Sofonii 2:7 - Cebaara Bible 2010

⁷ Solomɔ lònyɔɔw bee a pye Zyuda kpáagi wozanbèlē wóo. Nɛɛ bee pe a ra be yaweeri nàʔá. Cángi ga kwɔ́ɔ Asikalɔn kpáayi a pye be tɛɛ̀syɔɔnyi. Níì cán Yawe be Kolocɔlɔw a kacànna pye be na, si be yirige púlori ni.

Sofonii 2:7 Iomraidhean Croise

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

Ŋúnuyi 80:14

A seʔe cáalayi wɔ́ɔ i yirigi kákpogi ni n ba ni gi kálagi, a sìnbirigi yaweere wɔ́ɔ ba ni gi líi.

Ŋúnuyi 85:1

Ŋúnuŋùúbèle kùndigi wóʔo. Kore jáabèle ŋúnugo.

Yirile 4:31

A syɛ́ɛnbèle bee tága. Pe maa gi cán ncan Yawe n pan n baa poro Isirayɛli ye wéle, níì poro fɔ̀rɔgi nyaa. Lǎli bee ni a be tìgi n kpùmɔnɔ níì too n cíbele n kpɔ̀ʔɔrɔli kpéʔele.

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 11:14

Pe a foo too Filisitini ye dǎndamayi na canʔajeemɛ kabangi na, pe a pínɛ canʔafolomɔ kabangi syɛɛnfelege kɔ́lɔ yárira fuguri bi láa, pe a be fǎngi cíbele Edɔmi, ní Mowabi na, Amɔn ye si peyɛɛ gaan be ma.

Ezayi 11:16

Kogbɔʔɔ a wòlo wi syɛ́ɛnbèle bele má be kòro lè, poro bele pe a kòro Asirii ni lè, àmɛɛ kàa da wòlo Isirayɛli ye ma cángee na be yiri Ezyipiti tári ni lè.

Ezayi 14:1

Yawe a tɔ̀nɔ́ nyinimɛ taa Zyakɔbi na, wi a ní Isirayɛli pìíbèle nyɛ́nɛ wòlo, si be télege pe tári ni. Nibɔnbèle a fàra be na, si peyɛɛ pínɛ Zyakɔbi kpáagi wòolo ni.

Ezayi 32:14

Níì cán kpaakpɔɔgi a yaʔa, kàfulonɛʔɛgi kaʔa a cée yaʔa, dǎndamagi, ní kpaataʔa-tɔ́nɔgi a kàri bi pye tɛɛfiige bi kòro nya làla o làla, bi pye seʔe jofanibèle fundaanra tɛ́ʔɛ, ní yaweeri tɛɛnaʔaga,

Zyeremii 23:3

«Mii si mii bàsanbèle kpóʔoro bi yirige tátɛɛyi myɛ ni, yee má mii be cariga n tórigo lè. Mii a be lúrugo pan ba lége pe bàkpogi ni. Pe a ba ra sii bàā nɛʔɛgi.

Zyeremii 29:10

Gee si Yawe joo lè, koro gi nyɛ gee naa, wi n jo: ‹Lǎli ni yɛ́ɛgèle togoye taanri ní kpɔrigɔ ga kwɔ́ɔ lè Babilɔni ma, mii a yele kéeli wéle, mii a mii syɛɛncanri foro yele kàbangi na, si yele lúrugo pan tɛ́ɛgi naa ma.

Zyeremii 29:14

Mii a niyɛɛ yaʔa yele í mii nyaa,› Yawe wi jo nya, ‹mii si ní yele púlobèle lúrugo pan nɛɛ naa, mii a yele yirige syɛɛnfeleyi myɛ, ní tɛ́ɛyi myɛ ni, beè mii yele nɛnɛ n tórigo lè bi yele kpóʔoro,› Yawe wi jo nya. ‹Mii a ní yele lúrugo pan tɛ́ɛgi ma, gee ni mii da yele cò n yirige n tórigo lè.›

Zyeremii 3:18

Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Zyeremii 30:3

Wéle, canyaa i maa,› Yawe wi jo nya, ‹yee ni mii a mii syɛ́ɛnbèle yaʔa pe lúru pan lè, bele be cò n kári lè, pe lè Isirayɛli ní Zyuda wóbèle,› Yawe wi jo nya. ‹Mii a be lúrugo ba lége tári ni, dee mii kaan be toolɛɛbèle ma lè, pe a ba di taa di pye be worò.› »

Zyeremii 31:7

Níì cán Yawe wi syɛ́ɛnri naa joo níì jo: ‹Yaa ŋúu gbanʔama Zyakɔbi kéeli na ní fundaanra ní. Yaa mugurumɔ yákpogéle wáa gbanʔama syɛɛnfeleyi wogbɔɔɔ kéele na! Ye yele yákpogèle yaʔa kaa lúro, yaa sòololi kpéʔele, ye jo: Yawe, mɔ syɛ́ɛnbèle syɔɔ, pe lè Isirayɛli wogorobèle!

Zyeremii 32:44

Pe a ra seye syoo wáli na, pe a ra yi syɔɔli sɛ́bɛbéle sámagi, pe a ra fɛ̀ɛbēle taari be na. Pe a ra séerafɔɔlɔ lée Bɛnzyamɛ tári ni, ní tɛ́ɛyee ni yi Zyerusalɛmi màʔa lè, ní Zyuda kěyi ni, ní nyanbeleyi kèye ni, ní tìgimi tára keye ni, ní wòrogulo kàbangi kèye ni. Níì cán mii a be wojo-mí-káribèle lúrugo pan,› » Yawe wi jo nya.

Zyeremii 33:12

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: ‹Tɛ́ɛgi naa gi nyɛ lè gurubɛɛrɛ ní syɛ̀ɛnnɛ fun, ní yaweere fun, ní gi kěyi myɛw, yaweere tɛɛkòroyo a ní pye yaà, beè bànaʔabèle a ra be yaweeri yéregi lè.

Zyeremii 33:7

Mii a Zyuda ní Isirayɛli wóbèle lúrugo pan bele be cò n kári lè, mii a be lúrugo pan bi ní ba be télege àmɛɛ ki da pye lè booma ni.

Zyeremii 47:5

Nyǔnyi n baa kùnu Gaza ni. Asikalɔn nyɔ́ɔgi n tɔ́n. A yele tɛɛfiigi wozanbèlē doò, làla jòorí yele a kòro bàā yeyɛɛ kɔnɔgi nya?

Ezekyɛli 39:25

Awá, Kàfɔw Yawe wi syɛ́ɛnri naa joo níì jo: Tɔ́ɔliw ni, Zyakɔbi wóbèle be cò n kári lè, mii a be lúrugo pan, mii a nyinimɛ taa Isirayɛli kpáagi wòolo myɛ na, mii mɛ́ɛcǎngi yéjaʔa si pye mii ni.

Oze sɛ́bɛw 6:11

Yaliilaara kéele n sámaga n yaʔa mɔ ma wɔ́ɔgēle Zyuda, lǎli ni mii ga mii syɛ́ɛnbèle yirige yaà púlori ni n lúrugo n pan lè.»

Abidyasi 1:19

Wòrogulo kàbangi wòolo a ba Ezau nyanbelegi fáliga syɔɔ taa, Tìgimi-tára woolo si ba Filisitini ye tári fáliga syɔɔ taa, pe a ba Efirayimi tásaligi ní Samarii tásaligi fáliga syɔɔ taa. Bɛnzyamɛ a Galaadi fáligi syɔɔ taa.

Misye 2:12

Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.

Misye 4:10

Siyɔn calipili, da wɔʔɔ, máā cɛ́ɛn àmɛɛ cɔlɔɔ nyɛ, wee wi nyɛ seeli na lè! Níì cán tɔ́ɔliw ni mɔ a yiri kěgi ni bi sa mɔ tɛɛkòrogi pye sìnbirigi ni, mɔ a kári fwɔɔ bi sa nan Babilɔni na. Bi mɔ yaʔa yaà beè, mɔ a syɔɔ be ma, nɛɛ bee Yawe a mɔ nyúngi syɔɔ bi yirige mɔ nigoobèle kɔ́yɔ ni.

Misye 4:7

Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Sofonii 2:9

Yawe, Isirayɛli ye Kolocɔlɔw wi lè Nyɛ̀ʔɛni Sùlasiibéle Kafɔlɔ, wi n jo: «Koro na mii woweew mɛ́ʔɛ na, Mowabi a ba pye àmɛɛ Sodɔmi nyɛ lè, Amɔn ye si pye àmɛɛ Gomɔri nyɛ lè, bi pye tɛɛgaa, gee nyàápeegi a tɔ́n lè, ní solomɔ tɛɛwòlogo, ní tɛɛ̀kalagiga, bi kòro nya làla o làla. Mii syɛ́ɛnbèle be kòro lè, poro a ba be fuguri, mii syɛɛnfelegi wozanbèlē pe a pye beè lè, poro a ba be taa kɔrigɔ.»

Sofonii 3:13

Isirayɛli wogorobèle a ní da kakoloyo kpéʔele í. Pe a ní da jànvaa nyuu í, námara nyíngéle a pye be nyɔ́ɔyi ni í, pe a ra líi sáā sìnɛ́, syɔɔn faala a ra be tɔ́ɔrɔ í.»

Sofonii 3:20

Lǎli bee ni mii a yele lúrugo pan, loro lǎli ni mii a ní yele kpóʔoro. Níì cán mii a yele kpéʔele mɛ́ɛyɛ fɔɔlɔ ní sòololo yárigéle tári syɛɛnfeleye myɛ nínge ni, koro a pye yele wóbèle be cò n kári lè lǎli ni mii ga be lúrugo n pan yele nyɛ́nɛ na lè,» Yawe wi jo nya.

Agizye 1:12

Zorobabɛli wi lè Syeyalityɛli jáaw, ní sáriga-wòlobèle kàfɔlɔ Zyozuwe wi lè Yehosadaki jáaw, a poro ní syɛɛnsanbèle myɛ Yawe be Kolocɔlɔw jóomɔ lóʔo, níì kanyaajoow Agizye syɛ́ɛnri lóʔo, n yɛlɛ ní tundunri ní, dee Yawe be Kolocɔlɔw da kaan wi ma lè. A fyáari syɛ́ɛnbèle cò Yawe yɛ́ʔɛ ma.

Agizye 2:2

«Ki joo Zyuda tári kacɔɔnriɔ Zorobabɛli ma, wi lè Syeyalityɛli jáaw, ní sáriga-wòlobèle kàfɔlɔ Zyozuwe ma wi lè Yosadaki jáaw, ní syɛɛnsanbèle ma, mí be pye:

Luki 1:68

«Kàfɔw n yɛlɛ waa wi kpɔ̀ʔɔrɔ́, woro wee wi nyɛ lè Isirayɛli Kolocɔlɔw, níì cán wi n pan wi syɛ́ɛnbèle ma n baa be nyúnyi syɔɔ.

Luki 7:16

A pe myɛ fala ni fɛ̀ɛgí ní i Kolocɔlɔɔ kpɔ̀ʔɔrɔ́ níì jo: «Kanyaajookpɔɔwaa n yìri wolo nínge ni.» Ní níì jo: «Kolocɔlɔɔ n pan wi syɛ́ɛnbèle ma ba be dɛ̀ɛmɛ.»

Kapyegèle 8:26

A Kàfɔw tundunwaa joo ní Filipi ní níì wi pye: «Yìri mi tìgi canʔa parima ma wòrogulo kàbangi na, kólogee gi yìri lè Zyerusalɛmi ma ni syée Gaza ma ki lè fìími tára wóʔo, maa syée gee bee ni.»

Kapyegèle 8:40

A Filipi wéle n wiyɛɛ nyaa Azɔti ni, a wi yiri nɛɛ bee ni syée Sezarikaʔa ma, ní i Syɛɛnjóocǎnri nyuu ni syée kěyee myɛ ni wi forogi lè n taa n sáà nan Sezarikaʔa na.

Wɔrɔmi ye 11:5

Anbée gi wɔ́ɔ i nyɛ tɔ́ɔliw ni, Kolocɔlɔɔ n pèle nyɛ́nɛ n wòlo n yɛlɛ ní wi kpɔ́ʔɔri ní.

Wuruti 1:6

Lǎli bee ni a wi yìri Mowabi tári ma, woro ní wi pìíbèle càbala ní bi lúru pan. Níì cán wi maa pye yaà Mowabi tári ni níì gi lóʔo Yawe n wi syɛ́ɛnbèle dɛ̀ɛmɛ níì yaliire kaan be ma.