Sofonii 3:13 - Cebaara Bible 2010

¹³ Isirayɛli wogorobèle a ní da kakoloyo kpéʔele í. Pe a ní da jànvaa nyuu í, námara nyíngéle a pye be nyɔ́ɔyi ni í, pe a ra líi sáā sìnɛ́, syɔɔn faala a ra be tɔ́ɔrɔ í.»

Sofonii 3:13 Iomraidhean Croise

2 Cányi kèlē 20:30

A Zyozafati fǎngi pye yɛɛ̀nyinge na, ncan wi Kolocɔlɔw maa ŋɔ́ndaala kaan wi ma kàbanyi myɛ na.

Zyɔbi 11:19

Syɔɔn faala a mɔ fígiri mɔ larizinɛni ni í, syɛ̀ɛnnɛ saʔa a ra kacànna nyɛ́ɛri bàā kaangi mɔ ma.

Ŋúnuyi 119:3

Pe tɔ̀nɔ́ o sìnzinmɛ kele kpéʔele í, kàjáa pe i táanri ni yɛlɛgi ní wi kólogi kèlē ní.

Ŋúnuyi 120:2

Yawe, mii syɔɔ jànvaa nyɔɔwari ma ní jànvaa nyínni ma!

Ŋúnuyi 120:3

Nyàʔá ki a kaan mɔ ma? Nyàʔá mɔ a taa gi ni jànvaa nyínni?

Ŋúnuyi 23:2

Wi i mii sínɛgi nyàápungi tɛ́ɛyɛ ni, wi i syée ní mii ní lǒyi ma yi yére lè sági.

Ezayi 17:2

Aroyɛɛri kěyi n yaʔa, yi n kaan yaweeri ma. Ti n yi kpéʔele di tɛɛkòrogi, wàa faala o di tɔ́ɔrɔ í.

Ezayi 35:8

Kologo a wòlo yaà, ki a pye kologaa gee pe a ra yiri lè Kojǎngi. Yanɔnʔɔgɔ a sɔ̀lɔ gi ni í. Bele pe a ra táanri gi ni lè, ki a pye poro yagwɔɔlɔ wóʔo, àlí kanaa-sìnjánbèle a gbǎn pùuni gi ni í.

Ezayi 54:14

Mɔ a sámaga yére sínni báriga ni, bi syɔɔ fǎngi gbànna ma, níì cán mɔ a ní da fɛ̀ɛgí í, bi syɔɔ fyáakpɔɔri ma, níì cán ti a léeli mɔ na.

Ezayi 6:13

Pe tílaya kɛɛ wógi ga kòro di ni, koro a sógi. Ki si a pye àmɛɛ terebɛnti tíige, wàlá syɛni tíige nyɛ lè, pe ga gi kpúmɔn, ki nyúngi n kòro yaà, syɛɛnfelegi bee nyúngo a ba yòdaʔacànga yirige.»

Ezayi 60:21

Mɔ syɛ́ɛnbèle myɛ a pye syɛɛnsinbéle, tári a pye pe worò làla o làla. Fíinge gii, gee mii cɔ́rɔ lè, mii kɔ́yi fáli wii, bi mii gbɛ̀ɛngbɔɔmi tɛ̀ɛn.

Ezayi 63:8

Wi maa jo: «Kányɛʔɛ na, pe i nyɛ mii syɛ̀ɛnnɛ, pe i nyɛ jaafɔɔlɔ, bele be lè pe o syɔɔn jànváa í!» Wi maa pye be ma syɔɔfɔlɔ.

Ezayi 65:10

Sarɔn tɛɛfiigi a pye yaweeyiligèle tɛɛliige, Akɔri jǐnlɔgi í pye yaweekpologèle tɛɛ̀sinɛgɛ mii syɛ́ɛnbèle ma, poro bele pe a ba mii caa lè.

Zyeremii 23:4

Mii a bànaʔabēle télege pe nyúngi na, pe a ra be náari. Pe a ní da fɛ̀ɛgí í, pe a ní da cɛ̀lɛ́ í, wàa nibin a fɔ̀n be ni í,» Yawe wi jo nya.

Zyeremii 30:10

Mɔ si na, mii falipyew Zyakɔbi, mɔ a kɔ́ ra fɛ̀ɛgí í,› Yawe wi jo nya. ‹Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā be tɔ́ɔrɔ í.

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Ezekyɛli 39:26

Lǎli bee ni pe a fɛ̀ʔɛ be faʔari na, ní sìnzinmi kèlē myɛ na be kpéʔele mii na lè. Pe a tɛ́ɛn fyáara fun pe tásaligi na, syɔɔn faala a ra be tɔ́ɔrɔ í.

Levii ye sáriga-wòlori 26:6

Mii a tári yaʔa di kòro yɛɛ̀nyinge na. Yele a ra ŋúnɔ, syɔɔn faala a ra yele tɔ́ɔrɔ í. Mii a yaweepeeyi kwɔ́ɔ bi yirige tári ni. Ŋɔséew a tée sɔ̀lɔ yele tári ni í.

Misye 4:4

Pe myɛ nibin nibin a ra tɛ̀ɛ́n be ɛrɛzɛn tírire, ní be děsyaantiire láara ni, syɔɔn faala a ní pye yaà bàā be tɔ́ɔrɔ í. Níì cán Yawe wi lè Nyɛ̀ʔɛni Sùlasiibéle Kafɔlɔ, woro nyɔ́ɔgi ki gi joo.

Misye 4:7

Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Misye 7:14

Da mɔ banaʔa-kpeeli téeri maa mɔ syɛ́ɛnbèle nàʔá, poro bele be nyɛ lè mɔ kɔ́rigi yaweegboolo, loro lee li kòró lè li nibin kɔ́ligi ni, tíiri séʔe nínge ni! Ki n yɛlɛ paa nàʔá Basyan na, ní Galaadi tɛ́nɛmi ni, àmɛɛ booma cányi pye lè.

Sofonii 2:7

Solomɔ lònyɔɔw bee a pye Zyuda kpáagi wozanbèlē wóo. Nɛɛ bee pe a ra be yaweeri nàʔá. Cángi ga kwɔ́ɔ Asikalɔn kpáayi a pye be tɛɛ̀syɔɔnyi. Níì cán Yawe be Kolocɔlɔw a kacànna pye be na, si be yirige púlori ni.

Sofonii 3:5

Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Zakarii 8:12

«Níì cán yɛɛ̀nyingi lùguro di nyɛ dee naa: Ɛrɛzɛn tíriri a ra sangi, tári yafálara a ra nyɔɔgi, nyɛ̀ʔɛni a ra li kásagi kaangi. Mii a syɛ́ɛnbèle naa wogorobéle yaʔa be yacanri naa myɛ taa di pye be worò.

Zakarii 8:16

Syɛ́ɛnri naa ti lè dee, ki n yɛlɛ yele í da táanri di na, toro di nyɛ: Yele myɛ nibin nibin n yɛlɛ bàā kányɛʔɛ nyuu yeyɛɛ ma, yaa kútiiw nyuu yele kpàánweegèle na bi yɛlɛ ní kányɛɛgi ní, wi pye bɛ̀ɛlɛ kútii.

Zakarii 8:3

Yawe n syɛ́ɛnri naa joo níì jo: «Mii a lúru pan Siyɔn ma, mii a ba tɛ́ɛn Zyerusalɛmi níngi ni. Zyerusalɛmi a ba ra yiri kányɛɛgi kàʔa, Nyɛ̀ʔɛni Sùlasiibéle Kafɔlɔ Yawe nyanbelegi a ba ra yiri nyanbelegi gi yaʔa Kolocɔlɔɔ ma lè.»

Matye 13:41

Syɔɔn-pya a ba wi tundunbèle tórigo koro ga pye yariga o yariga gi syɔɔn pùuní lè be sa gee bee ní kakolobyebèle myɛ kpóʔoro bi yirige woro fǎngi ni,

Zyan 1:47

A Zyezu ga Natanayɛli wéle n nyaa wi i maa woro ma, a wi jo: «Wee naa tɔ̀nɔ i nyɛ Isirayɛli ye syɛɛncandelewaa, ncan wi o syɔɔn fáana í.»

Kɔlɔsi ye 3:9

Ki ga yɛlɛ yele í kɔ́ ra finɛ yeyɛɛ ma í, àmɛɛ yele kanlɛɛmi ní bi kapyegèle wòlo yeyɛɛ na lè,

1 Pyɛri 3:14

Alí ki ga wírè pye yele í da wɔʔɔ sínni kéele na, yele i nyɛ dùba pìibēle! Yele a kɔ́ ra fɛ̀ɛgí be syɛɛngbanri joolo na si yele fúnyi yaʔa yaa curugu yele na í.

1 Zyan 5:18

Wolo n gi cán ncan syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í. Níì cán Kolocɔlɔɔ Jáaw i wi kɔ̀rɔsíi, Wobeew a tée wi taa cò í.

Tɛ̀ɛnnɛ 14:5

jànvaa syɛ́ɛnrɛ si da yiri pe nyɔ́ɔyi ni nyáana í. Pe i nyɛ tɛɛlɛ fun.

Tɛ̀ɛnnɛ 21:27

Yanɔnʔɔgaa faala si a gbǎn jée yaà gi ni nyáana í, bele be Kolocɔlɔɔ kanibɛɛngèle kpéʔele lè, wàlá bele be finɛ lè, bele bee wàa faala a tée jée yaà gi ni í, kawolo bele mɛ́ɛyɛ yi sɛ́bɛ lè Bàpili sìi sɛ́bɛ ni.

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»