Sofonii 3:1 - Cebaara Bible 2010

¹ Wɔʔɔli a pye kèceegi na gi nɔ́nʔɔ lè, koro gee gi nyìn fǎngi gbànvɔɔlɔ na lè!

Sofonii 3:1 Iomraidhean Croise

Ezayi 30:12

Koro na Isirayɛli Wojanw syɛ́ɛnri naa joo níì jo: «Amɛɛ yele syɛ́ɛnri bee cée lè, níì yeyɛɛ daʔa péemi, ní nɔ̀ʔɔrɔgi na, níì yeyɛɛ zígi dee bee na lè,

Ezayi 5:7

Yawe wi lè Nyɛ̀ʔɛni Sùlasiibéle Kafɔlɔ, wi ɛrɛzɛn ségi gi nyɛ Isirayɛli kpáagi, Zyuda nǎnbèle si i nyɛ wi ɛrɛzɛn tíriri, dee kéele li da wi dɛ́nɛ lè. Wi sɔ̀ngumi maa pye kányɛɛgi na be ma, kàjáa wéle, kanaa-sìnbyeyi yi yaà! Wi maa ni sínnɛ wéle yaà, kàjáa wéle, wɔʔɔgɔ supiiwáara di yaà!

Ezayi 59:13

Poro bi nyɛ wolo n sìnloʔomɔ kpéʔele níì Yawe jànváa n wàli n léeli wolo Kolocɔlɔw na. Wolo i péemi ní céemi syɛ́ɛnrɛ nyuu, níì jànvaaw syɛ́ɛnrɛ fícɛnnɛ taa, ní i sànʔari kpéʔele wolo fúnyi ni.

Ezayi 59:6

Pe fànitiinw a gbǎn burogo wólo nyɔɔ í, pe a gbǎn peyɛɛ dɔ́n ní be kɔ́yi fáli ní í. Pe kapyegèle i nyɛ sìnzinmɛ kapyegèlē, a péemi kapyere wɔ́ɔ i nyɛ be kɔ́yi ni.

Zyeremii 22:17

«Kàjáa mɔ nyapiigèle ní mɔ fúngi o nyɛ yafyɛn na mɔ tɔnɔtaari kàdoʔo na í, mɔ i tɛɛlɛ fun sìsyaanw ŋuu, ní wɔ́ɔ i fǎngi gbàngí peemɛ ni.»

Zyeremii 5:23

Kàjáa syɛ́ɛnbèle naa fúnyo n gbàn, pe i nyɛ niceebéle. Pe i núngu ni syée.

Zyeremii 6:6

Níì cán Yawe wi lè Nyɛ̀ʔɛni Sùlasiibéle Kafɔlɔ, wi n jo: «Ye tíiri kpúmɔn, ye tɛɛ̀lúguyo sámaga Zyerusalɛmi kánmi na! Kěgi naa n tɔ̀nɔ n yɛlɛ ní wɔʔɔlɔ ní. Gee myɛ gi nyɛ gi ni lè, koro gi nyɛ fǎngi gbànna.

Zyeremii 6:7

Amɛɛ kɔ̀lɔ́ wi lǒgi púlo lè, kánmi bee na wi wi péemi púlo. Kàfulogaa nikwɔɔ o nyɛ wi ni kapye péemi ní gàlagíw wóʔo ban í. Yáami ní kpàliyi yi nyɛ mii yɛ́ʔɛ ma làla o làla kwɔ́ɔmɔ fun.

Ezekyɛli 22:29

Tári syɛ̀ɛnnɛ i fǎngi gbàngí, ní i kàyuugi kpéʔele, pe i foomɔfɔbèle ní fɔ̀rɔgɔfɔbèle wɔʔɔ, pe i nibɔɔn faari wi táangi myɛ na.

Ezekyɛli 22:7

Pe i tofɔbèle ní nafɔbèle faari mɔ ni. Pe i nibɔɔn wɔʔɔ ní fungbanga ní mɔ níngi ni. Pe i círio, ní lɔgucaa nɔ̀ʔɔrɔ́ ni líi mɔ ni.

Ezekyɛli 23:30

Pe a mɔ cò kánmi bee na àmɛɛ mɔ miyɛɛ gbéʔele lè nànjaaɔ ní syɛɛnfeleyi ní, ní àmɛɛ mɔ miyɛɛ nɔ́nʔɔ lè ní yi yasunyi ní.

Levii ye sáriga-wòlori 1:16

Wi a jǎngi kíle kɔ́n ní gi síiri ní bi wáa sáriga-wòlo-yafaangi lɛ̀ʔɛlɛ ni, canʔafolomɔ ma, cɔ́ɔngi tɛɛwogo ni.

Amɔsi 3:9

«Ye yele yákpogèle wáa ye gi joo be lóʔo Asidɔdi kpaakpoloyi ni, ní Ezyipiti tári kpaakpoloyo ni, yé jo: ‹Ye yeyɛɛ gbóʔoro Samarii nyanbeleyi na, yé kanyaʔami-nɛʔɛri wéle, dee di nyɛ lè gi ni, ní fǎngi gbànna li nyɛ lè gi fúngi ni.›

Amɔsi 4:1

Yele Basyan nìcáayi, ye syɛ́ɛnri naa lóʔo, yele bele ye nyɛ lè Samarii nyanbeleyi na, ní i fǎngi gbàngí fɔ̀ngɔfɔbèle na, ní i foomɔfɔbèle tɔ́nʔɔnɔ, ní i gi nyuu yele nǎnbèle ma: «Ye wi láa yaa maa wo ba ra gbo.»

Misye 2:2

Pe i nyabɛɛnnɛ kpéʔele seye kéele na, ní i yi nɛnɛ ni syoo, ní kpaaya kéele na, ní i yi syoo fànʔa na. Pe i fǎngi gbàngí kànanbile ní li kpáagi na, n wɔ́ɔ ni gi gbàngí nàɔn ní wi kɔ́rigi na.

Zakarii 7:10

Yele a kɔ́ ra fǎngi gbàngí lɔgucaa, ní círio, ní nibɔɔn, ní foomɔfɔlɔ na í, yele wàa faala a kɔ́ ra kapeʔe sɔ̀ngí wi fúngi ni wi syɛɛnnyɛnnɛ kánma na í.›

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.