Sofonii 3:15 - Cebaara Bible 2010

¹⁵ Kútiiw wi da too mɔ na lè, Yawe n wi láʔa mɔ na, wi n mɔ nigoow kolo n lúrugo. Isirayɛli fànʔafɔw wi lè Yawe, wi i nyɛ mɔ níngi ni. Wɔʔɔgɔ ní o yaà, gee na mɔ a ra fɛ̀ɛgí lè í.

Sofonii 3:15 Iomraidhean Croise

Sélimɛ 30:23

A wi fícɛnnɛ taa n nànbile see. A wi jo: «Kolocɔlɔɔ n mii fɛ̀ɛ́ri láʔa mii na.»

Ŋúnuyi 149:2

Isirayɛli n yɛlɛ bàā fundaanra kpéʔele wi Faanfɔw ni. Siyɔn pìíbèle n yɛlɛ bàā muguri be Fànʔafɔw kéele na!

Ŋúnuyi 19:9

Yawe kajoogèle n sín, ke i fundaanra kaangi syɔɔn ma. Yawe tundunri n fílige, ti i gbɛ̀ɛnmɛ yirigi syɔɔn ma.

Ŋúnuyi 85:3

Mɔ n mɔ syɛ́ɛnbèle kolomɔ láʔa be na, mɔ n be kapeegèle myɛ tɔ́n. Ŋɔ́ndaala

Ezayi 12:6

Yaa fundaanra, ní mugurumɔ yákpogéle wáa, yele bele ye nyɛ lè Siyɔn ni! Níì cán Isirayɛli ye Wojanw wi nyɛ yele níngi ni lè, wi n kpɔ́ʔɔ.»

Ezayi 25:8

Wi a kùúw kwɔ́ɔ, gi kòro nya làla o làla. Kàfɔw Yawe a nyatinmi kurugo bi láʔa yɛ́ɛyi myɛ na, wi a wi syɛ́ɛnbèle faʔara kwɔ́ɔ tári tɛ́ɛyɛ myɛ ni, níì cán Yawe wi jo nya.

Ezayi 33:22

Níì cán Yawe wi nyɛ wolo kútiijoow. Yawe wi nyɛ wolo làlwabèle télegefɔlɔ. Yawe wi nyɛ wolo fànʔafɔw, woro wi wolo syoo.

Ezayi 35:10

Kánmi bee na, bele Yawe syɔɔ lè pe a lúru pan, pe a ra ŋúu bàā maa bi ba jée Siyɔn ni ní fundaanra ní, bàngwɔɔ fundaanra a pye àmɛɛ fànʔafɔ-nyùndɔnnɔ nyɛ lè pe nyúnyi ni, mugurumɔ ní fundaanra a pye be ma, fúnyi wɔʔɔgɔ, ní cɛ́ɛnmi a fàn bi kári.

Ezayi 51:22

Mɔ Kafɔw Yawe, wi lè mɔ Kolocɔlɔw, woro wee wi wi syɛ́ɛnbèle tánʔa nyuu lè, woro wi syɛ́ɛnri naa joo níì jo: «Yagbaali li nyɛ mɔ kɔ́gi ni lè, li fúngi yagbaʔa si i syɔɔn yɛ́ɛgi wóo lè, wéle, mii a li syɔɔ mɔ ma, mɔ a ní gbaa mii fundanʔagbɔɔri yagbaala ni í!

Ezayi 52:9

Zyerusalɛmi gurubɛɛri, ye pínɛ yaa fàndaara yákpogéle wáa! Níì cán Yawe i wi syɛ́ɛnbèle kpɛʔɛlɛ, wi i Zyerusalɛmi nyúngi syoo.

Ezayi 54:14

Mɔ a sámaga yére sínni báriga ni, bi syɔɔ fǎngi gbànna ma, níì cán mɔ a ní da fɛ̀ɛgí í, bi syɔɔ fyáakpɔɔri ma, níì cán ti a léeli mɔ na.

Ezayi 60:18

Gàlagí kéele joomɔ a ní lóʔo mɔ tári ni í, nyáʔamina ní kálagila a ní lóʔo mɔ láʔagoloyi na í. Mɔ a ra mɔ tobèle yiri ‹Syɔɔlɔ,› sáā mɔ kpaanweegèle yiri ‹Sòololo.›

Ezayi 65:19

Mii a ra muguri Zyerusalɛmi kéeli na, mii a pye fundaanra na mii syɛ́ɛnbèle kéele na. Nyɛnimɛ kafulogo a ní lóʔo yaà í, sùpiiwáara kafulogo a ní lóʔo yaà í.

Zyeremii 8:19

Mii calipili káyaʔa yákpolo li lee, li lè mii syɛ́ɛnbèle, lee li yìrigí táleelire ma lè, li n jo: «Yawe ní o nyɛ Siyɔn ni wii ì? Wi fànʔafɔw ní o nyɛ wi ni wii ì?» «Nyàʔá na be mii fúngi tanʔa ní be ǹdedanyi ní, yi lè gbanzan yanibɔnyi?»

Ezekyɛli 35:10

Ncan mɔ n gi joo níì jo: Syɛɛnfeleyi siin, ní tátɛɛyi siin a pye mii wóyo, wolo a yi syɔɔ bi taa, bi gi taa Yawe maa pye yaà.

Ezekyɛli 36:15

Mii a ní mɔ yaʔa mɔ í syɛɛnfeleyi tɛʔɛlɛyɛ lóʔo í, syɛɛnfeleyi faʔara a ní nan mɔ na í. Mɔ a ní mɔ syɛɛnfelegi yaʔa gi kpírige í, Kàfɔw Yawe wi jo nya.› »

Ezekyɛli 39:29

Mii a ní mii yɛ́ɛgi làriga be na í, níì cán mii a mii Pǐli tìrige bi tɔ́n Isirayɛli kpáagi wòolo na, Kàfɔw Yawe wi jo nya.› »

Ezekyɛli 48:35

Ki màʔa-mí-kpàraw tò a pye mɛ́tiribéle selebingéle sicɛrɛ ní saala kagunɔ. Bi séli cángi bee na, kěgi mɛ́ʔɛ a pye: «Yawe i nyɛ nɛɛ naa.»

Amɔsi 9:15

Mii a be cɔ́rɔ be tári ni, pe a ní kɔ́n bi yirige be tári ni í, toro dee mii kaan be ma lè,» Yawe mɔ Kolocɔlɔw wi jo nya.

Misye 7:10

Mii nigoow a gi nyaa, fɛ̀ɛrɛ si wi tɔ́n, woro wee wi da ni gi nyuu mii ma lè níì jo: «Sán Yawe mɔ Kolocɔlɔw nyɛ?» Mii nyapiigèle a taʔa nigoow na. Tɔ́ɔliw ni pe n wi tánʔana ní tɔ́lɔyi ní àmɛɛ kàlari-kóloyi fáriga nyɛ lè.

Habakuki 2:17

Níì cán péemi bi kpéʔele Liban na lè, poro a ŋɔ́ngari syɔɔ mɔ na. Yaweeri gàlagí fyáakpɔɔrɔ a mɔ cò, syɛ́ɛnbèle sìsyaan kéele na wi wo lè, ní péemi kéele na bi kpéʔele tári, ní kěgi, ní gi syɛ́ɛnbèle myɛ na lè.

Habakuki 2:8

Amɛɛ mɔ syɛɛnfeleye saʔa yárira fuguri n láa lè, syɛɛnfeleyi wozanya myɛ a wɔ́ɔ mɔ yáriri fuguri bi láa, syɛ́ɛnbèle sìsyaan kéele na, ní péemi kéele na mɔ kpéʔele tári, ní kěgi, ní gi syɛ́ɛnbèle myɛ na lè.

Sofonii 3:17

Yawe mɔ Kolocɔlɔw i nyɛ mɔ níngi ni, nànnirio wii, wee wi syɔɔn syoo lè. Wi fundaanratɔw a ra muguri mɔ kéeli na. Wi a kòro pyèrio mɔ tamagi kéele na. Wi a ra fàndaara mugurumɔ kpéʔele mɔ kéeli na.»

Sofonii 3:5

Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Zakarii 12:3

cángi bee na mii a Zyerusalɛmi kpéʔele kàdɛnɛgɛ, gee syɛɛnfeleyi myɛ a ra caa bi láa yìrige lè. Bele myɛ pe ga ni caa bi gi láa yìrige lè, pe a kpàli gbanʔama. Tári syɛɛnfeleye myɛ si a yiyɛɛ gbóʔoro gi kánmi na.»

Zakarii 14:11

Pe a tɛ́ɛn gi ni, kafuunnɔ a ní pye yaà í. Zyerusalɛmi a tɔ̀nɔ́ tɛ́ɛn yɛɛ̀nyinge na sági.

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Zyan 1:49

A Natanayɛli wi pye: «Tamafɔw, jàʔá mɔ wi nyɛ Kolocɔlɔɔ Jáaw ní wɔ́ɔ i nyɛ Isirayɛli ye Fànʔafɔw.»

Zyan 12:15

«Siyɔn calipili, ki ga yɛlɛ mɔ í da fɛ̀ɛgí í. Wéle, mɔ fanʔafɔw wi lúgu n tɛ́ɛn jòfanicaa pyà na ni maa wee.»

Zyan 19:19

A Pilati sɛ́bɛwaa kpéʔele n sáà táriga tiiparigi na, a sɛ́bɛw bee syɛ́ɛnrɛ jo: ZYEZU, NAZARƐTI YE WOW, WI LE ZYEFUBELE FANʔAFƆLƆ.

Zyan 5:30

«Mii a gbǎn yarigaa kpéʔele niyɛɛ bárigaw ni í, mii i kútiiw kúunri ni yɛlɛgi ní mii kaloʔogèle ní. Gee bee na mii kútiiw síngi, níì cán mii o caa bàā mii nyɛ́nɛ kèlē kpéʔele í, fwɔɔ mii Tunvɔw nyɛ́nɛ kèlē.

Tɛ̀ɛnnɛ 12:10

A mii yákpogbɔɔlɔ lóʔo nyɛ̀ʔɛni ni, a li i gi nyuu níì jo: «Tɔ́ɔliw ni syɔɔli, ní séew, ní wolo Kolocɔlɔw fànʔa n nan n kwɔ́ɔ n fàra wi Kirisiw sée na. Níì cán wee wi da ni sɔ́ɔn wolo senyɛnbèle na lè, pe n wi yirige n wáa kàfugi na, woro wee wi da ni yèré Kolocɔlɔɔ yɛ́ʔɛ ma lè ní i sɔ́ɔn be na canʔa ní yébilige.

Tɛ̀ɛnnɛ 18:20

Nyɛ̀ʔɛni, ki n yɛlɛ maa fundaanra kpéʔele gi kálagili kéele na! Yele Kolocɔlɔɔ syɛɛncanbèle, ní pìitunbèle, ní kanyaajoobèle, ki n yɛlɛ yaa fundaanra kpéʔele! Níì cán Kolocɔlɔɔ n gi kútiiw joo n ceri n yɛlɛ ní kapeegèle ní gi kpéʔele yele na lè.»

Tɛ̀ɛnnɛ 19:16

Mɛ́ʔɛ maa pye wozɛbɛgɛ ní wi búrogi, ní wi cèsiinyungi na, pe i gi yiri: FANʔAFƆBELE FANʔAFƆLƆ, ní KAFƆBELE KAFƆLƆ.

Tɛ̀ɛnnɛ 7:15

Gee bee na be nyɛ Kolocɔlɔɔ fàngoli yɛ́ʔɛ ma, ní i wi fáliw kpéʔele canʔa ní yébilige wi kpɔ̀ʔɔrɔli kpaʔa ni. Wee wi tɛ́ɛn lè fàngoli ni, wee bee a wi fànikpaagi tɛ́ʔɛ bi be tɔ́n.