wi pye: «Zakarii, mɔ a kɔ́ ra fɛ̀ɛgí í. Níì cán Kolocɔlɔɔ n mɔ nyɛ́ɛrigi lóʔo. Mɔ céw Elizabɛti a pyà see mɔ ma nàɔn, mɔ a ra wi mɛ́ɛgi yiri Zyan.

Luki 1:20

Amɛɛ si gi nyɛ lè mɔ ga tága mii syɛ́ɛnri na í, dee ti a ba foro lè di làrivoroli ni, gee bee na mɔ a kàri boboo. Mɔ a ní gbǎn joo í, fwɔɔ bi taa gee bee cângbeʔelege í ba nan.»

Luki 1:36

Mi wɔ́ɔ mi gee naa wéle, mɔ senyɛnw be yiri lè Elizabɛti, fícɛnnɛ i yaà wi na wi ní wi lɛɛgwɔɔri myɛ ní, woro wee pe da ni yiri lè cenaa-sìnzeeo, yégi naa gi nyɛ kɔrɔni wógi àmɛɛ fícɛnni nyɛ lè wi na. Nàɔn si wi a ba see.

Zyan 16:21

Fícɛnnɛ ga ni cɔlɔɔ yáa lǎlee ni lè, wi yɛ́ɛgi n tanʔa wi na, níì cán wi làrizeeli n nan. Wi si ga pìíw see n kwɔ́ɔ lǎlee ni lè, àmɛɛ wi syɛɛnfɔ́ɔn taa dulunyanw ni lè, wi n fɛ̀ʔɛ wi wɔʔɔli na fundaanri bee báriga ni.

Zyan 7:30

Lǎli bee ni a be i sɔ̀ngí bi wi cò, koro ní ki myɛ ní syɔɔn faala ga kɔlɔ̀ taʔa wi na í, níì cán wi lǎli da kɔ́ɔ̀ nan í.

Kapyegèle 7:17

Nyɔ́ɔgi Kolocɔlɔɔ da fàli Abirahami ma lè, àmɛɛ gi làrivoroli ba ni nùuní lè, a wolo syɛ́ɛnbèle tɔ̀nɔ i nɛʔɛgi gbanʔama Ezyipiti ni.

Kapyegèle 7:20

Lǎli bee ni be Mowizi see, a Kolocɔlɔɔ tɔ̀nɔ n wi nyaa pìicàɔn. A be i wi gbóo wi tóow kpaʔa ni n baa taa yeye taanri.

Galasi ye 4:4

Kàjáa àmɛɛ lǎli baa foro lè, a Kolocɔlɔɔ wi Jáaw tórigo, a cɔlɔɔ baa wi see, wi n see Mowizi làlwaw làla ni,

Làlwaw Kaanziin 34:5

Mowizi wi lè Yawe falipyew, a wi kùu yaà beè Mowabi tári ni n yɛlɛ ní gi ní àmɛɛ Yawe da gi joo n gbàn lè.

Heburubèle 9:27

Amɛɛ gi kɔ̀rirɔ n tímana lè syɔɔn o syɔɔn ma wi kùu tɔlɔgɔ nibin, kútiiw si náa ba joo,

1 Samyɛli 2:5

Bele pe da lìi n tín lè, poro n jée fali ni ni lìile caa. Bele si na kateegi da pye lè, á poro ŋɔ́n n daa. Alí cenaa-sìnzeew n see n taa kɔrɔsiin. Céwee si wi da nànbiinɛʔɛri see lè, á woro fána.