Sofonii 3:2 - Cebaara Bible 2010

² Ki o joomɔ faala lúro í, ki o fɔ̀lɔ́ kpúmɔn-mí-kàrigala na í, ki o kiyɛɛ daari Yawe na í, ki o nùuní gi Kolocɔlɔw na í.

Sofonii 3:2 Iomraidhean Croise

Nehemii 9:26

Kàjáa pe n yìri n sìnloʔomɔ kpéʔele mɔ kánmi na, pe n kàdoʔo wáa mɔ làlwaw ma. Mɔ kanyaajoobèle pe da ni nyuu ní be ní lè níì jo be lúru pan mɔ ma lè pe n poro kpóo, níì kapeekpoloyo kpéʔele.

Ŋúnuyi 10:4

Syɛɛnpeeo i wiyɛɛ gbɔ́ʔɔgi ní i gi nyuu níì jo: «Yíbege o yaà í! Kolocɔlɔɔ o yaà í!» Wi sɔ̀nguri myɛ di nyɛ toro.

Ŋúnuyi 50:17

bi gi taa ki ga mɔ dɛ́nɛ pe mɔ kàriga í, á mɔ wɔ́ɔ̀ mii syɛ́ɛnri wáa miyɛɛ kàdoʔo ma?

Ŋúnuyi 73:28

Mii si na, bi nùuni Kolocɔlɔɔ na, koro gi mii kanidaanni, mii n Kàfɔw Yawe pye mii tɛɛlaragi, koro ga pye mii í da mɔ kapyegèle myɛ kéele nyuu.

Ŋúnuyi 78:22

àmɛɛ gi nyɛ lè pe da tága Kolocɔlɔɔ na í, ncan pe da be sɔ̀ngumi taʔa wi syɔɔli na í.

Kàseegèle 1:7

Yawe yɛ́ɛgi fyáara di nyɛ cánni sélimɛ. Nilabalabèle i sícilimi ní tamani faari.

Kàseegèle 5:12

sáā gi nyuu si jo: «Mɛ̀ɛ́ ki da caà pye á tamani kéele mii bɛɛn? Ba mɛ̀ɛ́ ki da pye á mii fúloli kéele faʔa mii fúngi ni?

Ezayi 1:5

Sán pe a ní yele kpúmɔn, àmɛɛ yele ní i kàa fàrá yele céemi kèlē na lè? Nyǔngi wobogo i yáa, a fúngi myɛ i nyɛ wɔʔɔgɔ na.

Ezayi 29:13

Kàfɔw n jo: «A syɛ́ɛnbèle naa nùuní mii na ní syɛɛnjóoro ní wii yagana, a be mii kpɔ̀ʔɔrɔ́ nyɔɔwara na wii yagana. Kàjáa be fúnyi n léeli mii na, mii yɛ́ɛgi fyáara di nyɛ be ma lè, ti i nyɛ syɔɔn ye kalɛɛgéle gele be tama n cò lè.

Ezayi 31:1

Wɔʔɔli a pye bele na be tíri Ezyipiti ma n sa ni dɛ̀ɛmɛnɛ caa lè, poro bele be peyɛɛ zígi syɔ́ɔnyi na lè, níì peyɛɛ daʔa kapɛɛnkpumɔn-wòtorobèle na pe nɛʔɛni báriga ni lè, ní wɔ́ɔ̀ peyɛɛ daʔa syɔ́ɔnyi fɔ̀ɔlɔ na, níì cán be fǎngi n nɛʔɛ, kàjáa pe o wéle Isirayɛli Wojanw ma í, pe ga lúru ni Yawe caa í,

Ezayi 43:22

«Ee Zyakɔbi, mii mɛ́ɛgi ban mɔ yeri í! Ee Isirayɛli, mɔ n mii kéeli nyaa miyɛɛ na fɔ̀rɔgɔ.

Ezayi 9:12

Syɛ́ɛnbèle a lúru pan, wee má wi be kpúmɔn lè í, pe a ra Nyɛ̀ʔɛni Sùlasiibéle Kafɔlɔ Yawe caa í.

Zyeremii 13:25

Wéle, gee bee ki a ba pye mɔ na, lɛɛli mii tímana bi ba kaan mɔ ma lè, loro lii,» Yawe wi jo nya, «níì cán mɔ n fɛ̀ʔɛ mii na, níì mɔ sɔngumi taʔa jànvaa yáriga na.

Zyeremii 2:30

Mii n yele jáabèle kpúmɔn koro ga yafyɛn nyɔɔ í. Pe ga fɔ̀lɔ tamani na í. Yele ŋɔséew n yele kanyaajoobèle lìi, àmɛɛ càaraɔ nyɛ wee wi gàlagí kpéʔele lè.

Zyeremii 22:21

Mii n joo ní mɔ ní lǎli ni mɔ pye lè kasɔngunɔ fun ni, a mɔ i gi nyuu níì jo: ‹Mii a lóʔo í.› Koro gi pye mɔ tánʔaganmi, nlaa yaà mɔ cárimi làla ni, mɔ ga téè mii jóomi lóʔo í.

Zyeremii 32:33

Pe n kàdoyi wáa mii ma, yɛ́ɛyi ban í. Mii n be tama, mii n be tama sìnyére ni. Kàjáa pe ga lóʔo í, koro ga pye bi fɔ̀lɔ tamani na í.

Zyeremii 35:13

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Da syée mi sa gi joo Zyuda nǎnbèle, ní Zyerusalɛmi ye ma, mí be pye: Yele a tamani cò ì, li lè bi yére mii syɛ́ɛnri ni ì?› Yawe wi jo nya.

Zyeremii 35:17

Koro na, Yawe wi lè Kolocɔlɔw, wi nyɛ lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyee myɛ kéele mii joo lè Zyuda ye, ní Zyerusalɛmi ye myɛ kánmi na lè, mii a yi yaʔa yi too be na. Níì cán mii n joo ní be ní, pe ga lóʔo í, mii n be yeri, pe ga syɔɔ í.› »

Zyeremii 5:3

Kányɛɛgi ban mɔ nyapiigèle caa bi nyaa ì, Yawe? Mɔ n be kpúmɔn, ki ga yafyɛn pye be na í. Mɔ n naà taʔa be na, pe ga fɔ̀lɔ tamani na í. Pe n be yɛ́ɛyi waʔa n sɔ̀lɔ fálaya na, pe ga fɔ̀lɔ n kàri í.

Ezekyɛli 22:24

«Syɔɔn-pya, ki joo Zyerusalɛmi ma mí wi pye: ‹Mɔ i nyɛ táraa, dee di lè ti ga jée n mùnu í, dee di lè zàʔá ga di fɔɔn fundanʔari canʔa na í.›

Ezekyɛli 24:13

Kapeegi i nyɛ mɔ nɔ́nʔɔri ni, mii maa ni caa bi mɔ jée mùnu, mɔ si ga miyɛɛ yaʔa a mɔ jée n mùnu n mɔ nɔ́nʔɔri láʔa í, koro na mɔ nɔ́nʔɔri a ní jée láʔa mɔ na í fwɔɔ bi taa mii í mii fundanʔagbɔɔri kèlē kpéʔele foro mɔ na.

Sofonii 1:6

ní bele be lúru Yawe kurugo lè, ní bele be lè pe o Yawe caa í, pe si wɔ́ɔ o wi yíbe í.

2 Timɔte 3:16

Kolocɔlɔɔ syɛɛnsɛbɛri myɛ n yiri Kolocɔlɔɔ nyɔ́ɔgi ni, tɔ̀nɔ i nyɛ di ni bi gbǎn syɔɔn tama, si wɔ́ɔ syɔɔn kàriga, si ní syɔɔn sín, si wi tama kasingèle myɛ na,

Heburubèle 10:22

Ki n yɛlɛ wolo í nùuni Kolocɔlɔɔ na ní funjànya ní, bi fàra tágala na, lee li sámaga n kpɔ́ʔɔ lè, wo nùuni wi na ní fúnyi ní, yee Kàfɔw nyari nyari ní wi sìsyaanw ní lè n sɔ̀ngubeeri yirige yi ni, ní céri ní be jée n mùnu ní lòcànga ní lè.