Sofonii 3:6 - Cebaara Bible 2010

⁶ «Mii n syɛɛnfeleye kwɔ́ɔ n yirige yaà. Mii n be jɛ̀ɛ́ngèle kpaataʔa-tɔ́nɔyɔ kálagi yi lè be fǎngi. Mii n be kàlari-kóloyi kálagi, syɛ̀ɛnnɛ ni o sɔ̀lɔ́ yaà í! Pe kěyi n jaa, syɛ̀ɛnnɛ ní o yaà í, tɛ́ɛnfɔɔlɔ ní o yaà í!

Sofonii 3:6 Iomraidhean Croise

Ezayi 14:26

Gee gi kɔ̀rirɔ n tímana tári myɛ kánma na lè koro gi gee bee, kɔ́gi gi gee wozánʔaga ní syɛɛnfeleyi myɛ kánma na.

Ezayi 37:36

A Yawe nyɛ̀ʔɛni tunduɔn yiri n baa kpúmɔn n kpóo Asirii ye tɛɛkòrogi ni nànbēle sirakamayɛ kpanjɛrɛ ní selebingéle siin ní saala kagunɔ. A bele ga yìri nyǐngi nyɔ́ɔ na, a be bele myɛ nyaa kúbéle.

Ezayi 6:11

A mii jo: «Fwɔɔ bi ba nan làlìí na Kàfɔw?» A wi mii yari: «Fwɔɔ bi taa kěyi í ba kálagi bi pye syɛɛnnɛ fun, kpáayi í pye syɛ̀ɛnnɛ fun, tári í kálagi péw.

Zyeremii 9:12

Yawe n jo: «Koro n taa àmɛɛ pe mii làlwaw cée lè, woro wee mii da tɛ́ʔɛ pe yɛʔɛ̀ ma lè, koro n wɔ́ɔ̀ taa àmɛɛ gi nyɛ lè pe ga mii jóomi lóʔo í, ní àmɛɛ gi nyɛ lè pe ga tánʔa n yɛlɛ ní mii jóomi ní í.

Levii ye sáriga-wòlori 26:31

Mii a yele kèkpoloyi kàriga kataya. Mii a yele tɛɛcǎnyi kálagi. Mii a ní fɔ̀lɔ́ ra yele nùndaanni yárira núngo syoo í.

Sofonii 2:5

Wɔʔɔli a pye syɛ́ɛnbèle na be nyɛ lè wodɛ́ɛnbéle ní sólomi lɔ̀ʔɔ nyɔ́ɔ na, gee bee n jo Kerɛti ye syɛɛnfelegi na. Kanaan, mɔ wi lè Filisitini ye tári, Yawe syɛ́ɛnri di nyɛ dee mɔ kánmi na: «Mii a mɔ kálagi, syɛ̀ɛnnɛ a ní pye mɔ ni í.»

Zakarii 7:14

«Mii n be cariga syɛɛnfeleyi myɛ nínge ni, yee yi lè pe da yi cán í. A tári kòro tɛɛ̀kalagiga pe kàdoʔo ma, syɔɔn faala da ni sɔ̀lɔ́ yaà wàlá ni maa yaà í, tári bee di pye lè fundaanra wóro, pe n di pye tɛɛ̀kalagiga.»

Matye 23:38

Wéle, yele kpáagi n kòro yele ma wowaʔa ní.

1 Korɛnti ye 10:11

Kérigèle bee myɛ maa kpéʔele be na jàngó bi pye fɛ̀ɛ wolo ma ní wɔ́ɔ̀ sɛ́bɛ bi wolo sàmi, wolo bele na làrizanni nan lè.

1 Korɛnti ye 10:6

Kérigèle bee maa kpéʔele fɛ̀ɛ bi gi tɛ̀ɛn wolo na koro ga pye wolo a kɔ́ ra sɔ̀ngubeeri sɔ̀ngí àmɛɛ di pye poro ni lè í.

Zyozuwe 23:4

Ye wéle, syɛɛnfeleyi bee wozanya yi kòro lè n séli yaà Zyuridɛnw na, ní yee myɛ mii kálagi n kwɔ́ɔ lè péw fwɔɔ n sáà nan Sólomi Lòkpɔʔɔ na canʔatoomɔ ma, mii n yee bee myɛ tára lɛɛ yele na gɔ̌nw wáala báriga ni a di pye yele Isirayɛli ye syɛɛnfeleyi kɔ́rigɔ.