Sofonii 3:5 - Cebaara Bible 2010

⁵ Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Sofonii 3:5 Iomraidhean Croise

Sélimɛ 18:25

Bi syɛɛnsinw pínɛ kpóo ní syɛɛnpeew ní, mɔ a kɔ́ gi pye nya í. Bi syɛɛnsinw ní syɛɛnpeew pínɛ sèjira, mɔ a kɔ́ gee bee pye í. Wee wi nyɛ lè tári myɛ kútiijooo, gee gi sín lè, a wi a gbǎn kòro lé gi sìngbeʔele ni?»

Zyɔbi 34:10

Koro na ye lóʔo mii ma, yele kacánbèle! Péemi n tɔ̀nɔ n léeli Kolocɔlɔɔ na, sìnzinmi n tɔ̀nɔ n léeli Séew Myɛ Kàfɔlɔ na!

Zyɔbi 7:18

Koro ga pye mɔ í da maa bi ba ra wi wéle nyɛ̀ʔɛ nyɔ́ɔ o nyɛ̀ʔɛ nyɔ́ɔ, bàā wi sɛʔɛ da wéle làrigèle myɛ ni?

Zyɔbi 8:3

A Kolocɔlɔɔ i pùuní lé kútiisinw kàbaan na? Ba Séew Myɛ Kàfɔlɔ i pùuní lé sínni kàbaan na?

Ŋúnuyi 145:17

Yawe n sín wi kóloyi myɛ ni, wi i nyɛ funjànga fɔ́lɔ wi kapyegèle myɛ ni.

Ŋúnuyi 37:6

Wi a mɔ sínni tɛ̀ɛn àmɛɛ gbɛ̀ɛ́nmi nyɛ lè, bi mɔ táangi tɛ̀ɛn àmɛɛ cânvulɛɛlɛ nyɛ lè.

Ŋúnuyi 92:15

Alí pe lɛ́ɛri làla ni, pe i sangi, tǔnmi n be nyìn, pe wári n kòro wobirire ní,

Ezayi 12:6

Yaa fundaanra, ní mugurumɔ yákpogéle wáa, yele bele ye nyɛ lè Siyɔn ni! Níì cán Isirayɛli ye Wojanw wi nyɛ yele níngi ni lè, wi n kpɔ́ʔɔ.»

Ezayi 28:19

Lǎlee faala ni ki ga sɔ̀lɔ lè ki a yele cò. Ki a ra sɔ̀lɔ́ nyɛ̀ʔɛ nyɔ́ɔ o nyɛ̀ʔɛ nyɔ́ɔ na, ní cángi, ní yébiligi ni. Ki tǐnmi lóʔolo yagana a pye fyáakpɔɔrɔ.»

Ezayi 33:2

Yawe, nyinimɛ taa wolo na! Mɔ na wolo wo sɔ̀ngumi taʔa, pye be fǎngi nyɛ̀ʔɛ nyɔ́ɔ o nyɛ̀ʔɛ nyɔ́ɔ, bi wɔ́ɔ pye wolo syɔɔli, wɔʔɔgi làla ni!

Ezayi 45:21

Ye yele wóri joo, yé kérigèle tɛ̀ɛn gele ge nyɛ yele ma lè! Alí ye caa pínɛ ye yeyɛɛ nyaa ye joo. Wìí wi da téè gee bee joo yaà gbɛnʔɛnɛ? Wìí wi ge tɛ̀ɛn yaà làridɔɔnnɔ ni? Mii Yawe ban ì? Kolocɔlɔwaa ní o yaà n fàra mii na í, Kolocɔlɔwee wi sín lè, ní i syɔɔn syoo, wi wàa ní o yaà kapye mii ban í.

Ezayi 50:4

Kàfɔw Yawe n pìitamaɔ jooganma kaan mii ma, koro ga pye mii syɛ́ɛnri í gbǎn ra fànʔa kaangi syɛɛnfɔrɔgwɔɔɔ ma. Wi i mii yìrigí nyɛ̀ʔɛ nyɔ́ɔ o nyɛ̀ʔɛ nyɔ́ɔ na, wi i mii líiweeli yìrigí, koro ga pye mii í da lúro àmɛɛ pìitamabèle lúro lè.

Zyeremii 21:12

Davidi kpáagi wòolo! Yawe wi syɛ́ɛnri naa joo níì jo: Yaa kútiiw nyuu ní sínnɛ ní bi séli nyǐngi nyɔ́ɔ na, wee na be fǎngi gbàn lè, ye wi yirige wi wɔʔɔfɔw kɔ́yɔ ni, koro ga pye mii fundanʔari a kɔ́ folo cò àmɛɛ naà nyɛ lè bàā có bi pye syɔɔn a ní gbǎn di fígi í, yele nàʔabeemi kéele na.

Zyeremii 3:3

Koro na zěyi wɔ́ɔ̀ yére, zěseligi ga too í. Nànjaacɔɔ̀ gbáala n pye mɔ na, ki fɛ̀ɛrɛ ga mɔ taa í.

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Zyeremii 8:12

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Kayaagi Nyɛnigɛ 3:23

Ti i kàragí wovɔnrɔ nyɛ̀ʔɛ nyɔ́ɔ o nyɛ̀ʔɛ nyɔ́ɔ. Mɔ kányɛɛgi n tɔ̀nɔ n kpɔ́ʔɔ!

Ezekyɛli 18:25

Yele wɔ́ɔ i gi nyuu níì jo: ‹Kàfɔw kólogo ga nyɔɔ í.› Koro na ye lóʔo Isirayɛli kpáagi wòolo. Mii kólogi lé gi nyɛ ki ga nyɔɔ í? Yele kóloyi ban yi nyɛ yi ga nyɔɔ í ì?

Ezekyɛli 48:35

Ki màʔa-mí-kpàraw tò a pye mɛ́tiribéle selebingéle sicɛrɛ ní saala kagunɔ. Bi séli cángi bee na, kěgi mɛ́ʔɛ a pye: «Yawe i nyɛ nɛɛ naa.»

Oze sɛ́bɛw 14:9

Efirayimi, nyàʔá mii ní i caa ní yasunyo ní? Mii i wi nyɛ́ɛrigi lúro, mii nyɛ́nɛ i nyɛ wi na. Mii a pye wi ma àmɛɛ siipirɛ tiipirige nyɛ lè. Mii má mɔ yasanri yìrigí.»

Oze sɛ́bɛw 6:5

Koro na mii kanyaajoobèle tɛ́ʔɛ n be sála n wo, mii n be kpóo ní mii nyɔ́ɔgi syɛ́ɛnrɛ ní. Mii kútiiw kèlē i yirigi àmɛɛ gbɛ̀ɛnmɛ nyɛ lè.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Misye 7:9

Mii a Yawe fundanʔari kpàraco àmɛɛ mii kapeele pye wi na lè, bi taa wi ba mii kéeli cɔɔnri si tànʔa kaan mii ma. Wi a mii yirige gbɛ̀ɛ́nmi na, mii si wi sínni sámaga wéle.

Habakuki 1:3

Nyàʔá na mɔ mii yaʔa a mii i kapeegi nyaagi? Nyàʔá na mɔ fǎngi gbànna wéle? Yáriri fuguri-mí-láala ní fungbangi gi nyɛ mii yɛ́ʔɛ ma, sìnbɛɛmi, ní kàfulogi gi yìrigí.

Sofonii 2:1

Ye yeyɛɛ gbóʔoro yé sɔ̀ngi ye wéle, fɛ̀ɛfɔn-syɛɛnfelege,

Sofonii 3:13

Isirayɛli wogorobèle a ní da kakoloyo kpéʔele í. Pe a ní da jànvaa nyuu í, námara nyíngéle a pye be nyɔ́ɔyi ni í, pe a ra líi sáā sìnɛ́, syɔɔn faala a ra be tɔ́ɔrɔ í.»

Sofonii 3:15

Kútiiw wi da too mɔ na lè, Yawe n wi láʔa mɔ na, wi n mɔ nigoow kolo n lúrugo. Isirayɛli fànʔafɔw wi lè Yawe, wi i nyɛ mɔ níngi ni. Wɔʔɔgɔ ní o yaà, gee na mɔ a ra fɛ̀ɛgí lè í.

Sofonii 3:17

Yawe mɔ Kolocɔlɔw i nyɛ mɔ níngi ni, nànnirio wii, wee wi syɔɔn syoo lè. Wi fundaanratɔw a ra muguri mɔ kéeli na. Wi a kòro pyèrio mɔ tamagi kéele na. Wi a ra fàndaara mugurumɔ kpéʔele mɔ kéeli na.»

Zakarii 2:5

Mii maa nyapiigèle yìrige ni wéle, a mii yanyaagaa nyaa, koro gi nyɛ gee naa: Ki n pye nànwaa, wee kɔ́lɔ ni yatimana-mɛ́ɛnnɛ da pye lè.

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Luki 12:2

Yárigee gi lè wodɔngɔ ní, ki a kɔ́ kòro sìndɛ̀ɛn ni í, wàlá ki ga pye wolaraga ní, ki a kɔ́ kòro sìnján ni í.

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Wɔrɔmi ye 3:26

koro ga pye bi woro sínni tɛ̀ɛn tɔ́ɔliw naa ni àmɛɛ woro tiimaa sín lè ní i sínni kaangi bele ma be tági Zyezu na lè.

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

Làlwaw Kaanziin 23:14

Yatugugo n yɛlɛ gi pye mɔ túgori ni, mɔ ga naà wàli mɔ í weʔe túgu ní gi ní, mɔ ga kwɔ́ɔ mɔ í mɔ fíri tɔ́n.

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

1 Pyɛri 1:17

Kolocɔlɔɔ wi kútiiw kúunri lè syɔɔn o syɔɔn na ni yɛlɛgi ní syɔɔn fáliw ní, wi si o syɔɔnwaa yirigi wàa ni í, kapye yele i woro yiri yele Tóow yele nyɛ́ɛriyi ni, ki n yɛlɛ yele í da táanri wi yɛ́ɛgi fyáara na làrigèle myɛ ni, gele yele a kwɔ́ɔ lè dulunyanw naa ni.