Sofonii 3:10 - Cebaara Bible 2010

¹⁰ Mii kpɔ̀ʔɔrɔfɔbèle, poro bele mii cariga lè, pe a ra yìrigí yaà Etyopii cábiyi jelige na bàā maa ní yakaanyi ní mii ma.

Sofonii 3:10 Iomraidhean Croise

Ŋúnuyi 68:31

Fúlo nyɛnɛgɔligi yaweʔe na, ní náapegèle gboolo, ní syɛɛnfeleyi náapiiye na, pe tìgí too mɔ taana ní wálifiiw támabéle ní! Syɛɛnfeleyi kapɛɛnni dɛ́nɛ lè, ki n yɛlɛ mi yi cariga!

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 11:12

Wi a dìrapo yìrige syɛɛnfeleyi ma, wi a Isirayɛli wovanbèle kpóʔoro peyɛɛ na bi Zyuda wojarigabèle yìrige tári kàbanya sicɛrɛ ma bi kpóʔoro.

Ezayi 18:1

Ee tára, beè fókaanya fúlo lè, mɔ wi lè Kusyi cábiyi jelige na.

Ezayi 18:7

Lǎli bee ni pe a ra maa ní yakaanya ní Yawe ma, wi lè Nyɛ̀ʔɛni Sùlasiibéle Kafɔlɔ, yee yi a ra yìrigí lè syɛ́ɛnbèle ma, bele be tɔnɔ lè, á be céri wɔlɔgɔ, bele be nyɛ lè fyáara yáriya nlaa be nyɛ beè lè, séekpɔɔɔ syɛɛnfelege gii, gee gi yáriri myɛ tɔ́nʔɔnɔ lè, koro gee tára cábiya palapala lè. Pe a kári ní yakaanyi bee ní bi sa nan Nyɛ̀ʔɛni Sùlasiibéle Kafɔlɔ Yawe mɛ́ɛgi tɛ́ʔɛ na, ki lè Siyɔn nyanbelegi.

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zyan 7:35

Lǎli bee ni a Zyefubèle i gi nyuu peyɛɛ ma níì jo: «Sán woro a zǐn kári níì jo wolo a ní woro nyaa í? A wi a tɔ̀ʔɔ́ kári lé wolo Zyefunyɛnbèle kurugo, bele be cariga lè n kári n sáà tɛ́ɛn ní syɛɛnfeleyaa ní yi lè Girɛkibèle, sáā bele bee tama yaà láà?

Kapyegèle 24:17

Amɛɛ yɛ̀ʔɛlɛ saʔa kwɔ́ɔ lè mii ga níì kári Zyerusalɛmi ma í, gee bee na mii da kári sa kpɔʔɔrɔ kaan mii tári syɛ̀ɛnnɛ ma, si wɔ́ɔ sáriga wòlo Kolocɔlɔɔ ma.

Kapyegèle 8:27

A wi yìri n kári. Wéle, a wi sáà Etyopii tári nànwaa nyaa, wee pe da wòlo n kàriga lè nìgbɛɛɔn. Tári bee fànʔafɔlɔ si maa pye cɔlɔɔ, pe i wi yiri Kandasi, nǎnw bee si i nyɛ Kandasi fǎngi syɛɛnkpɔɔwaa, woro wi da pye wi lɔ́ri myɛ tɛ́ʔɛfɔlɔ, wi maa kári Zyerusalɛmi ma sa Kolocɔlɔɔ kpɔ̀ʔɔrɔ.

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

1 Pyɛri 1:1

Mii Pyɛri, wi lè Zyezu Kirisi pìituɔn, mii a sɛ́bɛw naa tórigo yele ma, yele bele ye nyɛ lè Kolocɔlɔɔ syɛɛnnyɛnɛ-wòlobèle níì cariga n sáà pye nibɔɔnnɔ tátɛɛyi ni be yiri lè Pɔnti, ní Galasii, ní Kapadɔsi, ní Azii, ní Bitinii.