Sofonii 2:9 - Cebaara Bible 2010

⁹ Yawe, Isirayɛli ye Kolocɔlɔw wi lè Nyɛ̀ʔɛni Sùlasiibéle Kafɔlɔ, wi n jo: «Koro na mii woweew mɛ́ʔɛ na, Mowabi a ba pye àmɛɛ Sodɔmi nyɛ lè, Amɔn ye si pye àmɛɛ Gomɔri nyɛ lè, bi pye tɛɛgaa, gee nyàápeegi a tɔ́n lè, ní solomɔ tɛɛwòlogo, ní tɛɛ̀kalagiga, bi kòro nya làla o làla. Mii syɛ́ɛnbèle be kòro lè, poro a ba be fuguri, mii syɛɛnfelegi wozanbèlē pe a pye beè lè, poro a ba be taa kɔrigɔ.»

Sofonii 2:9 Iomraidhean Croise

Ezayi 11:14

Pe a foo too Filisitini ye dǎndamayi na canʔajeemɛ kabangi na, pe a pínɛ canʔafolomɔ kabangi syɛɛnfelege kɔ́lɔ yárira fuguri bi láa, pe a be fǎngi cíbele Edɔmi, ní Mowabi na, Amɔn ye si peyɛɛ gaan be ma.

Ezayi 25:10

Níì cán Yawe kɔ́gi a taʔa nyanbelegi naa na. Pe si a Mowabi tánʔana yaà wi tɛ́ɛgi ni àmɛɛ be nyàásige tánʔana káboʔo na lè.

Ezayi 49:18

Mɔ nyapiigèle múgu mi wéle mi miyɛɛ màʔa, mɔ pìíbèle myɛ i peyɛɛ gbóʔoro, pe i maa mɔ ma. Mii n kàli mii woweew na níì jo: Pe myɛ a tɔ̀nɔ́ pye mɔ yalere, bi pye mɔ ferere àmɛɛ cefɔɔn wiyɛɛ vèré lè,» Yawe wi jo nya.

Zyeremii 46:18

‹Mii woweew mɛ́ʔɛ na,› Fànʔafɔw wi jo nya, woro wee be yiri lè Yawe, wi lè Nyɛ̀ʔɛni Sùlasiibéle Kafɔlɔ, ‹wàa a pan àmɛɛ Tabɔɔri nyanbelegi nyɛ lè nyanbeleyi nínge ni, àmɛɛ Karimɛli nyanbelegi nyɛ lè sólomi lɔ̀ʔɔ nyɔ́ɔ na.

Zyeremii 48:1

Dee di joo lè Mowabi kéeli na. Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n jo: «Wɔʔɔli a pye Nebo na, níì cán wi n kálagi! Fɛ̀ɛrɛ n Kiiriyatayimi taa, pe n gi syɔɔ n taa. Kpaataʔa-tɔ́nɔgi i nyɛ fɛ̀ɛ́ri ni, ki n jaa.

Zyeremii 49:1

Dee di joo Amɔn ye kéeli na lè. Yawe wi syɛ́ɛnri naa joo níì jo: «Nànbile o nyɛ Isirayɛli ma ì? Kɔriliio o nyɛ wi ma ì? Nyàʔá na Gadi pye Milikɔmi wóʔo, á wi syɛ́ɛnbèle tɛ́ɛn wi kěyi ni?

Zyeremii 49:18

Wi a pye àmɛɛ Sodɔmi, ní Gomɔri, ní yi taana kěyi nyɛ lè, yee yi kálagi lè,» Yawe wi jo nya, «syɔɔn faala a ní tɛ́ɛn yaà í. Yala o yala li nyɛ lè syɔɔn, li a ní tìrige yaà í.

Zyeremii 49:33

«Hasɔɔri a pye gbàáyi tɛɛlaraga, ní tɛɛ̀kalagiga bi kòro nya làla o làla. Syɔɔn faala a ní tɛ́ɛn yaà í. Yala o yala li lè syɔɔn, li a ní tɛ́ɛn yaà í.»

Zyeremii 50:40

Ki a pye àmɛɛ Sodɔmi, ní Gomɔri, ní yi taana kěyi pye lè, yoro yee Kolocɔlɔɔ da kálagi lè,» Yawe wi jo nya, «syɔɔn a ní tée kòro yaà í. Yala o yala li lè syɔɔn, li a ní tɛ́ɛn yaà í.

Amɔsi 1:13

Yawe wi gee naa joo níì jo: «Amɔn ye kapeeyi taanri kéele na, àlí yi caa i nyɛ sicɛrɛ, gee mii joo n ceri lè mii a gi sàa í. Níì cán pe n Galaadi fícarigèle fɔ̀ɔlɔ purugu koro ga pye bi poro tári kpɔ́ʔɔ.

Amɔsi 2:1

Yawe wi gee naa joo níì jo: «Mowabi ye kapeeyi taanri kéele na, àlí yi caa i nyɛ sicɛrɛ, gee mii joo n ceri lè mii a gi sàa í. Níì cán pe n Edɔmi fànʔafɔw kaceleye sórigo n kpóo n kàriga míige.

Sofonii 2:14

Yaweeri gboogéle a ra sìnɛ́ wi níngi ni, n fàra yaweeri féleye myɛ na. Alí zangbuloweʔe, ní kéremisyoolo a ra syɔ̀ɔ́n wi gàángèle ǹjoyo yataʔaya nínge ni. Fúlomɔ a ra yirigi fɛ̀nɛtiribèle ni. Kálagili a pye kpaaweeli na, níì cán sɛdiri tíiri yatɔnrɔ a láʔa yaà.

Sofonii 2:7

Solomɔ lònyɔɔw bee a pye Zyuda kpáagi wozanbèlē wóo. Nɛɛ bee pe a ra be yaweeri nàʔá. Cángi ga kwɔ́ɔ Asikalɔn kpáayi a pye be tɛɛ̀syɔɔnyi. Níì cán Yawe be Kolocɔlɔw a kacànna pye be na, si be yirige púlori ni.

Sofonii 3:13

Isirayɛli wogorobèle a ní da kakoloyo kpéʔele í. Pe a ní da jànvaa nyuu í, námara nyíngéle a pye be nyɔ́ɔyi ni í, pe a ra líi sáā sìnɛ́, syɔɔn faala a ra be tɔ́ɔrɔ í.»

Zakarii 2:13

Wéle, mii a mii kɔ́gi yìrige yi kánmi na, yi a ba pye yi púlobèle yakoliro.› Yele si a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun.

Córolo 14:21

Kàjáa mii woweew mɛ́ʔɛ na ní àmɛɛ mii Yawe nìjangbɔɔri tári myɛ nyìn lè,

Wɔrɔmi ye 14:11

Níì cán ki n sɛ́bɛ níì jo: «Kàfɔw n jo: ‹Amɛɛ gi nyɛ lè kányɛʔɛ mii i nyɛ sìi na, ànbée gi wɔ́ɔ̄ nyɛ kányɛʔɛ syɛ́ɛnbèle myɛ a ba kpùmɔnɔ mii taana. Pe myɛ a ra Kolocɔlɔɔ kpɔ̀ʔɔrɔ́ ní be nyɔ́ɔyi ní.› »

Làlwaw Kaanziin 29:22

Pe a gi nyaa tári myɛ i nyɛ dìrigí, ní solomɔ, ní naà tɛ́ʔɛ, lùguro ní yasanra a pye yaà í, nyàā faala a ní da fíin yaà í. Ti a pye àmɛɛ Sodɔmi, ní Gomɔri, ní Adima, ní Seboyimi kěyi pye lè, yee Yawe da kálagi lè wi fundanʔari, ní wi fundanʔagbɔɔri báriga ni.

Làlwaw Kaanziin 29:23

Syɛɛnfeleyi myɛ a ra gi nyuu si jo: ‹Nyàʔá na Yawe tári naa cò còganmi naa na? Nyàʔá gi nyɛ fundanʔagbɔɔri naa gbànma nyúngo?›