Sofonii 3:20 - Cebaara Bible 2010

²⁰ Lǎli bee ni mii a yele lúrugo pan, loro lǎli ni mii a ní yele kpóʔoro. Níì cán mii a yele kpéʔele mɛ́ɛyɛ fɔɔlɔ ní sòololo yárigéle tári syɛɛnfeleye myɛ nínge ni, koro a pye yele wóbèle be cò n kári lè lǎli ni mii ga be lúrugo n pan yele nyɛ́nɛ na lè,» Yawe wi jo nya.

Sofonii 3:20 Iomraidhean Croise

Ŋúnuyi 35:6

Pe kólogi í pye yébilimɛ sáā tàrá, lǎli ni Yawe nyɛ̀ʔɛni tunduɔn ga be kɔ́ri n láa lè!

Ezayi 56:5

mii a be kpéʔele fɛ̀ɛ mii kpáagi ni, ní mii gúnyi ni, si mɛ́ʔɛ le be na, gee gi sɔ̀lɔ lè nànbiigéle, ní calipiigèlē taala na. Mii a bàngwɔɔ mɛ́ʔɛ le be na, gee gi lè ki a tée kwɔ́ɔ bi yiri yaà í.

Ezayi 56:8

Kàfɔw Yawe, woro wee wi Isirayɛli wojarigabèle kpóʔoro lè, wi n jo: «Mii a pèle nikwɔɔlɔ kpóʔoro bi fàra mii syɛ́ɛnbèle bele na be kpóʔoro n kwɔ́ɔ lè.»

Ezayi 60:15

Sáni mɔ í pye lè pe mɔ cée, si mɔ para, si pye beè lè syɔɔn o sɔ̀lɔ́ í, mii a mɔ kpéʔele bàngwɔɔ kpɔ́ɔmɔ yáriga, mɔ a pye yìrigèle myɛ syɛ̀ɛnnɛ fundaanra kéele.

Ezayi 61:9

Pe yòdaʔayi a cán tári syɛɛnfeleye nínge ni, pe syɛɛnfelegi a cán syɛɛnfeleyi nínge ni. Bele myɛ pe ga be nyaa lè, pe a gi cán bi cán yòdaʔagaa gii, gee na Yawe dùbaw taʔa lè.»

Ezayi 62:12

Pe a ra be yiri «syɛɛnfele-jànga,» ní «bele nyúnyo Yawe syɔɔ lè.» Mɔ na, pe a ra mɔ yiri: «Kěgi be caa lè,» ní «Kènaa-sìnyaʔagi.»

Ezayi 62:7

Yele a kɔ́ wi yaʔa wi ŋɔ́n wi daa nyáana í fwɔɔ bi taa wi ní Zyerusalɛmi lúrugo télege bi wi pye sòololo yáriga tári na.

Ezayi 66:22

«Níì cán nyɛ̀ʔɛvɔngèle, ní táfɔnri mii a sámaga lè di kòro beè mii yɛ́ʔɛ ma, ànbée yele yòdaʔayi, ní yele mɛ́ɛgi a kòro beè,» Yawe wi jo nya.

Zyeremii 23:3

«Mii si mii bàsanbèle kpóʔoro bi yirige tátɛɛyi myɛ ni, yee má mii be cariga n tórigo lè. Mii a be lúrugo pan ba lége pe bàkpogi ni. Pe a ba ra sii bàā nɛʔɛgi.

Zyeremii 29:14

Mii a niyɛɛ yaʔa yele í mii nyaa,› Yawe wi jo nya, ‹mii si ní yele púlobèle lúrugo pan nɛɛ naa, mii a yele yirige syɛɛnfeleyi myɛ, ní tɛ́ɛyi myɛ ni, beè mii yele nɛnɛ n tórigo lè bi yele kpóʔoro,› Yawe wi jo nya. ‹Mii a ní yele lúrugo pan tɛ́ɛgi ma, gee ni mii da yele cò n yirige n tórigo lè.›

Zyeremii 30:3

Wéle, canyaa i maa,› Yawe wi jo nya, ‹yee ni mii a mii syɛ́ɛnbèle yaʔa pe lúru pan lè, bele be cò n kári lè, pe lè Isirayɛli ní Zyuda wóbèle,› Yawe wi jo nya. ‹Mii a be lúrugo ba lége tári ni, dee mii kaan be toolɛɛbèle ma lè, pe a ba di taa di pye be worò.› »

Zyeremii 33:9

Kěgi naa a pye mii ma fundaanra yáriga bi pye sòololo, ní fèrere yáriga, tári syɛɛnfeleye myɛ nínge ni, yoro yee yi a kacǎngèle myɛ kéele lóʔo, gele mii kpéʔele be na lè. Fyáari a tɔ̀nɔ́ be cò paa cɛ̀lɛ́, kacǎnyi myɛ, ní ŋɔ́ndaali myɛ kéele na mii kaangi be ma lè.›

Ezekyɛli 16:53

Pe wóbèle be cò n kári lè, mii a be lúrugo pan, gee bee n jo Sodɔmi nànbiigèle, ní wi calipiigèle be cò n kári lè, ní Samarii nànbiigèle, ní wi calipiigèle be cò n kári lè, mɔ wóbèle be cò n kári lè poro si pye pe wóbèle nínge ni,

Ezekyɛli 28:25

Kàfɔw Yawe wi syɛ́ɛnri naa joo níì jo: «Lǎli ni mii ga Isirayɛli kpáagi wòolo cɔɔnri n yirige yaà lè syɛɛnfeleyi nínge ni, beè be cariga n lége lè, mii a niyɛɛ dɛ̀ɛn wojaɔn ní syɛɛnfeleyi na pe bárigaw ni, pe a ba tɛ́ɛn be tásaligi na, gee mii kaan mii falipyew Zyakɔbi ma lè.

Ezekyɛli 34:16

Wee wi pùuni lè mii a wi caa, wee wi còolo lè mii a wi lúrugo pan, wee wi kpàli lè mii a wi námiyi pwɔɔ, wee wi yáa lè mii a fànʔa le wi ni. Wee si ni sìnmɛ nyɛ lè, á wi nìri, mii a wee bee kálagi. Mii a ra be nàʔá ní sínnɛ ní.

Ezekyɛli 37:12

Koro na kérigèle nyaa mi joo! Mɔ a gi joo be ma si be pye: ‹Kàfɔw Yawe wi syɛ́ɛnri naa joo níì jo: Ee mii syɛ́ɛnbèle, wéle, mii wi yele nyányi múru wee, mii a yele yìrige bi yirige yele nyányi ni, mii a yele lúrugo tórigo Isirayɛli tásaligi ma.

Ezekyɛli 37:21

Mɔ a gi joo be ma si jo: ‹Kàfɔw Yawe wi syɛ́ɛnri naa joo níì jo: Wéle, mii wi Isirayɛli ye lée wee bi yirige syɛɛnfeleyi nínge ni, beè be kári lè. Mii a be kpóʔoro bi yirige yaà kàbanyi myɛ na, bi lúrugo pan pe ba pye be tásaligi na.

Ezekyɛli 39:13

Tári syɛ̀ɛnnɛ myɛ a be tɔ́n, pe a tɔ̀nɔ́ mɛ́ɛkpɔʔɔ taa kéeli bee ni, cángee na mii a kpɔʔɔrɔ taa lè, Kàfɔw Yawe wi jo nya.

Ezekyɛli 39:28

Pe a gi cán bi cán mii wi nyɛ Yawe, poro Kolocɔlɔw, wee wi da poro cò n tórigo syɛɛnfeleyi ma lè, koro kàdoʔo ma níì poro kpóʔoro n baa télege poro tásaligi na. Mii a tée pe wàa nibin yaʔa yaà í.

Zyowɛli 3:1

«Gee bee kàdoʔo ma, mii a mii Pǐli yàli syɛ́ɛnbèle myɛ na. Yele nànbiigèle, ní yele calipiigèle a ba ra kérigèle nyaagi da nyuu, yele wólɛɛbèle a ba ra ŋúnɔyi ŋúnɔ, yele wojáribèle sáā yanyaayi nyaagi.

Amɔsi 9:14

Isirayɛli ye be lè mii syɛ́ɛnbèle, poro bele be cò n kári lè, mii a be lúrugo pan. Kěyee yi da jaa lè, pe a ní ba yi faan bi tɛ́ɛn yi ni, pe a ba ra ɛrɛzɛn tíriri cɔ́rɔ sáā di dùvɛɛnw gbo, pe a ba ra nángwɔɔbèle fála, sáā be yasanri líi.

Misye 2:12

Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.

Misye 4:7

Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Sofonii 2:7

Solomɔ lònyɔɔw bee a pye Zyuda kpáagi wozanbèlē wóo. Nɛɛ bee pe a ra be yaweeri nàʔá. Cángi ga kwɔ́ɔ Asikalɔn kpáayi a pye be tɛɛ̀syɔɔnyi. Níì cán Yawe be Kolocɔlɔw a kacànna pye be na, si be yirige púlori ni.

Sofonii 3:19

Wéle, lǎli bee ni, bele myɛ be fànʔa cáan mɔ na lè, mii a keele tɛ́ʔɛ be na. Mii a tɔyaayi fɔ̀ɔlɔ syɔɔ, bele be nɛnɛ lè, mii a be kpóʔoro. Táree myɛ ni be nyɛ fɛ̀ɛ́ri ni lè, mii a be kpéʔele yaà beè sòololo, ní mɛ́ɛyɛ fɔɔlɔ.

Zakarii 8:13

Zyuda kpáagi wòolo, ní Isirayɛli kpáagi wòolo, kánmee na yele da dánga lè syɛɛnfeleyi nínge ni, kánmi bee na mii a yele syɔɔ, yele si dùba taa. Yele a kɔ́ ra fɛ̀ɛgí í, ki n yɛlɛ fànʔa í jée yele kɔ́yi ni!»

Zakarii 8:8

Mii a be lúrugo pan, pe a ba tɛ́ɛn Zyerusalɛmi níngi ni. Pe a pye mii syɛ́ɛnbèle, mii si pye be Kolocɔlɔw kányɛɛgi, ní sínni na.»

Malasyii 3:12

«Syɛɛnfeleyi myɛ a ra yele yiri dùbaw pìibēle, níì cán yele a pye fundaanra tányɔʔɔ,» Yawe wi lè Nyɛ̀ʔɛni Sùlasibéle Kafɔlɔ, woro wi jo nya.

Làlwaw Kaanziin 26:18

A Yawe nyɔ́ɔgi fàli mɔ ma níjanʔa n gi tɛ̀ɛn mɔ a pye syɛɛnfelegaa, gee ki a pye lè woro tiimaa wóʔo àmɛɛ wi gi joo mɔ ma lè. Ki si n yɛlɛ mɔ í wi kajoodɛɛngèle myɛ sámaga cò,

Làlwaw Kaanziin 26:19

jàngó syɛɛnfeleyi myɛ wi faan lè, wi mɔ kpɔ́ʔɔ sɔ̀lɔ yee bee na sòololi, ní mɛ́ɛkpɔɔgi, ní nìjanri kàbaan na, mɔ si pye syɛɛnfelegaa, gee ki a yaʔa lè kɔlɔ̀ na Yawe mɔ Kolocɔlɔw ma bi yɛlɛ ní gi ní àmɛɛ wi gi joo mɔ ma lè.»