Sofonii 3:8 - Cebaara Bible 2010

⁸ Koro na ye mii sige, cángee na mii a yìri lè bi pye séerafɔlɔ,» Yawe wi jo nya, «níì cán mii n gi kɔ̀rirɔ n tímana bi syɛɛnfeleyi pínɛ yiyɛɛ ni, bi fǎnyi kpóʔoro yi pan mii ma, bi mii fundanʔagbɔɔri yàli yi na, mii fundanʔari gbànma myɛw. Níì cán mii yejaagi náa a tári myɛ sórigo.

Sofonii 3:8 Iomraidhean Croise

Ŋúnuyi 12:5

poro bele be gi nyuu lè níì jo: «Wolo i fànʔa taagi wolo nyíngèle báriga ni, wolo nyɔɔwari i nyɛ wolo wóro, wìí syɔ́ɔn wi a ní pye wolo kàfɔw?»

Ŋúnuyi 123:2

Amɛɛ pulonànbēle be kàfɔw kɔ́lɔ wéle lè, ní àmɛɛ falipyecaà wi kàfɔjew kɔ́lɔ wéle lè, kánmi bee na wolo wɔ́ɔ i Yawe wolo Kolocɔlɔw wéle, fwɔɔ bi taa wi ba nyinimɛ taa wolo na.

Ŋúnuyi 27:14

Da wéle Yawe ma! Nìrimɛ le, mí zɔ̀nnirio taa! Da wéle Yawe ma!

Ŋúnuyi 37:34

Ki n yɛlɛ maa Yawe sige, mí wi kólogi sámaga mi cò. Wi a mɔ kpɔ́ʔɔ si mɔ yaʔa mɔ í tári fáliga taa, mɔ si a syɛɛnpeebèle kálagitɔɔ nyaa.

Ŋúnuyi 37:7

Ki n yɛlɛ mi fúngi nyíngi Yawe yɛ́ʔɛ ma, máā wi sige ní kpàracogo ní. Syɔ́ɔnwee kèlē ge nyɔɔgi lè, mɔ a kɔ́ mɔ fúngi yaʔa kaa taanri wee bee kéele na í, wàlá bàā taanri wee kéele na wi kanbeemi tímana pí i forogi lè í.

Ŋúnuyi 62:1

Ŋúnuŋùúbèle kùndigi wóʔo. N yɛlɛ ní Yedutun ŋùuganmi ní. Davidi ŋúnugi.

Ŋúnuyi 62:5

Pe i peyɛɛ nyaagi ni nyuu koro ga pye poro í wi yìrige wi kpɔ́ɔmi tɛ́ʔɛ ni bi cáan, jànvaaw n be dɛ́nɛ. Pe nyɔ́ɔyi i dùbaw kpéʔele, pe si i dángaw nyuu be fúnyi ni. Ŋɔ́ndaala

Ŋúnuyi 79:5

Làlìí ni mɔ fundanʔari a kwɔ́ɔ, ee Yawe? Mɔ a kòro lé fundanʔari na bàā syée nya làla o làla? Mɔ káyaagi si wɔ́ɔ kòro lé bàā nyín àmɛɛ naà nyɛ lè?

Ŋúnuyi 79:6

Mɔ fundanʔari cáan syɛɛnfeleyi na yi lè yi ga mɔ cán í, ní fǎnyee na, yi lè yi o mɔ mɛ́ɛgi yeri í!

Kàseegèle 20:22

Mɔ a kɔ́ gi joo í si jo: «Mii a kapeeli fwɔ́ɔlɔ tɔ́n.» Miyɛɛ daʔa Yawe na, wi a mɔ syɔɔ.

Ŋúnudaangi 8:6

Mii kéeli taʔa mɔ zɔnw na àmɛɛ be fɛ̀ɛ taari lè. Amɛɛ fɛ̀ɛ nyɛ lè mɔ kɔ́gi na. Níì cán tàmagi fànʔa n nɛʔɛ àmɛɛ kùúw nyɛ lè, yejaagi n gbàn àmɛɛ kúbèle tɛɛkòrogo nyɛ lè. Ki naanyǐngi i nyɛ àmɛɛ naagbanga wóʔo nyɛ lè. Ki i tuun àmɛɛ nyɛ̀ʔɛzalila nyɛ lè.

Ezayi 14:26

Gee gi kɔ̀rirɔ n tímana tári myɛ kánma na lè koro gi gee bee, kɔ́gi gi gee wozánʔaga ní syɛɛnfeleyi myɛ kánma na.

Ezayi 30:18

Koro ní ki myɛ ní, Yawe i sigi koro ga pye bi kacànna pye yele na, kánmi bee na wi a yìri koro ga pye bi nyinimɛ taa yele na. Níì cán Yawe i nyɛ Kolocɔlɔɔ, wee wi sín lè, bele myɛ be peyɛɛ daʔa wi na lè, pe i nyɛ dùba pìibēle!

Ezayi 34:2

Níì cán Yawe fúngi n tanʔa gbanʔama tátɛɛyi syɛɛnfeleye myɛ kurugo, wi fúngi n yìri gbanʔama pe kapɛɛnkpumɔnbèle myɛ kurugo. Wi a be kálagi bi yirige yaà péw. Wi n be kaan kpóogbɔɔli ma.

Ezayi 63:6

Mii n syɛɛnfeleye tánʔana n mii yaʔa mii fundanʔari ni, mii n yi kaan a yi yɛ́ɛyi i wóo mii fundanʔagbɔɔri na, níì yi sìsyaanw wo tári na.»

Zyeremii 10:25

Mɔ fundanʔagbɔɔri yàli tári syɛɛnfeleye na, yee yi lè yi ga mɔ cán í, ní syɛ́ɛnbèle na, bele be lè pe o mɔ mɛ́ɛgi yiri í! Níì cán pe i Zyakɔbi káa, pe i wi káa, pe i wi kálagi bi kwɔ́ɔ, pe i wi tɛɛkòrogi kàragí tɛɛ̀kalagiga.

Oze sɛ́bɛw 12:6

Yawe wi nyɛ Kolocɔlɔɔ wi lè Nyɛ̀ʔɛni Sùlasiibéle Kafɔlɔ. Wi mɛ́ɛgi gi nyɛ Yawe.

Zyowɛli 3:2

Alí cányi bee ni, mii a mii Pǐli yàli mii falipyenǎnbèle, ní mii falipyecebèle na.

Misye 7:7

Mii si na, Yawe má mii wéle, mii n mii sɔ̀ngumi taʔa Kolocɔlɔɔ na, wi lè mii syɔɔli fɔ́lɔ. Mii Kolocɔlɔw a lóʔo mii ma.

Habakuki 2:3

Níì cán làla n tɛ́ʔɛ yanyaagi bee forolo kéele na, ki i gi làrivoroli yèʔerí, ki a jànvaa pye í. Alí ki ga mɔn da gi sigi, níì cán ki a tɔ̀nɔ́ foro ki a tée ba fàli í.

Sofonii 1:18

Pe wálifiiw yoo, pe tɛ́ɛw yoo, toro a gbǎn ba be syɔɔ Yawe fundanʔagbɔɔri canʔa na í. Wi yejaagi náa a tápow sórigo, ki a tɔ̀nɔ́ pye fyáakpɔɔrɔ àmɛɛ wi a tári syɛ̀ɛnnɛ myɛ kálagi kwɔ́ɔ lè.»

Agizye 2:22

Mii a fǎnyi fàngorigēle wáa cíbele, mii a syɛɛnfeleyi fànya fànʔa kálagi, mii a kapɛɛnkpumɔn-wòtorobèle wáa cíbele ní be jéefɔbèle ní, syɔ́ɔnyi ní yi fànvɔbèle a kpúmɔn cáan, pe myɛ nibin nibin a kùu taa be senyɛnbèle ŋɔséebéle báriga ni.»

Matye 25:32

Syɛɛnfeleyi myɛ a yiyɛɛ gbóʔoro wi yɛʔɛ̀ ma. Wi si a be wàli peyɛɛ na àmɛɛ bànaʔaɔ gáà bǎbèle wàli lè sikebèle na.

2 Pyɛri 3:10

Kàfɔw canʔa i maa àmɛɛ kàyuuo nyɛ lè. Cángi bee na nyɛ̀ʔɛgèle a ba kwɔ́ɔ ní tìngbɔɔmɔ ní, naakpɔʔɔ si cò dulunyanw yárira na bi di nyan, tári ní ti fúngi yárira si wɔ́ɔ sógi bi kwɔ́ɔ mɛnɛ mɛnɛ.

Tɛ̀ɛnnɛ 16:1

A mii yákpogbɔɔlɔ lóʔo kpɔ̀ʔɔrɔli kpaʔa ni, a li nyɛ̀ʔɛni tundunbéle kɔrɔsiin pye: «Yaa syée ye sa Kolocɔlɔɔ fundanʔari yalegéle kɔrɔsiin sòʔo ye wo tári na!»

Tɛ̀ɛnnɛ 16:14

Màdebèle bee i nyɛ pìigēle, gele ge bìngaari kèlē kpéʔele lè, ke i syée sa dulunyanw fànʔafɔɔlɔ myɛ kpóʔoro pe sa kapɛɛnni kpúmɔn Séew Myɛ Kolocɔlɔɔ cângbɔɔgi canʔa na.