Sofonii 2:5 - Cebaara Bible 2010

⁵ Wɔʔɔli a pye syɛ́ɛnbèle na be nyɛ lè wodɛ́ɛnbéle ní sólomi lɔ̀ʔɔ nyɔ́ɔ na, gee bee n jo Kerɛti ye syɛɛnfelegi na. Kanaan, mɔ wi lè Filisitini ye tári, Yawe syɛ́ɛnri di nyɛ dee mɔ kánmi na: «Mii a mɔ kálagi, syɛ̀ɛnnɛ a ní pye mɔ ni í.»

Sofonii 2:5 Iomraidhean Croise

Ezayi 14:29

Filisitini tápow, mɔ a kɔ́ ra fundaanra kpéʔele àmɛɛ kàgbeeli kabi, lee li da ni mɔ kpúmɔn lè í! Níì cán màátɔn a yiri wàbiga ni. Ki fíingi a pye diragɔn-yìrio.

Ezayi 14:30

Lǎli bee ni fɔ̀rɔgɔfɔbèle wozelibèlē a gbǎn ra nàʔá, fɔ̀ngɔfɔbèle a tɛ́ɛn ŋɔ́ndaala na, kàjáa mii a mɔ ninri kpóo ní kateʔe ní. Pe a mɔ wogorobèle kpóo.

Zyeremii 47:7

Kanmìí na wi a ŋɔ́ndaa bi sɛ́ɛ? Ncan Yawe n gi joo n gbàn wi ma waa syée Asikalɔn ma, ní sólomi lɔ̀ʔɔ nyɔ́ɔ ma. Nɛɛ bee wi wi tórigo.»

Ezekyɛli 25:16

gee bee kéele na, Kàfɔw Yawe n jo: ‹Wéle, mii a mii kɔ́gi sánʔa bi taʔa Filisitini ye na, mii a Kerɛti ye kwɔ́ɔ bi yirige yaà, bele be kòro wodɛ́ɛnbéle ní sólomi lɔ̀ʔɔ nyɔ́ɔ na lè, bi bele bee kwɔ́ɔ láʔa yaà.

Amɔsi 3:1

Yele Isirayɛli ye, ki n yɛlɛ ye syɛ́ɛnri naa lóʔo, dee Yawe nyuu yele kéeli na lè, ní narigbaagi myɛ kéele na, gee mii yirige Ezyipiti tári ni lè:

Amɔsi 5:1

Yele Isirayɛli kpáagi wòolo, ye syɛ́ɛnri naa lóʔo, ye funbɛɛnrɛ ŋúnugi lóʔo, gee mii ŋúu yele kéeli na lè.

Sofonii 1:11

Yele Makitɛsyi ye, yaa sùpiiri wáa, níì cán Kanaan syɛ́ɛnbèle myɛ n kwɔ́ɔ gi ni, nǎnbèle bele má wálifiiw fáli kàlifáa lè, pe a kwɔ́ɔ bi yirige yaà.

Sofonii 3:6

«Mii n syɛɛnfeleye kwɔ́ɔ n yirige yaà. Mii n be jɛ̀ɛ́ngèle kpaataʔa-tɔ́nɔyɔ kálagi yi lè be fǎngi. Mii n be kàlari-kóloyi kálagi, syɛ̀ɛnnɛ ni o sɔ̀lɔ́ yaà í! Pe kěyi n jaa, syɛ̀ɛnnɛ ní o yaà í, tɛ́ɛnfɔɔlɔ ní o yaà í!

Zakarii 1:6

Syɛɛnjóori, ní làlwaw kèlē si mii da joo mii falipyebèle ma, pe lè kanyaajoobèle, gele bee ga nan yele tóolɛɛbèle na ì? Pe n lúru n pan níì gi joo níì jo: Yawe wi lè Nyɛ̀ʔɛni Sùlasiibéle Kafɔlɔ, wi n wolo cò n yɛlɛ ní gi ní àmɛɛ wi da gi kɔ̀rirɔ n tímana bi kpéʔele wolo na lè n yɛlɛ ní wolo tánʔaganmi, ní wolo nàʔami ní.› »

Mariki 12:12

A Zyefubèle yɛɛ̀kinibéle fala ni caa bi Zyezu cò, níì cán pe maa gi cán poro na wi kàseeli bee wáa, kàjáa pe maa ni fɛ̀ɛgí syɛ́ɛnmi na. A be núngo wi taana n kári.

Zyozuwe 13:2

Táree di sèʔê kòro lè toro di nyɛ dee naa: Filisitini ye tɛ́nɛmi myɛ, ní Gesyuri ye tári myɛ,

Zyozuwe 13:3

nlaa Syihɔri lógi na gi fóo ni sɔ̀lɔ́ lè Ezyipiti yɛ́ʔɛ ma fwɔɔ n sáà nan Ekurɔn láʔagologi na solomɔkulo kàbangi na. Tári bee di córo Kanaan ye wóri, gee bee n jo dee Filisitini ye fànʔafɔbèle kagunɔ da ni kàragí lè pe lè Gaza wów, ní Asidɔdi wów, ní Asikalɔn wów, ní Gati wów, ní Ekurɔn wów n fàra Avii ye na.

Jàbɔbèle 3:3

Syɛɛnfeleyi bee yi nyɛ Filisitini ye fànʔafɔbèle kagunɔ, ní Kanaan ye myɛw, ní Siidɔn ye, ní Hɛvi ye be pye lè wodɛ́ɛnbéle ní Liban nyanbeleyi kúlo ni, nlaa Baali-Hɛrimɔn nyanbelegi na fwɔɔ n sáà nan Lebo-Hamati na.

1 Samyɛli 30:14

Wolo n sáà too Kerɛti ye wòrogulo kàbangi na, ní Zyuda tásaligi, ní Kalɛbi wòrogulo kàbangi na. A wolo Sikilagi sórigo.»