Syɛɛnjóow 2:3 - Cebaara Bible 2010

³ Mii maa ni caa bi pye fundaanra na dùvɛɛnw gbaala báriga ni, si mii fúngi yaʔa gi kòro sícilimi na, si niyɛɛ bwɔɔ labalami na, fwɔɔ bi taa mii í gi nyaa kapye ki n nyɔɔ syɔɔn ye ma paa gi kpéʔele kánmi bee na cángi láara ni be sìíw canya nyɔ́ɔ ni.

Syɛɛnjóow 2:3 Iomraidhean Croise

Sélimɛ 47:9

A Zyakɔbi Faraɔnw yari: «Mii sìíw yɛ̀ʔɛlɛ nyɔ́ɔ i nyɛ togoye kɔrɔni ní kpɔrigɔ n mii yaʔa tɛ́ɛn-mí-màʔaw na. Mii sìíw yɛ̀ʔɛlɛ ga nɛʔɛ í, ke si n tɔ̀nɔ n pye wɔʔɔgɔ yɛ́ɛgéle mii ma. Ke ga nɛʔɛ n mii tóolɛɛbèle wòʔolo kwɔ́ɔ í, poro bele pe da wɔ́ɔ ni tɛ̀ɛ́n ni máari lè.»

Zyɔbi 14:14

Syɔɔn ga kùu, wi a ní gbǎn yìri lé bi pye sìi na? Mii a dée kòro sigeli na mii fáliw canya myɛ ni, fwɔɔ bi taa pe mii kàriga kavɔn.

Ŋúnuyi 104:15

ní dùvɛɛnw, wee wi fundaanra kaangi syɔɔn ma lè, n fàra sǐnmi na, bee bi wi yɛ́ɛgi yaʔa ki i daragi lè, ní yaliiri, dee di syɔɔn zɔnw télegi lè.

Kàseegèle 20:1

Dùvɛɛnw i nyɛ nɛ̀ɛnyɛnɛgɛfɔlɔ, singbǎnmi i nyɛ kàfulonɛʔɛgɛ. Wee wi ga pùuni n jée bi ni lè wi a pye sícilio í.

Syɛɛnjóow 1:17

Mii n gi tama mii fúngi ni bi sícilimi cán si wɔ́ɔ labalami ní cúromi cán. A mii gi cán gee bee wɔ́ɔ i nyɛ bi taʔa káfalaga na da nɛnɛ.

Syɛɛnjóow 10:19

Lìile i kpéʔele fundaanra pyele kéele na, dùvɛɛnw si i fundaanra kaangi sìíw ma, wáliw si i kérigèle myɛ cɔɔnri.

Syɛɛnjóow 12:13

Wo syɛ́ɛnri myɛ kwɔ́ɔmɔ lóʔo, poro bi nyɛ: Da fɛ̀ɛgí Kolocɔlɔɔ na, mí wi kajoodɛɛngèle sámaga mi cò. Koro gi nyɛ syɔɔn myɛw.

Syɛɛnjóow 2:24

Syɔɔn í lìi si gbaa si fundaanra pye wi fáliw kéele na, yarigaa ga pɔ́rɔ wi ma n sɔ̀lɔ gee bee na í. Mii si wɔ́ɔ i koro wéle n jo ki n yìri Kolocɔlɔɔ kɔ́gi ma.

Syɛɛnjóow 5:18

A gi wɔ́ɔ i nyɛ syɔ́ɔnwee ma Kolocɔlɔɔ lɔ́ri ní kɔlɔ̀ yáriri saʔa kaan lè, ní wɔ́ɔ̀ di lìíli fànʔa kaan wi ma a wi i wi lɛɛli taagi di ni, ní wɔ́ɔ i fundaanra kpéʔele wi fáliw nínge ni, koro i nyɛ Kolocɔlɔɔ yakanʔa.

Syɛɛnjóow 6:12

Koro na wìí wi gi cán gee gi nyɔɔ syɔɔn ma wi sìíw ni lè, wi gbanzan sìíw canya nyɔ́ɔ ni, yoro yee yi sɔ̀lɔ́ àmɛɛ kànyinnɛ nyɛ lè? Wìí wi a gi tɛ̀ɛn syɔɔn na, gee ki a ba pye naa wi kàdoʔo ma lè tári na?

Syɛɛnjóow 7:18

Ki n nyɔɔ mɔ í lálii kérigèle bee siin pínɛ cò, mɔ a kɔ́ ge yaʔa ge syɔɔ mɔ na í. Níì cán wee wi fɛ̀ɛgí Kolocɔlɔɔ na lè, wi i tɛɛyirile taagi kérigèle bee myɛ ni.

Syɛɛnjóow 7:25

A mii mii fúngi myɛ yaʔa sɛʔɛweleli, ní kérigèle caala na, ni caa bi gi cán gee gi nyɛ lè sícilimi, ní gee gi nyɛ lè kérigèle nyúngo bi gi cán péemi i nyɛ labalama, nidolimi si i nyɛ cúromɔ.

Syɛɛnjóow 8:15

Koro na mii fundaanri sòoló, níì cán fundaanraa ga sɔ̀lɔ syɔɔn ma tári na kérigèle naa na í, koro gi nyɛ bàā líi sáā gbo, sáā fundaanra kpéʔele. Koro gi yɛlɛ bi kòro wi ma wi fáliw ni, sìíw canya ni, yee Kolocɔlɔɔ kaan wi ma lè tári na.

Matye 6:24

«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.

Efɛzi ye 5:18

Ki ga yɛlɛ yele í da dùvɛɛnw gbo waa yele yɛ́ɛyi wóo í, ncan kanɔnʔɔri i taagi wi ni. Kàjáa ki n yɛlɛ Pìicǎnni í yele fúnyi nyìn.

Jàbɔbèle 9:13

A ɛrɛzɛn tírigi si di yari: ‹Mii dùvɛɛnwee wi fundaanra kaangi kolocɔlɔbèle ní syɛ́ɛnbèle ma lè, mii si woro yaʔa lé si kári bi sa ra yaagi tiire nyúngo ni?›

1 Samyɛli 25:36

A Abigayili sáà nan Nabali na n wi nyaa lìigbɔɔlɔ na wi kpáagi ni àmɛɛ fànʔafɔlɔ lìigbɔɔlɔ nyɛ lè. Wi maa pye fundaanra na, níì tɔ̀nɔ n gbaa n tín wi ga yafyɛn joo n tɛ̀ɛn wi na í fwɔɔ n taa a nyǐngi baa tali.