Sofonii 2:15 - Cebaara Bible 2010

¹⁵ Fundaanri kàʔa si gi gee, koro gee ki da tɛ́ɛn lè sági yɛɛ̀nyinge na ní i gi nyuu kiyɛɛ fúngi ni níì jo: «Mii tɔ̀nɔ́gēle, yafyɛn ní o beè mii kàdoʔo ma í!» Acaa! Ki si n baa pye gee tɛɛ̀kalagiga, ki n pye yaweeri tɛɛkòrogo! Bele myɛ be sɔ̀lɔ́ gi taana lè, pe i féfeegèle wíi ní i kɔ́yi yìrigí.

Sofonii 2:15 Iomraidhean Croise

Zyɔbi 16:4

Mii wɔ́ɔgēle, kapye yele ye da pye mii tɛ́ɛgi ni, mii a dée gbǎn joo àmɛɛ yele nyɛ lè, mii a dée gbǎn syɛ́ɛnraa kpóʔoro yaʔa yele kánmi na, mii a dée nyǔngi kólo yele kánmi na.

Zyɔbi 27:23

Pe i kadaagèle kóri wi kéeli na, ní i wi sɔ́nɔ beè wi da pye lè.

Ezayi 22:2

kàfulogo kaʔa, mɔ wee wi nyìn yákpowáari na lè, ní i nyɛ fundaanra kèkpɔʔɔ? Mɔ woguubèle ga kpóo ní ŋɔsée ní í, mɔ woguubèle ga kùu kapɛɛnnɛ ni í.

Ezayi 32:11

Cébèle, yele bele ye nyɛ lè kasɔngunɔ fun, yaa fɛ̀ɛgí gbanʔama! Cébèle, yele bele ye tága yeyɛɛ na lè yaa cɛ̀lɛ́! Ye yele búroyi wòlo, ye pye cepyá, yé sɛntiiribéle pwɔɔ yele sárigèle ni!

Ezayi 32:14

Níì cán kpaakpɔɔgi a yaʔa, kàfulonɛʔɛgi kaʔa a cée yaʔa, dǎndamagi, ní kpaataʔa-tɔ́nɔgi a kàri bi pye tɛɛfiige bi kòro nya làla o làla, bi pye seʔe jofanibèle fundaanra tɛ́ʔɛ, ní yaweeri tɛɛnaʔaga,

Ezayi 32:9

Cébèle, yele bele ye tɔ̀nɔ́ nyɛ lè yɛɛ̀nyinge na, ye yìri ye mii yákpoli lóʔo! Calipiigèle, yele bele ye tága yeyɛɛ na lè, ye líiyi cáan ye mii syɛ́ɛnri lóʔo!

Ezayi 47:10

Mɔ maa miyɛɛ daʔa mɔ péemi na, mɔ maa ni gi nyuu níì jo: ‹Syɔɔn faala o mii nyaagi í!› Mɔ sícilimi, ní mɔ cánni n mɔ pùuni, a mɔ i gi nyuu mɔ fúngi ni níì jo: ‹Mii i nyɛ beè, yarigaa ní o yaà n fàra mii na í.›

Zyeremii 18:16

Pe n be tári pye funwɔɔrɔ yáriga ní kataanra yáriga, a gi kòro nya làla o làla. Bele myɛ be sɔ̀lɔ́ yaà lè, ki n be nyínima, a pe i nyǔnyi kólo.

Zyeremii 19:8

Mii a kěgi naa pye funwɔɔrɔ yáriga, ní kataanra yáriga, bele myɛ pe ga ni sɔ̀lɔ́ gi taana lè, ki a be fúnyi wɔ́ɔ, pe a ra gi tɛ́ʔɛ ki wɔʔɔyi myɛ kéele na.

Zyeremii 50:13

Yawe fúngi yìrile báriga ni, syɛ̀ɛnnɛ a ní tɛ́ɛn di ni í, ti myɛ bìnɛw a pye tɛɛ̀kalagiga. Syɔ́ɔnwee faala wi ga ni sɔ̀lɔ́ Babilɔni taana lè, ki a pye wi ma funwɔɔrɔ, wáā féfeeli wíi wi kálagili kèlē myɛ kéele na.

Kayaagi Nyɛnigɛ 1:1

Hàán! Ki n tɛ́ɛn gee ki nibin, kěgi bee ni syɛɛnnɛʔɛmɛ da pye lè! Ki n baa kàri n pye àmɛɛ lɔgucaa nyɛ lè, koro gee ki da kpɔ́ʔɔ syɛɛnfeleyi nínge ni lè. Ki maa pye fànʔafɔlɔ jáa, wi lè cɔlɔɔ, tátɛɛyi nínge ni. Ki si i nyɛ tɔ́ɔliw ni pɔrɔtɔɔri fáli na.

Kayaagi Nyɛnigɛ 2:1

Hàán! Kàfɔw fundanʔaratɔw n calipili Siyɔn tɔ́n ní fàfaanya ní! Wi n Siyɔn nìjanri yìrige yaà nyɛ̀ʔɛni na n cáan naa tári na! Wi ga sɔ̀ngi n taa wiyɛɛ tɔdaʔali na wi fundanʔari canʔa na í.

Kayaagi Nyɛnigɛ 2:15

Kozɔ̀lɔbèle myɛ i kadaagèle kóri mɔ kéeli na, pe i féfeegèle wíi ní i nyǔnyi kólo calipili Zyerusalɛmi kánmi na, ní i gi nyuu níì jo: «Kěgi lé gi gee, gee pe da ni yiri lè nyɔɔ-mí-forolo, ní tári myɛ fundaanra?»

Ezekyɛli 27:36

Syɛɛnfeleyi jàgiwáabéle i féfeegèle wíi mɔ kéeli na. Níì cán mɔ n pye fyáara yáriga, mɔ a ní tée pye yafyɛn í!› »

Ezekyɛli 28:2

«Syɔɔn-pya, ki joo Tiiri fànʔafɔw ma mí jo: ‹Kàfɔw Yawe wi syɛ́ɛnri naa joo níì jo: Kpɔɔmɔ n baa jée mɔ fúngi ni, a mɔ gi joo níì jo: Mii i nyɛ Kolocɔlɔɔ, mii n tɛ́ɛn kolocɔlɔbèle kòlo na sólomi lòyo nínge ni! Bi gi taa mɔ na, mɔ i nyɛ syɔɔn, kolocɔlɔɔ ban mɔ nyɛ í, á mɔ si mɔ sɔnguri pye mɔ a jo Kolocɔlɔɔ wóri dii.

Ezekyɛli 28:9

A mɔ a ní gi joo lé mɔ kpóofɔw yɛ́ʔɛ ma si jo: Mii i nyɛ kolocɔlɔɔ? Mɔ a kòro syɔɔn mɔ kpóofɔw kɔ́lɔ láara ni, mɔ a tée pye kolocɔlɔɔ í.

Ezekyɛli 29:3

Da nyuu! Ki joo mí jo: ‹Kàfɔw Yawe wi syɛ́ɛnri naa joo níì jo: Wéle, mɔ ní mii cáan, Faraɔn, Ezyipiti fànʔafɔw. Wócɔɔngbɔʔɔ, mɔ wee wi sìnɛ́ mɔ cábiyi nínge ni lè, ní i gi nyuu níì jo: Mii Niiliw i nyɛ mii wóo, mii wi niyɛɛ gbéʔele!

Danyɛli 4:27

A fànʔafɔw jo: «Babilɔni wogbɔɔw mii faan lè n pye fǎngi tɛɛ̀tɛ́ɛnnɛ, mii séew fànʔa báriga ni, ní mii nìjanri kpɔ́ʔɔrɔ kéele na, koro ban gee naa ì?»

Nahumi 3:19

Kanmaa o yaà bi mɔ kpaligi pɔʔɔ í, mɔ námigi i nyɛ kùu wóʔo. Bele myɛ pe ga mɔ kéeli lóʔo lè, pe a ra kadaagèle kóri mɔ kéeli na. Wìí wi yaà, wee wi lè mɔ péemi da ni nangi wi na sìnyére ni í?

Habakuki 1:7

Pe i nyɛ yapeeye ní fyáara yáriya, pe i be kútiiw ní be kpɔ́ɔmi kèlē cɔɔnri peyɛɛ ma.

Matye 27:39

A kozɔ̀lɔbèle i wi teeri ní i nyǔnyi kólo,