Sofonii 2:3 - Cebaara Bible 2010

³ Yele bele myɛ ye nyɛ lè màámi fɔ̀ɔlɔ tári na, yaa Yawe caa, yele bele ye táanri wi kajoogèle na lè! Yaa sínni caa, yaa màabyeri caa! Dɔ̀ʔɔ́ yele a ba taa syɔɔ Yawe fundanʔari canʔa na.

Sofonii 2:3 Iomraidhean Croise

2 Samyɛli 12:22

A wi be yari: «Lǎli ni pìíw sèʔê pye woweeo ní lè, mii maa súnw le, ní i nyaan, níì cán mii maa ni gi nyuu níì jo: ‹Wìí wi gi cán, kapye Yawe a nyɔɔ mii na pìíw si yìri bi pye sìi na í?›

Ŋúnuyi 105:4

Ye lúru yaa Yawe ní wi fǎngi caa, ye kòro yaa wi caa nyaama!

Ŋúnuyi 149:4

Níì cán Yawe fundaanri yáriga gi nyɛ wi syɛ́ɛnbèle, wi i màabyebèle fèré ní syɔɔli ní.

Ŋúnuyi 22:26

Mɔ bárigaw ni mii mɔ sòoló syɛɛnnɛʔɛmi nínge ni, mii a ra mii nyɔɔfaliyi forogi mɔ yɛ́ɛgi fyáafɔɔlɔ yɛ́ʔɛ ma.

Ŋúnuyi 31:20

Mɔ funjǎngi mɔ kɔn bele yɛ́ʔɛ na be fɛ̀ɛgí mɔ na lè, ki n tɔ̀nɔ n kpɔ́ʔɔ, mɔ n gi sámaga bele ma be fàn n baa làra mɔ taana lè syɛ́ɛnbèle nyɛ́nɛ na!

Ŋúnuyi 45:4

Kapɛɛnkpumɔn-sànbali, ki n yɛlɛ mi mɔ ŋɔséew pwɔɔ mi cáan mɔ lɛʔɛli ni, li lè mɔ darigali, ní mɔ kpɔ́ɔmi fɛ̀ɛ.

Ŋúnuyi 57:1

Ŋúnuŋùúbèle kùndigi wóʔo, ki joo lè «Mɔ a kɔ́ wi kpóo í.» Davidi tára-nyɔ́ɔ-na ŋúnugi. Gee bee n pye lǎli ni wi fàn Sawuli na lè n sáà jée nyanbeweegi ni.

Ŋúnuyi 76:9

N mɔ yaʔa yaà nyɛ̀ʔɛni na, mɔ n kútiisinw ceri. Fyáari n tári cò a di yére sági,

Ŋúnuyi 91:1

Syɔ́ɔnwee wi jée n làra wee láara ni wi nyɛ lè Pe Myɛ Nyúngo na, wee bee n kòro Séew Myɛ Fɔ́lɔ nyínmɛ ni.

Yirile 12:27

Ye be yari: ‹Sɔ̀lɔ-mí-yaʔali sáriga wii Yawe kpɔ̀ʔɔrɔli kéele na àmɛɛ wi da sɔ̀lɔ Isirayɛli ye kpáayi na lè Ezyipiti ni, lǎli ni wi Ezyipiti ye kpúmɔn n kpóo lè, níì wolo kpáayi wòolo yaʔa.› » Lǎli bee ni a syɛ́ɛnbèle tìgi n kpùmɔnɔ níì too n yɛ́ɛyi cíbele n kpɔ̀ʔɔrɔli kpéʔele.

Kàseegèle 18:10

Yawe mɛ́ɛgi i nyɛ kpaataʔa-nirige. Syɛɛnsiɔn i fé ni jǐn gi ni ni syoo keele ma.

Ezayi 1:17

Ye kacànbyeri tama, yáā kányɛɛgi caa. Wee be wɔʔɔ lè, ye wi dɛ̀ɛmɛ. Ki n yɛlɛ yaa síngi círiw ma. Yaa lɔgucew tánʔa nyuu.

Ezayi 11:4

Kàjáa wi a ra foomɔfɔbèle kútii nyuu ní sínnɛ ní, màámi fɔ̀ɔlɔ be lè tári ni, bàā bele bee kèlē cɛnɛ kányɛɛgi na. Wi a tári kpúmɔn ní fǎngi kàgbeele ní li lè wi syɛ́ɛnri, si syɛɛnpeew kpóo ní wi nyɔɔwari káfalaga ní.

Ezayi 61:1

Kàfɔw Yawe Pǐli i nyɛ mii na, níì cán Yawe n mii télege, wi n mii tun mii í sa ra syɛɛnjóocǎnri nyuu foomɔfɔbèle ma, bàā fûngalagiyi fɔ̀ɔlɔ fúnyo kpaliya sámagi, bàā wɔ́rɔdi kéele nyuu púlobèle ma, bàā yaʔali kéele nyuu kàsolebèle ma.

Zyeremii 39:18

Mii a mɔ yaʔa mɔ í syɔɔ, ŋɔséew a tée mɔ kpúmɔn cáan í. Mɔ siiw wi a pye mɔ yataagi, níì cán mɔ n tága mii na,› » Yawe wi jo nya.

Zyeremii 45:5

Yakpoloyo lé mɔ caa? Mɔ a kɔ́ ra yi caa í! Níì cán wéle, mii a wɔʔɔgɔ yaʔa gi too cere yáriri myɛ na, Yawe wi jo nya. Mii si a mɔ siiw kaan mɔ ma wi pye yataʔa tɛ́ɛyi myɛ ni, beè mɔ ga kári lè.› »

Ezekyɛli 13:5

Yele ga lúgu n yére wéeyi na í, yele ga kàkɔlɔgɔ faan n Isirayɛli kpáagi wòolo màʔa í, jàngó be sámaga yére kapɛɛnni kánma na Yawe cángi na í.›

Oze sɛ́bɛw 10:12

Yaa sínni lùguro lúru, yáā funjǎngi yaliilaara kpéʔele, ye sefɔngɔ cáan yeyɛɛ ma! Yawe caali làla n nan fwɔɔ bi taa wi pan ba sínni yàli yele na.

Oze sɛ́bɛw 7:10

Isirayɛli ye nɛ̀ɛnyɛnɛgi i séeraw kpéʔele be kánmi na. Pe o lúrugu ni maa Yawe be Kolocɔlɔw ma í, àlí koro ní ki myɛ ní, pe o wi caa í.

Zyonasi 3:9

Wìí wi gi cán kapye Kolocɔlɔɔ a wiyɛɛ fúngi kàriga í, kapye wi a wi fúngi kàriga bi wi fundanʔagbɔɔri yaʔa í, koro ga pye wolo a kɔ́ kùu í?»

Zakarii 8:19

«Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Yeye sicɛrɛ wógi súnlere, ní kagunɔ wógi súnlere, ní kɔrɔsiin wógi súnlere, ní kɛɛ wógi súnlere a kàri mugurumɔ, ní fundaanra canya Zyuda kpáagi wòolo ma, ní fundaanra kpóʔorojàngēle canya. Kàjáa ki n yɛlɛ kányɛɛgi ní yɛɛ̀nyingi kéele í yele dɛ́nɛ.› »

Matye 5:5

Bele be màámi kpéʔele lè, bele bee i nyɛ dùba pìibēle, níì cán pe a ba pye tári kɔriliibéle!

1 Tesaloniki ye 4:1

Ni senyɛ̀nnɛ, dee wolo a ní joo lè toro di nyɛ dee naa, tánʔaganmee na yele yɛlɛ bàā táanri lè yele kéeli si Kolocɔlɔɔ dɛ́nɛ, yele n tánʔaganmi bee tama wolo ma. Kánmi bee na si yele wɔ́ɔ̄ táanri. Wolo si sèʔé i yele nyɛ́ɛri ní i yele kɛɛlɛ Kàfɔw Zyezu mɛ́ɛgi na níì jo, ye ní yaa kàa fàrá gee bee na.

1 Tesaloniki ye 4:10

Kánmi bee na si yele wɔ́ɔ i gi kpéʔele senyɛnbèle myɛ ma Maseduwani tári myɛ ni. Kàjáa, ni senyɛ̀nnɛ, wolo sèʔé i yele nyɛ́ɛri níì jo yele í da gi kpéʔele bi ní sɔ̀lɔ wozeligi na,

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

1 Pyɛri 3:4

kàjáa ki n yɛlɛ di pye fèrenaa-sìngalagira yele fúnyi ni làrama ni, ti lè màámi ní fûnnyingi. Dee bee di nyɛ Kolocɔlɔɔ má lɔgbanri yárira.

2 Pyɛri 3:18

Kàjáa ki n yɛlɛ ye gi yaʔa kàa í da taari yele na kpɔ́ʔɔri ni, ní Zyezu Kirisi cánni ni, wi lè wolo Kàfɔw ní wolo Syɔɔfɔw. Woro na nìjangbɔɔri yɛlɛ tɔ́ɔliw ni, ní làrigèle myɛ ni bi taa kwɔ́ɔmɔ fun cángi í ba nan!