Sofonii 3:18 - Cebaara Bible 2010

¹⁸ «Bele be fɔ̀n kpóʔorojǎngèle ni, àmɛɛ be léeli mɔ na lè, mii a be kpóʔoro, poro bele na fɛ̀ɛ́ri líbe lè.

Sofonii 3:18 Iomraidhean Croise

Ŋúnuyi 43:3

Mɔ gbɛɛnmi ní mɔ kányɛɛgi tórigo naa dee bee í ba mii yɛ́ɛgi kíni, bàā syée ní mii ní mɔ nyanbejǎngi, ní mɔ tɛɛkòroyi ma!

Ŋúnuyi 79:4

Wolo n baa pye yafaʔagéle wolo tɛ́ɛnnyɛnbèle ma, bele be wolo màʔa lè, pe i wolo tɛ́ʔɛ ní i wolo kpàná.

Zyeremii 23:3

«Mii si mii bàsanbèle kpóʔoro bi yirige tátɛɛyi myɛ ni, yee má mii be cariga n tórigo lè. Mii a be lúrugo pan ba lége pe bàkpogi ni. Pe a ba ra sii bàā nɛʔɛgi.

Kayaagi Nyɛnigɛ 1:4

Siyɔn kóloyi myɛ i nyɛ kùu káyaʔa na, níì cán pe ní o maa kpóʔorojǎngèle ma í. Wi kpàánweegèle myɛ n kálagi, wi sáriga-wòlobèle i cɛ́ɛn, wi nàngeele sinján pìcaabèle fúnyo n nyáʔami be na, wi tiimaa fúngi i nyaan gbanʔama.

Kayaagi Nyɛnigɛ 1:7

N Zyerusalɛmi yaʔa wi wɔʔɔgi, ní wi fóomi ní, a wi i sɔ̀ngí ni taagi wi yacanri myɛ kéele na ti da pye wi ma lè booma cányi ni. Lǎli ni wi syɛ́ɛnbèle da ni tuun nigoow kúruyo láara ni lè, dɛ̀ɛmɛfɔlɔ fun ni, wi kàsiitun-nyɛ́nbèle maa ni gee bee nyaagi, ní i wi tooli kéele tɛ́ʔɛ.

Ezekyɛli 34:13

Mii a be yirige yaà syɛɛnfeleyi ni, beè be nyɛ lè, mii a be kpóʔoro bi yirige yaà tátɛɛyɛ saʔa ni, bi be lúrugo pan pe tásaligi ma. Mii a ra be nàʔá Isirayɛli nyanbeleyi na, ní lònyɔɔw, ní tári tɛ́ɛyɛ myɛ ni, beè syɛ̀ɛnnɛ a gbǎn kòro lè.

Ezekyɛli 36:24

Mii a yele kíle bi yirige syɛɛnfeleyi nínge ni, mii a yele kpóʔoro bi yirige tátɛɛyi myɛ ni, mii a yele lúrugo pan yele tiimaa tásaligi ma.

Ezekyɛli 9:4

A Yawe wi pye: «Sɔ̀lɔ mi màʔa kěgi nínge ni, Zyerusalɛmi níngi ni, mi fɛ̀ɛ kpúmɔn syɛ́ɛnbèle gbáagéle na, bele be cɛ́ɛn lè, ní i nyaan yanɔnʔɔyi myɛ kéele na yi kpéʔele lè gi ni.»

Oze sɛ́bɛw 9:5

Nyàʔá yele a kpéʔele kpóʔorojànna canʔa, ní Yawe séri canʔa na?

Sofonii 3:20

Lǎli bee ni mii a yele lúrugo pan, loro lǎli ni mii a ní yele kpóʔoro. Níì cán mii a yele kpéʔele mɛ́ɛyɛ fɔɔlɔ ní sòololo yárigéle tári syɛɛnfeleye myɛ nínge ni, koro a pye yele wóbèle be cò n kári lè lǎli ni mii ga be lúrugo n pan yele nyɛ́nɛ na lè,» Yawe wi jo nya.