Sofonii 3:16 - Cebaara Bible 2010

¹⁶ Cángi bee na, pe a gi joo Zyerusalɛmi ma si jo: «Siyɔn, mɔ a kɔ́ ra fɛ̀ɛgí í! Mɔ kɔ́yi a kɔ́ fɔlɔ í!

Sofonii 3:16 Iomraidhean Croise

Zyɔbi 4:3

Wéle, mɔ n syɛ̀ɛnnɛ saʔa tama. Mɔ n fànʔa le báriga fun kɔ́yi ni.

Ezayi 25:9

Cángi bee na pe a ra gi nyuu si jo: Wolo Kolocɔlɔw wi wee, woro na wolo wolo sɔ̀ngumi taʔa, woro si wi wolo syɔɔ. Woro wi nyɛ Yawe, wee na wolo wolo sɔ̀ngumi taʔa lè. Ki n yɛlɛ waa muguri, wáā fundaanra kpéʔele syɔɔli kéele na wi kaangi lè.

Ezayi 40:9

Lúgu nyanbe-nyundɔnɔgɔ na, Siyɔn mɔ wee wi lè fundaanri tunduɔn, da nyuu ní fànʔa ní, da yákpoli wáa ǹjogi ni fyáara fun ni, Zyerusalɛmi, mɔ wee wi lè fundaanri tunduɔn. Ki joo Zyuda kěyi ma mí jo: «Yele Kolocɔlɔw wéle wee!»

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 44:2

Yawe wi mɔ kpéʔele lè, woro wi syɛ́ɛnri naa joo, woro wee wi mɔ sámaga yaà mɔ nɔ́ɔw láʔa ni lè, ní i nyɛ mɔ dɛɛmɛfɔw, wi n jo: «Mɔ a kɔ́ ra fɛ̀ɛgí í, mii falipyew Zyakɔbi, Yesyurun, mɔ wee mii nyɛ́nɛ n wòlo lè.

Ezayi 54:4

Mɔ a kɔ́ fyáa í, níì cán fɛ̀ɛrɛ a mɔ taa í, mɔ a kɔ́ mɔ nyúngi jùngu í, níì cán faʔara a tée too mɔ na í. Mɔ a fɛ̀ʔɛ mɔ cárimi làla fɛ̀ɛrɛ kèlē na, mɔ a ní tée sɔ̀ngí taa mɔ lɔguugi faʔara na í.

Zyowɛli 2:21

Tára, mɔ a kɔ́ ra fɛ̀ɛgí í, da muguri máā fundaanra kpéʔele, níì cán Yawe wi kakpoloyi kpéʔele!

Zakarii 8:13

Zyuda kpáagi wòolo, ní Isirayɛli kpáagi wòolo, kánmee na yele da dánga lè syɛɛnfeleyi nínge ni, kánmi bee na mii a yele syɔɔ, yele si dùba taa. Yele a kɔ́ ra fɛ̀ɛgí í, ki n yɛlɛ fànʔa í jée yele kɔ́yi ni!»

Zakarii 8:15

«kánmi bee na mii níì gi fàli, mii n gi kɔ̀rirɔ n tímana cányi naa ni bi kacànna kpéʔele Zyerusalɛmi ní Zyuda kpáagi wòolo na. Yele a kɔ́ ra fɛ̀ɛgí í.

Zyan 12:12

Ki nyǐndaligi na syɛɛnnɛʔɛmi pi da kári lè fɛ́tiiw ma, a pi ga lóʔo Zyezu wɔ́ɔ i syée yaà Zyerusalɛmi ma,

2 Korɛnti ye 4:1

Amɛɛ Kolocɔlɔɔ nyinimɛ taa wolo na lè níì fáliw naa kaan wolo ma, koro na fɔ̀rɔyi o wolo fǎngi kwóo í.

Galasi ye 6:9

Wolo si ga yɛlɛ wolo í fɔ̀rɔ kacànbyeri na í. Níì cán wolo ga pye wolo ga fɔ̀rɔ í, cɛɛri ga pye wolo a di tɔ̀nɔw taa àmɛɛ yaliilaara nyɛ lè.

Efɛzi ye 3:13

Gee bee na mii i yele nyɛ́ɛri jàngó yele a kɔ́ mii wɔʔɔli kéele yaʔa li yele fɔ̀rɔ yele fúnyi ni í, lee li tuun mii na lè yele kéeli na. Loro li nyɛ yele kpɔ́ɔmi sábabu.

Heburubèle 12:12

Gee bee na gi yɛlɛ ye nìrimɛ le kɔ́yi ni yi fɔ̀rɔ lè, ní fànʔa fun yégunyi ni.

Tɛ̀ɛnnɛ 2:3

Mɔ i nyɛ kpàracogofɔlɔ, ní i wɔʔɔ mii mɛ́ɛgi kéele na, mɔ bárigaw si ga sèʔê kwɔ́ɔ í.