Sofonii 3:7 - Cebaara Bible 2010

⁷ Mii maa ni gi nyuu níì jo: Mɔ mi tɛ́nɛ maa fɛ̀ɛgí mii na, mí fɔ̀lɔ kpúmɔn-mí-kàrigali na! Kánmi bee na kérigèle myɛ mii tɛ́ʔɛ n wi sàmi lè, mii màko a dée pye bi wi kálagi í. Kàjáa a be sèʔê tɔlɔyɔ wári be kálagimi kapyere kurugo.

Sofonii 3:7 Iomraidhean Croise

Sélimɛ 6:12

A Kolocɔlɔɔ tári wéle n gi nyaa ti n tɔ̀nɔ n kálagi. Níì cán syɛ́ɛnbèle myɛ nàʔama maa pee tári na.

2 Cányi kèlē 33:11

Lǎli bee ni a Yawe Asirii fànʔafɔw kapɛɛnkpumɔn-kùndigibéle yaʔa a be pan be kánmi na. A pe baa Manase cò n cɔ̀ʔɔlɔyɔ le wi na, níì kanyɛɛnrɛ nyɔ̀ʔɔmɔ tɛ́ʔɛ n wi pwɔɔ n kári Babilɔni ma.

Zyɔbi 36:10

Wi i be líiweegèle múru jàngó paa sàmini lúro, níì be pye pe be sìnzinmi yaʔa.

Ŋúnuyi 32:8

Mii a mɔ tama si kólogi tɛ̀ɛn mɔ na, gee mɔ yɛlɛ bi láa lè. Mii a ra mɔ yaragi, mii nyɛ́nɛ si pye mɔ na.

Kàseegèle 19:20

Ki n yɛlɛ mi lálii syɛ́ɛnri lóʔo mí fɔ̀lɔ tamani na, jàngó ki kàdogi í ba pye mɔ í pye sícilio.

Ezayi 5:4

Nyàʔá ki da yɛlɛ mii í ní kpéʔele mii ɛrɛzɛn ségi ma, mii si ga gi kpéʔele gi ma í? Mii sɔ̀ngumi maa pye ɛrɛzɛncàɔn na gi ma, nyàʔá na si gi yasanbeere san?

Ezayi 63:8

Wi maa jo: «Kányɛʔɛ na, pe i nyɛ mii syɛ̀ɛnnɛ, pe i nyɛ jaafɔɔlɔ, bele be lè pe o syɔɔn jànváa í!» Wi maa pye be ma syɔɔfɔlɔ.

Zyeremii 17:23

Kàjáa pe ga lóʔo í, pe ga líiyi cáan í, fwɔɔ a pe be nyùngbaabèle kpee, jàngó poro a kɔ́ lóʔo si fɔ̀lɔ tamani na í.

Zyeremii 25:5

Pe maa ni gi nyuu níì jo: «Ye myɛ nibin nibin n yɛlɛ bi láʔa yele kóbeeyi na, ní yele nàʔabeemi na, yele si kòro tári ni, dee Yawe kaan yele ma, ní yele tóolɛɛbèle ma lè, di kòro yele wóro làla o làla kwɔ́ɔmɔ fun.

Zyeremii 36:3

Dɔ̀ʔɔ́ Zyuda kpáagi wòolo ga kapeeyi myɛ kéele lóʔo, yee mii tímana bi kpéʔele be na lè, pe myɛ nibin nibin a be kobeeyi yaʔa si lúru pan. Lǎli bee ni mii a be kolomi, ní be kapeegèle kùsulugo syɔɔ.»

Zyeremii 38:17

Lǎli bee ni a Zyeremii Sedesyasi pye: «Yawe wi lè Nyɛ̀ʔɛni Sùlasiibéle Kafɔlɔ, wi lè Kolocɔlɔɔ, Isirayɛli Kolocɔlɔw, woro wi syɛ́ɛnri naa joo níì jo: ‹Mɔ ga yiri n sáà miyɛɛ gaan Babilɔni fànʔafɔw syɛɛnkpolobéle ma, mɔ a mɔ siiw syɔɔ. Náagi si a kěgi naa sórigo í, mɔ ní mɔ kpáagi wòolo a kòro sìi na.

Zyeremii 6:8

Zyerusalɛmi, ki n yɛlɛ mi fɔ̀lɔ tamani na, koro ga pye mii a kɔ́ láʔa mɔ na í, si mɔ kàriga fìimɛ tára, mɔ í pye syɔɔn fun í.»

Zyeremii 7:7

lǎli bee ni mii a yele yaʔa yele í kòro tɛ́ɛgi naa ni, tári ni, dee mii kaan yele tóolɛɛbèle ma lè di pye be worò làla o làla kwɔ́ɔmɔ fun.

Zyeremii 8:6

Mii n mii líiyi cáan, ní i lúro, pe o nyuu àmɛɛ gi yɛlɛ bi pye lè í. Wàa faala o kàdoʔo wáa wi peemɛ ma í, pe o gi nyuu si jo: Nyàʔá mii pye í? Pe myɛ n taʔa n fala be kàfyaali kurugo àmɛɛ syɔnʔɔ fùurí ni jǐn kapɛɛnnɛ ni lè.

Oze sɛ́bɛw 9:9

Pe n jée n cùru kálagimi ni, mɔ a jo àmɛɛ gi pye lè Gibeya cányi na. Yawe a sɔ̀ngí taa be kolomi na, wi a keele tɛ́ʔɛ be na kapeegèle kéele na.

Sofonii 3:2

Ki o joomɔ faala lúro í, ki o fɔ̀lɔ́ kpúmɔn-mí-kàrigala na í, ki o kiyɛɛ daari Yawe na í, ki o nùuní gi Kolocɔlɔw na í.

Làlwaw Kaanziin 4:16

jàngó yele a kɔ́ yatanga sámaga yaʔa yeyɛɛ ma bi yeyɛɛ gálagi í, gee ki a pye lè yarigaa niwirige í, nàɔn wàlá cɔlɔɔ niwirige í.

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.