Sofonii 3:11 - Cebaara Bible 2010

¹¹ «Cángi bee na nàʔabeemi myɛ mɔ kpéʔele mii na lè, fɛ̀ɛrɛ a ní mɔ taa bi kéeli na í, níì cán lǎli bee ni bele be muguri ní nɛ̀ɛnyɛnɛgɛ ní lè mii a be cɔɔnri yirige mɔ níngi ni. Mɔ a láʔa nɛ̀ɛgbɔʔɔgi pyele na mii nyanbejǎngi na.

Sofonii 3:11 Iomraidhean Croise

Ŋúnuyi 131:1

Njogi lúgufɔɔlɔ ŋúnugo. Davidi wógi. Ee Yawe, joogbɔɔmɔ fúngo, wàlá kpɔɔmɔ wéleganma o nyɛ mii ma í. Mii o jǐn kakpoloyi, ní bìngaari kèlē ni ge kpólo n sɔ̀lɔ mii na lè í.

Ŋúnuyi 49:5

Mii a mii líiyi cáan bi kàseele lóʔo, mii a mii kàseeli kɔ́rɔ joo bi tɛ̀ɛn kɔ̀ríw ni.

Ŋúnuyi 59:12

Mɔ a kɔ́ be kpóo í, koro ga pye mii syɛ́ɛnbèle a kɔ́ fɛ̀ʔɛ í. Pe cariga ní mɔ séew ní mi be tìrige mi cáan, ee Kàfɔw, mɔ wi lè wolo tunmɔzige-yárigi.

Ezayi 11:9

Yarigaa faala a ra kapeʔe wàlá kálagila kpéʔele mii nyanbejǎngi tɛ́ɛgaa faala ni í. Níì cán Yawe cánni a tári nyìn, àmɛɛ lǒgi sólomi lɔ̀ʔɔ fúngo nyìn lè.

Ezayi 2:12

Níì cán Yawe wi lè Nyɛ̀ʔɛni Sùlasiibéle Kafɔlɔ, wi n canʔa tɛ́ʔɛ nɛ̀ɛnyɛnɛgi fɔ̀ɔlɔ myɛ, ní kpɔ́ɔmi fɔ̀ɔlɔ myɛ kánma na, ní yariga o yariga kánmi na ki kiyɛɛ yìrigí ǹjoʔo ma lè, ki si a ba tìrige táàma.

Ezayi 45:17

Ki si ga yére Isirayɛli na, Yawe wi syɔɔli kaan wi ma, bàngwɔɔ syɔɔlɔ. Fɛ̀ɛrɛ a tée yele taa í, yele nyúnyi a tée jùngu nyáana í.

Ezayi 5:15

Wee wi lè syɔɔn, wi n kùru, syɔɔn n tìrige táàma. Kpɔ́ɔmi wéleganma fɔɔlɔ nyúnyo a jùngu.

Ezayi 54:4

Mɔ a kɔ́ fyáa í, níì cán fɛ̀ɛrɛ a mɔ taa í, mɔ a kɔ́ mɔ nyúngi jùngu í, níì cán faʔara a tée too mɔ na í. Mɔ a fɛ̀ʔɛ mɔ cárimi làla fɛ̀ɛrɛ kèlē na, mɔ a ní tée sɔ̀ngí taa mɔ lɔguugi faʔara na í.

Ezayi 56:7

mii a pan ní bele bee ní mii nyanbejǎngi ma, mii a ba fundaanra kaan be ma mii nyɛ́ɛrigi kpaʔa ni. Mii a ra fɔ̀lɔ́ be sáriga-sórigow, ní be sárigaw na be wóo mii sáriga-wòlo-yafaangi na lè. Níì cán pe a ra mii kpáagi yiri Kolocɔlɔɔ nyɛ́ɛrigɛ kpaʔa, gee ki a pye lè syɛɛnfeleyi myɛ wóʔo.»

Ezayi 61:7

Yele a ba lɛɛgéle siin taa yele fɛ̀ɛ́ri sìndɛʔɛ ni. Pe a ba pye fundaanra na funjurugori sìndɛʔɛ ni. Kánmi bee na pe a lɛɛgéle siin taa be tári ni. Pe fundaanri si pye bàngwɔɔ wóro.

Zyeremii 13:9

«Yawe wi syɛ́ɛnri naa joo níì jo: ‹Kánmi bee wonijanma na mii a Zyuda nɛ̀ɛnyɛnɛgi kálagi, ní Zyerusalɛmi nɛ̀ɛnyɛnɛ-nɛʔɛgi.

Zyeremii 7:4

Yele a kɔ́ yeyɛɛ daʔa jànvaa syɛ́ɛnrɛ na í si jo: Nɛɛ naa Yawe kpɔ̀ʔɔrɔli kpaʔa nyɛ, Yawe kpɔ̀ʔɔrɔli kpaʔa! Yawe kpɔ̀ʔɔrɔli kpaʔa!

Ezekyɛli 20:40

Níì cán mii nyanbejǎngi na, Isirayɛli nyanbe-nyundɔnɔgi na,› Kàfɔw Yawe wi jo nya, ‹Isirayɛli kpáagi wòolo myɛ a ba ra báara mii ma, pe myɛ binɛw pe a pye lè wodɛ́ɛnbéle ní tári ni. Nɛɛ bee mii a ra fɔ̀lɔ́ be na. Mii a ra yele sáriga-yirigew caa, wi lè yele yakaanyi yaselige, ní gee myɛ yele ga wòlo n yaʔa kɔlɔ̀ na Kolocɔlɔɔ ma lè.

Ezekyɛli 24:21

‹Ki joo Isirayɛli kpáagi wòolo ma mí be pye: Kàfɔw Yawe wi syɛ́ɛnri naa joo níì jo: Wéle, mii a mii tɛɛcǎngi kálagi, ki lè yele nɛ̀ɛgbɔʔɔgi fànʔa, ní yele nyapiigèle yanidaanmaga, ní yele fúnyi tàmaga yáriga. Yele nànbiigèle ní yele calipiigèle yele kári níì yaʔa lè, ŋɔséew a ge kpóo cáan.

Danyɛli 9:16

Ee Kàfɔw, bi yɛlɛ ní mɔ sínni kapyegèlē ní, ki n yɛlɛ mi mɔ fundanʔari, ní mɔ fundanʔagbɔɔri láʔa nya Zyerusalɛmi na, ki lè mɔ kegi ní mɔ nyanbejǎngi. Níì cán Zyerusalɛmi, ní mɔ syɛɛnfelegi n pye yafaʔala syɛ́ɛnbèle myɛ ma pe wolo màʔa lè, wolo kapeegèle ní wolo tóolɛɛbèle kolomɔ kele kéele na.

Danyɛli 9:20

Mii maa sèʔê pye jooli na, mii maa ni nyɛ́ɛri, mii maa ni mii kapeeli nyuu ni tèé, ní mii syɛ́ɛnbèle Isirayɛli ye kapeeli, ní i mii nyɛ́ɛrigboloyi nyɛ́ɛri Yawe mii Kolocɔlɔw ma, mii Kolocɔlɔw nyanbejànga kéele na.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Córolo 16:3

A be peyɛɛ gbóʔoro Mowizi ní Aarɔn kánmi na, ní baa be pye: «Yele n kɔ́ɔ̀ gi pye n sɔ̀lɔ! Níì cán syɛ́ɛnmi myɛ tɔ̀nɔ́ i nyɛ wojanbéle ní, Yawe si wɔ́ɔ i nyɛ be níngi ni. Nyàʔá na yele yeyɛɛ lúrugu ni télegi Yawe syɛ́ɛnmi nyúngo na?»

Matye 3:9

Yele a kɔ́ ra gi sɔ̀ngí yele fúnyi ni bi jo, Abirahami wi nyɛ yele tóow í. Níì cán mii a gi joo yele ma, Kolocɔlɔɔ fánʔa i nyɛ bi gbǎn kàdɛnɛri naa kàriga taa pìibēle sii be pye Abirahami wòolo.

Wɔrɔmi ye 2:17

Mɔ i miyɛɛ yiri Zyefuo, níì mɔ sɔngumi taʔa Mowizi làlwaw na, ní i miyɛɛ gbɔ́ʔɔgi ní Kolocɔlɔɔ kéeli ní,

Wɔrɔmi ye 9:33

Amɛɛ gi sɛ́bɛ lè níì jo: «Ye wéle, mii n kàdɛnɛgɛ tɛ́ʔɛ Siyɔn kěgi fúngo ni gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè, syɔ́ɔnwee wi tága wi na lè, fɛ̀ɛrɛ a tée wee bee taa bi nyaa nyáana í.»

1 Pyɛri 2:6

Níì cán ki n sɛ́bɛ Kolocɔlɔɔ syɛɛnsɛbɛri ni níì jo: «Ye wéle, mii n jɛ̀ɛ́nni kàdɛnɛzelige tɛ́ʔɛ Siyɔn kěgi fúngo ni, gee mii nyɛ́nɛ n wòlo n córo lɔgbanra wóʔo lè, syɔ́ɔnwee wi tága gi na lè, fɛ̀ɛrɛ a tée wee bee taa bi nyaa nyáana í.»