Sofonii 2:2 - Cebaara Bible 2010

² sáni kajoo-mí-cerili í pàlá pan lè, sáni cángi bee í ba sɔ̀lɔ àmɛɛ sùweʔe nyɛ lè, sáni Yawe fundanʔari káfugbanga í ba too yele na lè, sáni Yawe fundanʔari canʔa í ba nan yele na lè!

Sofonii 2:2 Iomraidhean Croise

Zyɔbi 21:18

Ba pe i nyɛ lé àmɛɛ nyàáwaʔa nyɛ, gee káfalagi lée ni syée lè, ní sùweʔe, gee káfala-sìnjinni yìrigí lè?

Ŋúnuyi 1:4

Kánmi bee si na ban syɛɛnpeebèle nyɛ í: Pe i nyɛ àmɛɛ fɔ̀migɔ nyɛ, gee káfalagi caragi lè.

Ŋúnuyi 2:12

Yaa jaafɔw syɔɔnri syɔɔnri, koro ga pye wi fúngi a kɔ́ tanʔa í, yele si kɔ́ kùu kólogi na í. Níì cán cɛɛri ga pye wi fundanʔari a cò àmɛɛ naà nyɛ lè. Bele myɛ be làra wi láari ni lè, poro i nyɛ dùba pìibēle.

Ŋúnuyi 50:22

Koro na yele bele ye fɛ̀ʔɛ Kolocɔlɔɔ na lè, ki n yɛlɛ ye gee naa cán, kapye koro ban í, mii a yele sulugu sulugu, syɔɔfɔlɔ a taa yele na í.

Ezayi 17:13

Syɛɛnfeleyi yi kunu àmɛɛ lòkpoloyi kunu lè, wi i syɛɛngbanra nyuu yi ma, a yi i fé ni syée léelige àmɛɛ nyanbeleyi káfalaga nyàā suweʔe lée ni syée lè, ní àmɛɛ káfala-sìnjinnɛ cíbige yìrigí ni syée lè káfalakpɔʔɔ yɛ́ʔɛ ma.

Zyeremii 23:20

Yawe fundanʔari a kolo bi lúru í, fwɔɔ bi taa wi wi fúngi katimanagéle kpéʔele foro. Làrigèle kwɔ́ɔmɔ na, yele a gee bee kɔ́rɔ cán.

Zyeremii 4:4

Ki n yɛlɛ ye yeyɛɛ kɛ́nɛ Yawe ma, ye yele fúnyi kɛ́nɛ, Zyuda nǎnbèle, ní Zyerusalɛmi ye, koro ga pye mii fundanʔari a kɔ́ folo yiri àmɛɛ naà nyɛ, gee gi nyín lè í, bi pye wàa a gbǎn gi fígi í, yele péemi kapyere kéele na.

Kayaagi Nyɛnigɛ 4:11

Yawe n wi fundanʔagbɔɔri láa n sáà nan di láʔali na. Wi n wi káfugbangi fundanʔara sòʔo n wo. Wi n naà le Siyɔn ni, gee gi wi kàpɔɔnbèle sórigo lè.

Ezekyɛli 12:25

Níì cán mii wi nyɛ Yawe, gee mii a joo lè, koro mii a joo, ki foro làlaa sìnzige ni, yele cányi ni ki a tɔ̀nɔ́ pye, niceebèle narigbaʔa, mii a syɛɛnrɛ joo, si wɔ́ɔ di foro,» Kàfɔw Yawe wi jo nya.

Oze sɛ́bɛw 13:3

Koro na pe a pye àmɛɛ nyǐngi nyɔ́ɔ fàfanʔa nyɛ lè, ní àmɛɛ nyǐngi nyɔ́ɔ kásaga nyɛ lè, gee gi kwóo lè, ní àmɛɛ nyàásige nyɛ, gee káfalagi lée kàsyɔʔɔ na ni syée lè, ní àmɛɛ wírige nyɛ, gee gi yirigi wírige tɛɛyirile ni lè.

Nahumi 1:6

Wìí wi a gbǎn soro yére bi wi fundanʔagbɔɔri sige? Wìí wi a gbǎn yére bi wi fundanʔari naagbanga sige? Wi fundanʔari i caragi àmɛɛ naà nyɛ lè, wi i fálayi jabagi.

Sofonii 1:18

Pe wálifiiw yoo, pe tɛ́ɛw yoo, toro a gbǎn ba be syɔɔ Yawe fundanʔagbɔɔri canʔa na í. Wi yejaagi náa a tápow sórigo, ki a tɔ̀nɔ́ pye fyáakpɔɔrɔ àmɛɛ wi a tári syɛ̀ɛnnɛ myɛ kálagi kwɔ́ɔ lè.»

Sofonii 3:8

Koro na ye mii sige, cángee na mii a yìri lè bi pye séerafɔlɔ,» Yawe wi jo nya, «níì cán mii n gi kɔ̀rirɔ n tímana bi syɛɛnfeleyi pínɛ yiyɛɛ ni, bi fǎnyi kpóʔoro yi pan mii ma, bi mii fundanʔagbɔɔri yàli yi na, mii fundanʔari gbànma myɛw. Níì cán mii yejaagi náa a tári myɛ sórigo.

Matye 24:35

Nyɛ̀ʔɛni ní tári a kwɔ́ɔ, kàjáa mii syɛ́ɛnri a tɔ̀nɔ́ kwɔ́ɔ í.