Sofonii 3:14 - Cebaara Bible 2010

¹⁴ Siyɔn calipile, da fàndaara yákpolo wáa! Isirayɛli ye, yaa yákpogèle wáa ní fundaanra ní! Zyerusalɛmi, da fundaanra kpéʔele, máā muguri ní mɔ fúngi myɛ ní!

Sofonii 3:14 Iomraidhean Croise

Nehemii 12:43

A syɛ́ɛnbèle sáriganɛʔɛɔ wòlo cángi bee, ní tɔ̀nɔ́ i fundaanra kpéʔele, níì cán Kolocɔlɔɔ maa fundaangbɔɔrɔ kéele pye be ma. A cébèle ní pìíbèle wɔ́ɔ i fundaanra kpéʔele, a pe i Zyerusalɛmi fundaanri yákpowáara lúro tɛɛ̀leelige ni.

Ŋúnuyi 14:7

Ee, mii i caa bi Isirayɛli syɔɔli nyaa, lee li a yìri Siyɔn ma lè! Lǎli ni Yawe ga wi syɛ́ɛnbèle yirige púlori ni n lúru n pan lè, lǎli bee ni Zyakɔbi a ra muguri, Isirayɛli a ra fundaanra kpéʔele.

Ŋúnuyi 149:2

Isirayɛli n yɛlɛ bàā fundaanra kpéʔele wi Faanfɔw ni. Siyɔn pìíbèle n yɛlɛ bàā muguri be Fànʔafɔw kéele na!

Ŋúnuyi 97:8

Siyɔn n gee bee lóʔo, ní i fundaanra kpéʔele, Zyuda calipiigèle i muguri mɔ kútiiw cerile kéele na, ee Yawe!

Ezayi 12:6

Yaa fundaanra, ní mugurumɔ yákpogéle wáa, yele bele ye nyɛ lè Siyɔn ni! Níì cán Isirayɛli ye Wojanw wi nyɛ yele níngi ni lè, wi n kpɔ́ʔɔ.»

Ezayi 29:19

Màabyebèle a kòro bàā fundaanra kpéʔele Yawe ni, bele be fɔ̀n n sɔ̀lɔ syɔɔn ye ni lè, poro a ra muguri Isirayɛli Wojanw ni.

Ezayi 35:2

Di fyɛ́ɛnri í nyɔɔ àmɛɛ sìnbirigi nyàáfyɛɛnrɛ nyɛ lè, táā muguri bàā fundaanra yákpolo wáa. Yawe a Liban nìjanri kaan di ma, n fàra Karimɛli ní Sarɔn nyɔɔni na. Pe a Yawe nìjangbɔɔri nyaa, ti lè wolo Kolocɔlɔw nyɔɔnɔ.

Ezayi 37:22

Syɛ́ɛnri Yawe joo wi kánmi na lè, toro di nyɛ dee naa: ‹Nàngeele sinján-pìcaaw, Siyɔn calipili, li i mɔ faari ní i liyɛɛ nyɛ́nɛ mɔ na, Zyerusalɛmi calipili lii, li i nyǔngi kólo mɔ kadoʔo ma.

Ezayi 40:1

Ye mii syɛ́ɛnbèle kpɛʔɛlɛ, ye be kpɛʔɛlɛ, yele Kolocɔlɔw wi jo nya.

Ezayi 40:9

Lúgu nyanbe-nyundɔnɔgɔ na, Siyɔn mɔ wee wi lè fundaanri tunduɔn, da nyuu ní fànʔa ní, da yákpoli wáa ǹjogi ni fyáara fun ni, Zyerusalɛmi, mɔ wee wi lè fundaanri tunduɔn. Ki joo Zyuda kěyi ma mí jo: «Yele Kolocɔlɔw wéle wee!»

Ezayi 51:11

Kánmi bee na bele Yawe syɔɔ lè, pe a lúru pan, pe a ra ŋúu bàā maa ní fundaanra ní bi ba nan Siyɔn na, bàngwɔɔ fundaanra a pye àmɛɛ fànʔafɔ-nyùndɔnnɔ nyɛ lè pe nyúnyi ni. Mugurumi ní fundaanri a pye be ma, fúnyi wɔʔɔgɔ, ní cɛ́ɛnmi a fàn bi kári.

Ezayi 52:9

Zyerusalɛmi gurubɛɛri, ye pínɛ yaa fàndaara yákpogéle wáa! Níì cán Yawe i wi syɛ́ɛnbèle kpɛʔɛlɛ, wi i Zyerusalɛmi nyúngi syoo.

Ezayi 54:1

«Mɔ cenaa-sìnzeeo, mɔ wee wi lè mɔ ga pìibēle see í, da fundaanra yákpolo wáa, da fundaanra yákpolo wáa, maa muguri, mɔ wee wi lè wi ga pyà see dulunyanw ni í. Níì cán céwee be yaʔa lè, woro pìíbèle a ba nɛʔɛ bi sɔ̀lɔ wee wòolo na, wee má nàɔn nyɛ lè,» Yawe wi jo nya.

Zyeremii 30:19

Bariga kaanna ní fundaanra yákpolo a ra yìrigí be níngi ni. Mii a be nɛʔɛ pe a tée cɛ́rɛ í, mii a be kpɔ́ʔɔ, pe a pye yafaʔagéle í.

Zyeremii 31:13

Lǎli bee ni nàngeele sinján pìcaa a ra fundaanra kpéʔele yɔ́ɔli na, nígɔcaribèle, ní nànlɛɛbèle wɔ́ɔgēle. Mii a be kùu káyaagi kàriga mugurumɔ, mii a be kpɛʔɛlɛ. Mii a fundaanra kaan be ma pe fɔ̀rɔyi sìndɛʔɛ ni.

Zyeremii 33:11

koro gi nyɛ bariga kaanni ŋúnuyo, ní fundaanri ŋúnuyo, ní nìyiliw ŋúnuyo, ní pìcaaw ŋúnuyo, ní bele ŋúnuyo, bele be gi nyuu lè níì jo: Yaa Yawe sòoló, wi lè Nyɛ̀ʔɛni Sùlasiibéle Kafɔlɔ, níì cán Yawe n nyɔɔ, níì cán wi funjǎngi a tée kwɔ́ɔ í. Ní bele be bariga kaanni sáriga wóo lè, poro ŋúnuyi Yawe kpáagi ni. Níì cán tári wòolo be cò n kári lè, mii a be lúrugo pan, pe a ba pye àmɛɛ ki da pye lè booma ni,› Yawe wi jo nya.

Zyowɛli 2:23

Yele Siyɔn pìíbèle, yaa muguri, yáā fundaanra kpéʔele Yawe ni, wi lè yele Kolocɔlɔw, níì cán wi n zěseligi kaan yele ma ki lǎli ni, wi i ki wozeligi ní gi wozangi cáan yele ma n yɛlɛ ní booma kánmi ní.

Misye 4:8

A mɔ, yaweeri gboolo kpaataʔa-tɔ́nɔgɔ, Siyɔn calipili dǎndamaga, fàngbɔɔgi wozelige a pan fwɔɔ ba nan mɔ na, ki lè Zyerusalɛmi calipili fànʔa.»

Matye 21:9

A yɛʔɛ̀ ma syɛ́ɛnmi ní kàdoʔo ma wómi i yákpogèle wáa níì jo: «Kpɔ̀ʔɔrɔli í pye Davidi Jáaw ma. Wee wi maa lè Kàfɔw mɛ́ʔɛ na, ki n yɛlɛ dùbaw í pye wi ma. Kolocɔlɔɔ n yɛlɛ ní kpɔ̀ʔɔrɔlɔ ní nyɛ̀ʔɛni ǹjoʔo ni.»