Sofonii 3:4 - Cebaara Bible 2010

⁴ Ki kanyaajoobèle i nyɛ nɔ̀ʔɔrɔgɔ-syɛ̀ɛnnɛ, ní nǎnbèle pèle, bele be lè pe o nyɛ tágala syɛɛnnɛ be fáliw ni í. Ki sáriga-wòlobèle i yacanri nɔ́ɔnri, pe i làlwaw kálagi.

Sofonii 3:4 Iomraidhean Croise

Ezayi 9:15

Syɛ́ɛnbèle naa yɛɛ̀kinibéle i be pùuní. Bele be yére pe i poro yɛ́ɛgi kínigi lè, poro n kogologo láa.

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 34:19

Zyuda syɛɛnkpolobèle, ní Zyerusalɛmi syɛɛnkpolobèle, ní nǎnbèle be wòlo lè, ní sáriga-wòlobèle, ní tári syɛ̀ɛnnɛ myɛ be foro náapiigi ceriye lariga ni lè,

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Zyeremii 8:10

Koro na mii a be cébèle kaan pèle nikwɔɔlɔ ma, si be séyi kaan bele má pe a yi nɛnɛ syɔɔ be ma lè. Níì cán n séli wobiigèle na n sáà nan wogbolobèle na, pe myɛ i nyɛ tɔ̀nɔcaari kurugo. N séli kanyaajoobèle na n sáà nan be sáriga-wòlobèle na, pe myɛ i námaraw kpéʔele.

Kayaagi Nyɛnigɛ 2:14

Mɔ kanyaajoobèle n yanyaaya nyaa n joo mɔ ma, yee yi nyɛ lè gbanzan ní jànvaa wóyo. Pe ga mɔ kolomi múgu n yaʔa í, koro ga pye bi mɔ syɔɔ púlori ma í, fwɔɔ a be pye mɔ ma fáanaga, ní jànvaa, ní pùununɔ yanyaaya fɔ̀ɔlɔ.

Ezekyɛli 22:26

Wi sáriga-wòlobèle i mii làlwaw kálagi, ní i mii tɛɛcǎnyi nɔ́ɔnri, pe o yacanga cángi ni wɛ̀ɛ́ yapeʔe ni í, pe o láʔala tèé yanɔnʔɔgɔ ní yamunugo nínge ni í, pe n nyapiigèle yirige mii cândɛnɛyi ni, mii n pye yafaʔaga pe níngi ni.

Ezekyɛli 22:6

Isirayɛli fànʔafɔbiigèle wéle, ke myɛ nibin nibin i ge fǎngi kpéʔele jàngó bàā sìsyaanw ŋuu mɔ ni.

Ezekyɛli 44:23

Pe a ra mii syɛ́ɛnbèle tama pe yacanga cán wàli yapeʔe ni, pe a gi yaʔa pe gi cán wàlimee bi nyɛ lè yanɔnʔɔgɔ, ní yamunugo níngi ni.

Oze sɛ́bɛw 9:7

Kpúmɔnri canya yi maa yee, sàraw canya yi maa yee, Isirayɛli a koro cán! Kanyaajoow n cúro, a cánni pìlefɔlɔ nyúngo nyáʔami mɔ sinzinmi nɛʔɛnɛ, ní mɔ céenɛʔɛmi kéele na.

Misye 2:11

Ki n yɛlɛ nànwaa í da nyuu da wáa káfalagi kurugo, bàā jànvaaw nyuu si jo: «Mii a joo mɔ ma dùvɛɛnw ní singbǎnmi kéele na!» Joonɛʔɛgɛfɔw bee félege wi a tɔ̀nɔ́ yɛlɛ syɛ́ɛnbèle naa na!

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Malasyii 1:6

«Jaafɔlɔ i wi toò kpɔ́ʔɔgi, a falipyenàɔn i wi kàfɔlɔ kpɔ́ʔɔgi. Mii si ga pye Tofɔlɔ, kpɔ́ʔɔri di yɛlɛ mii na lè, sán di nyɛ? Mii ga pye Kàfɔlɔ, sán mii yɛ́ɛgi fyáara nyɛ?» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. «Yele sáriga-wòlobèle má mii nyuu, yele bele ye mii mɛ́ɛgi faari lè, yele i gi nyuu níì jo: ‹Nyàʔá wolo kpéʔele n mɔ mɛ́ɛgi faʔa?›

Malasyii 2:7

Níì cán sáriga-wòlow nyɔ́ɔwara i cánni kɔngi, woro nyɔ́ɔgi na be wɔ́ɔ̄ làlwaw kéele yíbe, níì cán Yawe wi lè Nyɛ̀ʔɛni Sùlasiibéle Kafɔlɔ, woro tunduɔn wii.

Malasyii 2:8

Kàjáa yele na, yele n yiri kólogi ni, yele n làlwaw kéele tɛ́ʔɛ n syɛɛnnɛʔɛmɛ kaan a bi kpírige. Yele n Levii joogaanni kálagi,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 7:15

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè.

2 Korɛnti ye 11:13

Syɛ́ɛnbèle bee félege i nyɛ pìitun-váanabéle, ní i jànvaaw kèlē kpéʔele, níì peyɛɛ gàriga mɔ a jo Kirisi pìitunbéle poro nyɛ.

1 Zyan 4:1

Mii syɛɛn-nidaanmabèle, ki ga yɛlɛ yele í da tági pìígèle myɛ syɛ́ɛnrɛ na í. Ki n yɛlɛ yaa pìígèle sɛʔɛ yaa wéle jàngó bi gi cán kapye Kolocɔlɔɔ má ge yìri, níì cán kanyaajoo-fáanabéle saʔa n cariga dulunyanw ni.

Tɛ̀ɛnnɛ 19:20

A wi fala n yaweegi cò n fàra kanyaajoo-fáanaw na, woro wee wi da ni fɛ̀ɛ́bèle kpéʔele lè ki yɛʔɛ̀ ma, fɛ̀ɛ́bèle bele báriga ni wi da ni syɛ́ɛnbèle fáana, bele na yaweegi fɛ̀ɛ da pye lè, ní bele pe da ni ki niwirigi kpɔ̀ʔɔrɔ́ lè. A syɔ́ɔngi tɛ́ɛnfɔlɔ fala n be siinw wáa woweebèlē ní naakpɔɔgi ni gee ni dìrigíw sóori lè,

Jàbɔbèle 9:4

A be wálifiio támabéle togoye taanri ní kpɔrigɔ wòlo Baali-Beriti kpáagi ni n kaan wi ma. A Abimelɛki sáà nyùngo fun syɛ́ɛnbèle pèle ní nijamayaa láa sàra na ní wi ní, a poro taʔa wi na.

1 Samyɛli 2:22

Helii maa lɛɛ gbanʔama. Gee wi jáabèle da ni téeri Isirayɛli ye na lè, a wi koro lóʔo. A wi wɔ́ɔ̀ gi lóʔo cébèle bele be báara Syɛ́ɛnmi Tɛɛfaraga fànikpaʔa nyɔ́ɔ na lè, pe i sìnɛ́ ní poro ní.