Sofonii 3:17 - Cebaara Bible 2010

¹⁷ Yawe mɔ Kolocɔlɔw i nyɛ mɔ níngi ni, nànnirio wii, wee wi syɔɔn syoo lè. Wi fundaanratɔw a ra muguri mɔ kéeli na. Wi a kòro pyèrio mɔ tamagi kéele na. Wi a ra fàndaara mugurumɔ kpéʔele mɔ kéeli na.»

Sofonii 3:17 Iomraidhean Croise

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Sélimɛ 17:1

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Sélimɛ 18:14

A yarigaa a gbǎn mii Yawe jáa lé? Yɛɛláa ma lǎli mii tɛ̀ɛn lè, mii a pan mɔ ma, Sara a ba nànbile see.»

Sélimɛ 2:2

Amɛɛ Kolocɔlɔɔ kwɔ́ɔ yáriri myɛ faanna na lè, a ki ga pye canya kɔrɔsiin wógi na, a wi ŋɔ́n n daa fáliw myɛ na wi kpéʔele lè.

Ŋúnuyi 147:11

Bele be fɛ̀ɛgí Yawe na lè, poro kéeli li wi dɛ́nɛ, poro bele pe be sɔ̀ngumi taʔa wi funjǎngi na lè.

Ŋúnuyi 149:4

Níì cán Yawe fundaanri yáriga gi nyɛ wi syɛ́ɛnbèle, wi i màabyebèle fèré ní syɔɔli ní.

Ŋúnuyi 78:65

Lǎli bee ni a Kàfɔw nyán, mɔ a jo wi da ni ŋúnɔ wii, àmɛɛ nànnirio nyɛ, wee dùvɛɛn cò a wi i yákpogi wáa lè,

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 12:6

Yaa fundaanra, ní mugurumɔ yákpogéle wáa, yele bele ye nyɛ lè Siyɔn ni! Níì cán Isirayɛli ye Wojanw wi nyɛ yele níngi ni lè, wi n kpɔ́ʔɔ.»

Ezayi 18:4

Níì cán Yawe n gi joo mii ma kánmi naa na níì jo: «Mii o cúngu í, ní i sámagi ni wéle sìnnyɛʔɛ ni àmɛɛ gbɛ̀ɛ́nmi káfugo nyɛ, gee gi fílige lè, ní àmɛɛ nìgolowirige kásaga nyɛ, gee gi tɔ́ngi yaliilaa-làla káfugo ni lè.»

Ezayi 63:1

Wìí si wi nyɛ wee, wi yìri Edɔmi ma ni maa lè, wee wi yìri Bosira kěgi ma, ní fàninyɛɛn-súruw búroyo ní, wee yalere ti daragi lè, a wi sámaga n yére ní kpɔɔmɔ ní, ní i táanri ní fànnɛʔɛgɛ ní? «Mii wii, mii wee wi nyuu ní sínnɛ ní lè, wee má fǎngi nyɛ bi gbǎn syɔɔn syɔɔ lè.»

Ezayi 63:12

Wi n wi nìjanri kɔ́lɔ fíige Mowizi kàliige ma, wi n lǒyi ceri pe yɛʔɛ̀ ma, bi bàngwɔɔ mɛ́ʔɛ taʔa wiyɛɛ na.

Ezayi 65:19

Mii a ra muguri Zyerusalɛmi kéeli na, mii a pye fundaanra na mii syɛ́ɛnbèle kéele na. Nyɛnimɛ kafulogo a ní lóʔo yaà í, sùpiiwáara kafulogo a ní lóʔo yaà í.

Ezayi 9:6

Fǎngi a ra caragi da syée, bàngwɔɔ yɛɛ̀nyinge si kaan Davidi fàngoli, ní wi fǎngi ma, bi gi báriga, si gi sígi yérige kányɛɛgi, ní sínni báriga ni, bi séli lǎli naa na bàā syée yaà làla o làla. Koro gi nyɛ Nyɛ̀ʔɛni Sùlasiibéle Kafɔlɔ Yawe fúngi ni, wi a gi kpéʔele.

Zyeremii 32:41

Ki a pye mii ma fundaanra bi kacànna kpéʔele be na, mii a tɔ̀nɔ́ be cɔ́rɔ kányɛʔɛ na tári naa ni, ní mii zɔ̌nw myɛ, ní mii fúngi myɛ ní.

Oze sɛ́bɛw 14:4

Asirii ye wów a wolo syɔɔ í. Wolo a ní lúgu kapɛɛnkpumɔn-syɔ́ɔnyɔ na í, wolo a ní gi joo wolo kɔ́yi fáli ma í si jo: ‹Wolo Kolocɔlɔw í!› Níì cán mɔ taana círiw ba ni nyinidaara nyaagi.

Zyowɛli 2:21

Tára, mɔ a kɔ́ ra fɛ̀ɛgí í, da muguri máā fundaanra kpéʔele, níì cán Yawe wi kakpoloyi kpéʔele!

Sofonii 3:15

Kútiiw wi da too mɔ na lè, Yawe n wi láʔa mɔ na, wi n mɔ nigoow kolo n lúrugo. Isirayɛli fànʔafɔw wi lè Yawe, wi i nyɛ mɔ níngi ni. Wɔʔɔgɔ ní o yaà, gee na mɔ a ra fɛ̀ɛgí lè í.

Sofonii 3:5

Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Córolo 14:8

Yawe ga pye ní wolo ní, wi a wolo lége tári bee ni si di kaan wolo ma. Táraa dii, dee di nyìn nɔ́nɔw ní sárigi na ni fóo lè.

Luki 15:32

Ki si n yɛlɛ waa kɔ̀nʔɔ́ wáā fundaanra kpéʔele, níì cán mɔ cɔnɔw naa maa kùu, wi si n nyán n pye sìi na. Wi maa pùuni, wo si n níì wi nyaa.› »

Zyan 13:1

Sáni Sɔ̀lɔ-mí-yaʔali séri làla í nan lè, Zyezu maa gi cán lǎli n nan woro í dulunyanw naa yaʔa si kári Tofɔw ma, wi wóbèle be nyɛ lè dulunyanw ni, be kéeli maa wi dɛ́nɛ, níì tɔ̀nɔ n wi dɛ́nɛ fwɔɔ n sáà nan ki tɛɛ̀laʔali na.

Zyan 15:11

A mii kérigèle naa joo yele ma wii, koro ga pye mii fundaanri í pye yele ni, yele fundaanri si wɔ́ɔ foro.

Làlwaw Kaanziin 23:15

Níì cán Yawe mɔ Kolocɔlɔw i sɔ̀lɔ́ ni máari mɔ tɛɛkòrogi nínge ni bàā mɔ syoo, sáā mɔ nigoobèle nii mɔ kɔ́yi ni. Koro na mɔ tɛɛkòrogi n yɛlɛ gi pye yacanga, koro ga pye Yawe a kɔ́ yanɔnʔɔgɔ nyaa mɔ tɛ́ɛgi ni si wàli bi láʔa mɔ na í.

Làlwaw Kaanziin 30:9

Yawe mɔ Kolocɔlɔw a mɔ kɔ́yi fáli báriga bi mɔ tín yacanri na, wi a mɔ láagi pìibēle, ní mɔ yaweeri pìibēle, ní mɔ tásaligi yasanra pye di nɛʔɛ. Níì cán ki a ní pye Yawe fúngi kanidaanna bi ní kacànna pye mɔ na àmɛɛ ki da wi dɛ́nɛ bi kacànna pye mɔ tóolɛɛbèle na lè,

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.