Syɛɛnjóow 1:2 - Cebaara Bible 2010

² Yáriri myɛ i nyɛ gbanzan, ti i nyɛ gbanzan, kacánw wi jo nya, yáriri myɛ i nyɛ gbanzan, ti i nyɛ gbanzan ní kanyɔɔnɔ fun.

Syɛɛnjóow 1:2 Iomraidhean Croise

Zyɔbi 11:12

Kàjáa nyùnbiremɛ fun sícilimɛ bi nyɛ syɔɔn ma, syɔɔn n see àmɛɛ seʔe jofani pya nyɛ lè.

Ŋúnuyi 144:4

Syɔɔn i nyɛ àmɛɛ nyɔɔ káfalaga nyɛ lè, wi sìíw canya i nyɛ àmɛɛ kànyinnɛ nyɛ, lee li sɔ̀lɔ́ lè.

Ŋúnuyi 89:47

Yawe, làlìí ni ki a kwɔ́ɔ? A mɔ a miyɛɛ làriga lé bi kòro nya? Mɔ fundanʔari a kòro lé bàā nyín àmɛɛ naà nyɛ lè?

Syɛɛnjóow 11:10

Fúngi kasɔngurɔ léeli miyɛɛ na, mí kapeegi wàli mi láʔa miyɛɛ céri na, níì cán cárimi ní pìími i nyɛ gbanzan.

Syɛɛnjóow 11:8

Syɔɔn ga yɛɛnɛʔɛgéle taa sìi na, ki n yɛlɛ waa fundaanra kpéʔele ke myɛ ni, wi sɔ̀ngi wi taa gi na wi cán yébilimi canya yi a ba nɛʔɛ. Gee myɛ gi maa lè ki i nyɛ gbanzan.

Syɛɛnjóow 12:8

Ki myɛ i nyɛ gbanzan ní i nyɛ kanyɔɔnɔ fun, Syɛɛnjóow wi jo nya. Ki myɛ i nyɛ gbanzan.

Syɛɛnjóow 2:11

A mii sɔ̀ngi mii kɔ́yi falikpeʔeleo myɛ kéele na, ní fɔ̀rɔgee mii da taa jàngó bi wi foro lè. Wéle, gee bee myɛ maa pye gbanzan, ní bi taʔa káfalaga na da nɛnɛ, tɔ̀nɔ o nyɛ gi ni tári na í.

Syɛɛnjóow 2:15

A mii gi joo niyɛɛ fúngi ni níì jo: Yárigee ki a nilabalaw taa lè, koro ki a wɔ́ɔ nan mii na. Lǎli bee ni nyàʔá mii sícilimi nyɔɔ? A mii níì gi joo niyɛɛ fúngi ni níì jo: Gee bee wɔ́ɔ i nyɛ gbanzan.

Syɛɛnjóow 2:17

Koro na sìíw kéele mii bɛɛn, níì cán mii má, fáliw myɛ syɔɔn kpéʔele lè tári na, wi n pee, ncan ki myɛ i nyɛ gbanzan, ní bi taʔa káfalaga na da nɛnɛ.

Syɛɛnjóow 2:19

Wìí wi gi cán kapye wi a ba pye sícilio wàlá nilabalaɔ? Bi gi taa woro wi a ba pye fáliw myɛ nyúngo na, wee na mii fɔ̀rɔ lè tári na n wi pye ní sícilimɛ ní! Koro wɔ́ɔ i nyɛ gbanzan.

Syɛɛnjóow 2:21

Ncan syɔɔnwaa i yaà wi n fáliw kpéʔele ní sícilimɛ, ní cánna, ní fàndaara ní, wi lɛɛli n si baa kaan wee ma wi lè wi ga fali pye í. Koro ní i nyɛ gbanzan, ní kapeekpɔʔɔ.

Syɛɛnjóow 2:23

Wi sìíw canya myɛ i nyɛ wɔʔɔgɔ yagana, wi fáliw i nyɛ wi ma funjurugoro, àlí yébiligi ni ŋɔ́ndaala o nyɛ wi fúngi ni í. Koro wɔ́ɔ i nyɛ gbanzan.

Syɛɛnjóow 2:26

Syɔ́ɔnwee kéele li Kolocɔlɔɔ dɛ́nɛ lè, wi n sícilimi, ní cánni, ní fundaanri kaan wee bee ma. Kàjáa wi n gi yaʔa kapeebyew í da yáriri kpóʔoro bàā kɔngi, koro ga pye ti ba kaan wee ma wi nyɔɔ Kolocɔlɔɔ nyɛ́nɛ na lè. Koro wɔ́ɔ i nyɛ gbanzan, ní bi taʔa káfalaga na da nɛnɛ.

Syɛɛnjóow 2:8

Mii n wɔ́ɔ̀ wálifiiw ní tɛ́ɛw fàari n kpóʔoro n fàra fànʔafɔbèle lɔ́rɔ, ní tátɛɛyi lɔ́rɔ na. Mii n ŋúnuŋuu-nànbēle ní ŋúnuŋuu-càbala taa n fàra syɔɔn ye yanidaanmagi na, ki lè cenɛʔɛrɛ.

Syɛɛnjóow 3:19

Níì cán gee gi syɔɔn ye taagi lè koro wonijangi gi yaweʔe taagi. Syɔɔn i kúu, a yaweʔe i kúu, ŋɔngari wonijanra di nyɛ be siinw ni, syɔɔn ga kpɔ́ʔɔ n sɔ̀lɔ yaweʔe na í. Níì cán yáriri myɛ i nyɛ gbanzan.

Syɛɛnjóow 4:16

Syɛ́ɛnmi bee myɛ nyúngo na wi da pye lè, pi nyɔ́ɔgi da pye bi gbǎn cán í. Koro ní ki myɛ ní bele be maa lè kàdoʔo ma, bele bee a ba ra fundaanra kpéʔele wi kéeli na í. Koro wɔ́ɔ ní i nyɛ gbanzan, ní bi taʔa káfalaga na da nɛnɛ.

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

Syɛɛnjóow 4:8

Wéle, syɔɔnwaa i nyɛ wi nibin, wàa o wi siin wóo í, nànbile wàlá senyɛnnɛ o nyɛ wi ma í, láʔala si o nyɛ wi fáliw na í, àlí wi nyapiigèle o tíngi lɔ́ri na nyáana í. Wi si o wiyɛɛ yíbe í bi jo: Wìí ma mii báara, níì mii pǐli kún fundaanri na? Koro wɔ́ɔ i nyɛ gbanzan, ní kapeʔe.

Syɛɛnjóow 5:10

Kɔlɔ̀ yáriri ga ni nɛʔɛgi ti lìifɔbèle n wɔ́ɔ ni nɛʔɛgi. Nyàʔá gi nyɛ di taafɔw tɔ̀nɔ, kapye bàā di nyaagi yagana ní wi nyapiigèle ní ban í?

Syɛɛnjóow 6:11

Syɛɛnnɛʔɛri ga pye yaà, gbanzan kérigèle n wɔ́ɔ̀ nɛʔɛ yaà, nyàʔá syɔɔn a taa gee bee ni?

Wɔrɔmi ye 8:20

Yasamagari myɛ i nyɛ wodɛʔɛrɛ ní kanyɔɔnɔ fun fangi láara ni, ti nyɛnɛ kéele si ban í, ti tɛ́ʔɛfɔw nyɛ́nɛ kéele lii, koro ní ki myɛ ní sɔ̀ngumɔ tɛɛtaʔaga i yaà,