Sofonii 3:19 - Cebaara Bible 2010

¹⁹ Wéle, lǎli bee ni, bele myɛ be fànʔa cáan mɔ na lè, mii a keele tɛ́ʔɛ be na. Mii a tɔyaayi fɔ̀ɔlɔ syɔɔ, bele be nɛnɛ lè, mii a be kpóʔoro. Táree myɛ ni be nyɛ fɛ̀ɛ́ri ni lè, mii a be kpéʔele yaà beè sòololo, ní mɛ́ɛyɛ fɔɔlɔ.

Sofonii 3:19 Iomraidhean Croise

Ezayi 26:11

Yawe, mɔ kɔ́gi n yìrige ǹjogi ni, pe si o gi nyaagi í. Amɛɛ mɔ syɛ́ɛnbèle kéele mɔ dɛ́nɛ n sɛ́ɛ lè, pe a koro nyaa, fɛ̀ɛrɛ si be taa. Kánmi bee na náagi a mɔ nigoobèle sórigo bi kwɔ́ɔ péw.

Ezayi 33:1

Wɔʔɔli a pye mɔ na, mɔ wee wi gàlagíw kpéʔele lè bi gi taa pe ga mɔ kálagi í, mɔ wi bele jànváa lè bi gi taa pe ga kɔ́ɔ̀ mɔ jànváa í! Lǎli ni mɔ ga baa gàlagíw pye n kwɔ́ɔ lè, mɔ a wɔ́ɔ kálagi! Lǎli ni mɔ ga baa bele jànváa n kwɔ́ɔ lè, pe a wɔ́ɔ mɔ jànváa!

Ezayi 60:14

Bele be fǎngi gbàngí mɔ na lè, poro jáabèle a ba ra peyɛɛ jɛ́rɛgi mɔ yɛ́ʔɛ ma, mɔ faʔafɔbèle myɛ a ba ra tíri da tuun mɔ láari ni, pe a ra mɔ yiri Yawe kěgi, ní Isirayɛli Wojanw Siyɔn.

Ezayi 60:18

Gàlagí kéele joomɔ a ní lóʔo mɔ tári ni í, nyáʔamina ní kálagila a ní lóʔo mɔ láʔagoloyi na í. Mɔ a ra mɔ tobèle yiri ‹Syɔɔlɔ,› sáā mɔ kpaanweegèle yiri ‹Sòololo.›

Ezayi 61:7

Yele a ba lɛɛgéle siin taa yele fɛ̀ɛ́ri sìndɛʔɛ ni. Pe a ba pye fundaanra na funjurugori sìndɛʔɛ ni. Kánmi bee na pe a lɛɛgéle siin taa be tári ni. Pe fundaanri si pye bàngwɔɔ wóro.

Ezayi 62:7

Yele a kɔ́ wi yaʔa wi ŋɔ́n wi daa nyáana í fwɔɔ bi taa wi ní Zyerusalɛmi lúrugo télege bi wi pye sòololo yáriga tári na.

Zyeremii 30:16

Koro na bele myɛ pe mɔ káa lè, pe a be káa, mɔ wɔʔɔfɔbèle myɛw, pe myɛ a kári púlori na. Bele pe mɔ kɔ́lɔ yáriri syoo mɔ na lè, pe kɔlɔ̀ yáriri a wɔ́ɔ syɔɔ be na, bele myɛ pe mɔ yáriri koli lè, mii a wɔ́ɔ gi yaʔa pe yáriri í koli.

Zyeremii 30:19

Bariga kaanna ní fundaanra yákpolo a ra yìrigí be níngi ni. Mii a be nɛʔɛ pe a tée cɛ́rɛ í, mii a be kpɔ́ʔɔ, pe a pye yafaʔagéle í.

Zyeremii 31:8

Wéle, mii n be yìrige yaà solomɔkulo tári ma a be lúru n pan, mii n be láa yaà tári láʔagéle ma n kpóʔoro. Fúunbèle ní tɔyaayi fɔ̀ɔlɔ i nyɛ be níngi ni n fàra cébèle bele na be nyɛ lè fícarigèle fɔ̀ɔlɔ, ní bele be nyɛ seeli na lè, poro myɛ bìnɛw. Syɛɛnnɛʔɛmɛ pi lúru ni maa nɛɛ naa.

Zyeremii 33:9

Kěgi naa a pye mii ma fundaanra yáriga bi pye sòololo, ní fèrere yáriga, tári syɛɛnfeleye myɛ nínge ni, yoro yee yi a kacǎngèle myɛ kéele lóʔo, gele mii kpéʔele be na lè. Fyáari a tɔ̀nɔ́ be cò paa cɛ̀lɛ́, kacǎnyi myɛ, ní ŋɔ́ndaali myɛ kéele na mii kaangi be ma lè.›

Zyeremii 46:28

Mɔ wi lè mii falipyew Zyakɔbi, mɔ a kɔ́ ra fɛ̀ɛgí í,» Yawe wi jo nya, «níì cán mii i nyɛ ní mɔ ní, mii a syɛɛnfeleyi myɛ kálagi, yee nínge ni mii mɔ nɛnɛ n tórigo lè. Kàjáa mɔ na, mii a mɔ kálagi kwɔ́ɔ í, mii a mɔ kóro bi yɛlɛ ní sínni ní, mii a gbǎn mɔ yaʔa sìnwɔʔɔ ni í.»

Ezekyɛli 16:27

Wéle, mii n mii kɔ́gi sánʔa mɔ kánmi na, mii n kàa wòlo mɔ kɔrilɛɛli ni, níì mɔ le mɔ nigoobèle kɔ́yɔ ni pe lè Filisitini ye calipiigèle, poro bele na mɔ tánʔaganbeemi nyɛ lè fɛ̀ɛrɛ.

Ezekyɛli 16:57

sáni mɔ péemi í yiri kàfugi na lè ì? Tɔ́ɔliw ni mɔ si i nyɛ tɛʔɛlɛgɛ yáriga Edɔmi calipiigèle ma, ní gele ma ge wi màʔa lè, ní Filisitini calipiigèle ma, koro gele ke mɔ faari lè kabanyi myɛ na.

Ezekyɛli 34:16

Wee wi pùuni lè mii a wi caa, wee wi còolo lè mii a wi lúrugo pan, wee wi kpàli lè mii a wi námiyi pwɔɔ, wee wi yáa lè mii a fànʔa le wi ni. Wee si ni sìnmɛ nyɛ lè, á wi nìri, mii a wee bee kálagi. Mii a ra be nàʔá ní sínnɛ ní.

Ezekyɛli 39:13

Tári syɛ̀ɛnnɛ myɛ a be tɔ́n, pe a tɔ̀nɔ́ mɛ́ɛkpɔʔɔ taa kéeli bee ni, cángee na mii a kpɔʔɔrɔ taa lè, Kàfɔw Yawe wi jo nya.

Ezekyɛli 39:26

Lǎli bee ni pe a fɛ̀ʔɛ be faʔari na, ní sìnzinmi kèlē myɛ na be kpéʔele mii na lè. Pe a tɛ́ɛn fyáara fun pe tásaligi na, syɔɔn faala a ra be tɔ́ɔrɔ í.

Misye 7:10

Mii nigoow a gi nyaa, fɛ̀ɛrɛ si wi tɔ́n, woro wee wi da ni gi nyuu mii ma lè níì jo: «Sán Yawe mɔ Kolocɔlɔw nyɛ?» Mii nyapiigèle a taʔa nigoow na. Tɔ́ɔliw ni pe n wi tánʔana ní tɔ́lɔyi ní àmɛɛ kàlari-kóloyi fáriga nyɛ lè.

Sofonii 3:15

Kútiiw wi da too mɔ na lè, Yawe n wi láʔa mɔ na, wi n mɔ nigoow kolo n lúrugo. Isirayɛli fànʔafɔw wi lè Yawe, wi i nyɛ mɔ níngi ni. Wɔʔɔgɔ ní o yaà, gee na mɔ a ra fɛ̀ɛgí lè í.

Zakarii 8:23

Yawe wi lè Nyɛ̀ʔɛni Sùlasiibéle Kafɔlɔɔ, wi n jo: «Cányi bee ni, nànbēle kɛɛ a yiri tári syɛɛnfeleye syɛɛnfelere myɛ joofɔɔlɔ ni bi pan ba Zyefunàɔn nibin cò wi buronyɔɔw na, si jo: ‹Wolo a kári ní yele ní, níì cán wolo n gi lóʔo Kolocɔlɔɔ i nyɛ ní yele ní.› »

Làlwaw Kaanziin 26:19

jàngó syɛɛnfeleyi myɛ wi faan lè, wi mɔ kpɔ́ʔɔ sɔ̀lɔ yee bee na sòololi, ní mɛ́ɛkpɔɔgi, ní nìjanri kàbaan na, mɔ si pye syɛɛnfelegaa, gee ki a yaʔa lè kɔlɔ̀ na Yawe mɔ Kolocɔlɔw ma bi yɛlɛ ní gi ní àmɛɛ wi gi joo mɔ ma lè.»

Heburubèle 12:13

Ye wɔ́ɔ yaa yele tɛɛsɔ̀lɔyi sámagi yaa síngi, koro ga pye tɔyaagi fɔ́lɔ yáama a kɔ́ tanʔa í, fwɔɔ wi pɔʔɔ.

Tɛ̀ɛnnɛ 20:9

A be tári myɛ tɔ́n ni maa n baa Kolocɔlɔɔ syɛɛncanbèle tɛɛkòrogo màʔa n kpàra ki lè wi kènidaamagi. A naà fala n yìri nyɛ̀ʔɛni na n tìgi n baa too be na n be sórigo mɛnɛ mɛnɛ.

Jàbɔbèle 1:7

A Adoni-Bezɛki jo: «Fànʔafɔɔlɔ togoye taanri ní kpɔrigɔ, bele kɔ́yɔ ní be tɔ́lɔyi kabenigbɔnbēle pe da cɛnɛ lè, poro maa ni mii suwologiri jóo ni líi. Gee mii kpéʔele lè, koro sìndɛɛgi Kolocɔlɔɔ lúrugo mii ma.» A be kári ní wi ní Zyerusalɛmi ma, a wi sáà kùu yaà beè.