Sofonii 3:12 - Cebaara Bible 2010

¹² Mii a syɛ́ɛnbèle pèle yaʔa mɔ níngi ni, bele be nyɛ lè màámi fɔ̀ɔlɔ ní fóomi fɔ̀ɔlɔ, pe a Yawe mɛ́ɛgi pye be tɛɛlaragi.

Sofonii 3:12 Iomraidhean Croise

Ɛsidirasi 9:8

Kàjáa lǎli naa ni, ki ga mɔn í, Yawe wolo Kolocɔlɔw n nyɔɔ wolo na, níì wo pèle yaʔa a wo kòro sìi na, níì tɛɛlaraga kaan wolo ma wi tɛɛcǎngi ni, koro ga pye wolo Kolocɔlɔw í gbɛ̀ɛnmɛ yirige wolo nyapiigèle í da nyaagi, si sìi cɛɛri kaan wolo ma wolo púlori fáli ni.

Ŋúnuyi 37:40

Yawe i be dɛ̀ɛmɛ́, ní i be kpáaw wéle. Wi i be yirigi syɛɛnpeebèle kɔ́yɔ ni, wi i be syoo, níì cán pe n peyɛɛ kàlifáa wi ma.

Ezayi 14:30

Lǎli bee ni fɔ̀rɔgɔfɔbèle wozelibèlē a gbǎn ra nàʔá, fɔ̀ngɔfɔbèle a tɛ́ɛn ŋɔ́ndaala na, kàjáa mii a mɔ ninri kpóo ní kateʔe ní. Pe a mɔ wogorobèle kpóo.

Ezayi 14:32

Syɛɛnlurugodìí ti a kaan syɛɛnfelegi naa tundunbéle ma? Ti a jo: «Yawe n Siyɔn télege, a wi syɛ́ɛnbèle fɔ̀rɔgɔfɔɔlɔ i tɛɛlaraga taagi yaà.»

Ezayi 29:19

Màabyebèle a kòro bàā fundaanra kpéʔele Yawe ni, bele be fɔ̀n n sɔ̀lɔ syɔɔn ye ni lè, poro a ra muguri Isirayɛli Wojanw ni.

Ezayi 50:10

Wìí syɔ́ɔn wi fɛ̀ɛgí yele ni Yawe na, ní i lúro wi falipyew ma? Wee wi táanri yébilimi ni lè, gbɛ̀ɛnmɛ si o nyɛ wi ma í, ki n yɛlɛ wi wiyɛɛ daʔa Yawe mɛ́ɛgi na, wi wiyɛɛ zígi wi Kolocɔlɔw na.

Ezayi 6:13

Pe tílaya kɛɛ wógi ga kòro di ni, koro a sógi. Ki si a pye àmɛɛ terebɛnti tíige, wàlá syɛni tíige nyɛ lè, pe ga gi kpúmɔn, ki nyúngi n kòro yaà, syɛɛnfelegi bee nyúngo a ba yòdaʔacànga yirige.»

Zyeremii 17:7

Syɔ́ɔnwee wi wiyɛɛ daʔa Yawe na lè, n Yawe kpéʔele wi sɔ̀ngumi tɛɛtaʔaga, wee bee i nyɛ dùba pyà!

Zyeremii 50:20

Cányi bee, ní lǎli bee ni,» Yawe wi jo nya, «pe a ra Isirayɛli kolomi tɛ́ɛlɛ caa, li si a ní nyaa í, ní Zyuda kapeeli, li si a ní nyaa í. Níì cán wozanbèle mii ga yaʔa lè, mii a be kùsulugi syɔɔ.

Ezekyɛli 6:8

Kàjáa mii a yele pèle cɛɛri yaʔa be kòro sìi na, bele pe a syɔɔ ŋɔséew ma lè syɛɛnfeleyi nínge ni, lǎli ni yele a cariga bi kári lè tátɛɛyɛ saʔa ni.

Misye 5:6

Zyakɔbi wogorobèle a pye syɛɛnfele-nɛʔɛyɛ nínge ni àmɛɛ kásaga nyɛ, gee gi yìrigí Yawe ma ni maa lè, ní àmɛɛ zěkpɔʔɔ tuun nyàā na lè, ki o córo syɔɔn na í, ki ga kiyɛɛ daʔa syɔɔn ye na í.

Nahumi 1:7

Yawe n nyɔɔ, wi i nyɛ tɛɛlaraga wɔʔɔgi canʔa na. Bele be làrá wi taana lè, wi i be kɔ̀rɔsíi.

Zakarii 11:11

A li si wɔ́ɔ̀ sàa cángi bee. Bǎbèle be pye foomɔ wòolo ní n sɔ̀lɔ pe myɛ na lè, níì be yákiriw yaʔa mii na, a poro gi cán Yawe syɛ́ɛnri ti da pye.

Zakarii 11:7

Lǎli bee ni a mii pye bǎbèle nàʔafɔlɔ, bele be yaʔa kaàkpoo-tɛ́ɛgi yɛ́ʔɛ na lè, poro bele be tɔ̀nɔ n pye foomɔ wòolo ní n sɔ̀lɔ bǎbèle bele na lè. Mii n bànaʔa-kpèegēle siin láa, a mii i làa yiri tàmaga, ní i lee yiri Pínɛnyɛnnɛgɛ, a mii i bǎbèle nàʔá.

Matye 11:5

Fúunbèle i nyaagi, syɛɛnmɔngɔbèle si i táanri, yaanyɛɛnmi fɔ̀ɔlɔ si wɔ́ɔ i poori, dùnɔbèle si i lúro, kúbèle si wɔ́ɔ i nyángi, foomɔfɔbèle si i Syɛɛnjóocǎnri lúro.

Matye 12:21

Syɛɛnfeleyi a ba wi mɛ́ɛgi pye yi sɔ̀ngumi tɛɛtaʔaga.› »

Matye 5:3

«Bele be peyɛɛ jóro lè foomɔfɔɔlɔ be pìígèle ni, bele bee i nyɛ dùba pìibēle, níì cán nyɛ̀ʔɛni fànʔa i nyɛ pe woʔò!

Wɔrɔmi ye 15:12

Ezayi n wɔ́ɔ níì jo: «Wee wi lè Izayi yòdaʔagi, wi a pan, woro wee wi a ba yìri lè bi tɛ́ɛn syɛɛnfeleyi nyúngo na. Syɛɛnfeleyi a ba yi sɔ̀ngumi taʔa wi na.»

Zyaki 2:5

Mii senyɛn-nidaanmabèle, ye lóʔo, yele ga tɔ̀ʔɔ̂ gi cán ncan bele dulunyanw syɛ̀ɛnnɛ córo lè foomɔfɔbèle, bele bee Kolocɔlɔɔ nyɛ́nɛ n wòlo n kpéʔele yarigaa fɔ̀ɔlɔ woro ma tágali kólogo ni ì? Nyɛ̀ʔɛni fànʔa si pye pe woʔò, gee wi joo wi a kaan bele má be tàmaga le ní woro ní lè ì?

1 Pyɛri 1:21

Woro bárigaw ni yele tága Kolocɔlɔɔ na, woro wee wi wi nyán n yirige kúbèle nínge ni lè, níì nìjangbɔɔri taʔa wi na, a koro gi kaan a yele tága Kolocɔlɔɔ na níì yele sɔ̀ngumi taʔa wi na.